Halldór Jónsson

11.12.2013 | 23:51

Kynblöndun

er notuð um allan heim til að breyta eiginleikum einhverra stofna lífvera. Séu það korntegundir, alifuglar, hundar ,hestar eða svín, þá leitast menn við að fá fram öðruvísi einstaklinga sem eru gæddir eiginleikum sem menn sækjast eftir sér til hagsbóta.

Íslenski hundurinn var nærri aldauða sem sérstakt kyn þegar einstakir ræktunarmenn hófu björgunarstarfið. Án þess hefði þessi hundategund horfið inn í aðrar fjölmennari. Menn hafa oft spáð í það að stækka íslenska hestinn og breyta kyninu með því að flytja inn arabiska hesta eða aðrar erlendar tegundir sem væru hlaupalegri og fallegri eða eftirsóknarverðir á einhvern hátt. Menn gældu líka vi að flytja inn erlent kúakyn sem myndi mjólka betur. Menn fluttu inn holdanautastofna sem blandast hafa innlendu kyni með misjöfnum árangri.

Menn ætluðu að bæta íslenska sauðféið með innflutningi Karakúl-hrútanna á sinni tíð en fengu óvænta uppákomu með. Þetta hafði áreiðalega áhrif til íhaldssemi í innflutningi erlendra tegunda í landbúnaði og hafa menn líklega farið varlegar en ella.

Óneitanlega hafa einstöku menn beint sjónum að mannrækt. Viljað láta gáfumenn eignast börn með glæsilegum íþróttakonum eða öfugt. Það var sagt að í þriðja ríkinu hafi verið gerðar tilraunir í þessa vegu en gefist misjafnlega. En hinir dökkhærðu og stórvöxnu aríar eins og Göbbels og Hitler vildu helst vera, vissu ekkert fegurra en ljóshært og bláeygt fólk. Allavega er ekki öðru haldið fram síðan að allir menn séu fæddir jafnir og allir eigi að geta orðið Forsetar fái þeir jöfn tækifæri. Þessvegna er líklega ekki skipt í bekki í skólunum eftir námsgetu, sem er væntanlega hnífjöfn samkvæmt þeirri kenningu sem ofan á er.

Það er enginn sem þorir að halda öðru fram en að innflutningur ólíks fólks en því sem við höfum vanist geti bara orðið til að bæta þjóðina sem fyrir er. Fjölmenning sé æskileg til þess að rífa okkur upp úr heimóttarskapnum sem þjáir okkur og koma okkur sem þjóð í bandalag annarra þjóða eins og Evrópusambandinu. En leitt hefur samt verið getum að því að Frakkar og Þjóðverjar til dæmis munu verða gerólíkir þeim Frökkum og Þjóðverjum sem nú lifa eftir örfáa áratugi. Bretland verði orðið arabískt múslímaríki síðar á þessari öld samkvæmt einföldum reikningi út frá viðkomu fjölskyldna.

Þetta leiðir hugann að íslenska arnarstofninum. Hann er í tilvistarhættu og það er erfitt að tryggja það að hann deyi ekki út. Hann vill sjálfur ekki blandast hröfnum eða fálkum sem gætu þó gætt hann nýjum eiginleikum sem hann vantar til að standa betur í lífsbaráttunni. Nýr arnarstofn blandaður ameríska erninum til dæmis gæti orðið fallegur fugl og náttúruprýði. Ég hef ekki spurnir af neinum Evrópubandalagsörnum en auðvitað varða þeir fyrsta val slíkra áforma.

Spurning er hvort ríkið verður ekki að taka til sinna ráða og bjarga arnarstofninum og fá jafnvle Kára klára og aðra vísindamenn að verkinu. Það er ótækt að missa þennan fugl úr íslenskri náttúru ef hægt er að styrkja stofninn.

Líka má spyrja af hverju sé ekki hægt að rækta fleiri en eitt hestakyn eða kúakyn samtímis í landinu. Það mætti spyrja Guðna Ágústsson út í það hvort erfðaeiginleikar Gunnars á HJlíðarenda hafi ekki skilað sér mann fram af manni rétt eins og skeiðið og töltið. Á þeim grundvelli má hugsa um innflutning bætandi kynja þar sem Gunnar á Hliðarenda er ofjarl allra manna sem hingað kunna að slæðast og hafa ekki slíka arfbera í frumum sínum.

Getur kynblöndun nokkuð orðið til annars en að bæta það sem fyrir er?

Það er allavega skoðun þeirra þjóða í kringum okkur sem við berum okur helst saman við.

Flokkur: Stjórnmál og samfélag | Facebook

Athugasemdir

Dóri minn

Þú veldur mér hugarangri - ég verð bara að segja það.

Þótt missprottnir séum, eigum við þá veraldlegu stöðu sameiginlega, að nokkuð bærilegur jöfnuður er með hæð okkar og hærð. Ennþá þurfum báðir að láta fé af hendi rakna til rakaranna okkar. Ég á bara varla nokkurt einasta eða stakt orð yfir þann þankagang, að gen Amerísks SKALLA-ARNAR séu samboðin okkar íslenska HAFERNI. Tignasta Flugdýri Íslands!!

Hefurðu í alvöru, trú á því, að Sköllóttar-Arna-kerlingar séu sprækari í hreiðrinu en þær frónsku?

Þorkell Guðnason, 12.12.2013 kl. 20:12

það hlaut að vera að það finndist einn sem skildi algerlega hvað ég ber fyrir brjósti hvað varðar nauðsyn á varðveislu þeirrar íslensku tegundar sem íslenski haförninn. En það er úr vöndu að ráða þegar hann getur ekki varðveitt sig sjálfur Honum svipar til misvitra eintaka dýrategunda sem stunda sjálfseyðingu með-eða óafvitað.

Takk fyrir góður Keli fyrir að nenna að lesa órablogg elliærs gamalmennis að dómi bæjarfulltrúa Sjálfstæðisflokksins í Kópavogi sem finnst þó sjálfsagt að hann kjósi þá með þér í vor sem ert aftur fluttur í þennan bæ sem einu sinni var gott að búa í.

Halldór Jónsson, 12.12.2013 kl. 20:48

Með eiginkonum erum við 4 manna kjósendahópur NB. Framsóknarflokkinn munar um minna til dæmis.

Halldór Jónsson, 12.12.2013 kl. 20:49

Þú ert svo skotharður (20:48 + 20:49) að meira að segja Agnes nokkur Braga bliknar í samanburðinum við þíg núna.

Þorkell Guðnason, 12.12.2013 kl. 23:15

Dóri

Það er ekki bara að ég skilji þína HAFARNAR-ÁST.

Þessi tigni fugl er aflið og frelsið sjálft... hvorki íhald né framsókn hvað þá annarrar pólitíkur. Vegna - eða þrátt fyrir, bága stöðu er Haförn tákn íslensku ÞJÓÐARINNAR.

Hinn stóri, sterki en duli konungur sem ekki tranar sér fram. Baráttulaust fara engar sköllóttar, útlenskar össur í faðm eða ból þessa höfðingja. Okkar eigin innfæddu össur eiga þar óskoraðan forgangs- og forfæringarétt...

Þorkell Guðnason, 12.12.2013 kl. 23:31

Ef þú ferð inn á Fornleif geturðu séð mynda af Friðriki 8 í heimskón á Akureyri.Frábær mynd. Hann þurfti nú að skreppa út að kvöldlagi 5 árum seinna og fékk svokallað reiðarslag að sögn og varð þá að líki nr. 133 í líkhúsi StPauli.

En hann er déskoti reffilegur þarna á myndinni og skiljanlegt að hann þyrfti aðeins að pústa.Hann er langafi Margrétar Þórhildar sem er fjallmyndarleg kelling.

Og það getur orðið eins með örninn, hann þurfi krydd í tilveruna

Halldór Jónsson, 12.12.2013 kl. 23:48