Einskær tilviljun

hefur það verið að Frumherji komst í eigu Finns Ingólfssonar.

Í frétt í DV 23 okt.2009 segir:

"...Orkuveita Reykjavíkur seldi Frumherja orkusölumæla fyrir 260 milljónir í stjórnarformannstíð Alfreðs Þorsteinssonar árið 2001. Tveir þjónustusamningar Orkuveitunnar við Frumherja eru milljarða virði......

Frumherji hf., fyrirtæki ....fær tæpar 200 milljónir á ári frá Orkuveitu Reykjavíkur. Þetta er fyrir leigu á hitaveitu-, vatns- og raforkusölumælum á heimilum á starfssvæði Orkuveitunnar og þjónustu tengda þeim.Orkuveitan seldi Frumherja mælana árið 2001 fyrir tæpar 260 milljónir króna og gerði þá fimm ára þjónustusamning við fyrirtækið sem færði Frumherja rúmar 182 milljónir króna á ári.

Nýr sjö ára samningur upp á 200 milljónir króna var gerður við Frumherja árið 2007 - sama ár og Finnur Ingólfsson keypti fyrirtækið....

Auðvitað eru engin tengsli milli amtstíðar Alfreðs Þorsteinssonar í Orkuveitunni,mælasölunnar til Frumherja og síðan þess að Finnur kaupir Frumherja með samningunum!

Af hverjum keypti Finnur?  Hann hefur verið plataður blessaður drengurinn úr því að þetta er svona komið í dag. Nú verður Íslandsbanki, þar sem gamall starfsbróðir úr pólitíkinni er andlit í bankans í stað erlendu vogunarsjóðanna, að fegra málin fyrir Finn.

En erlendir hrægammasjóðir eiga Íslandsbanka eftir að Steingrímur J. gaf þeim hann eftir hrunið um leið og hann gaf öðru slíku gengi Aríon-banka. Þetta eru  heittelskaðir viðskiptabankar almennings í dag. Uppfullir af þjónustulund fyrir þig og þína rukka þeir inn hrakvirta samninga sem þeir keyptu á slikk.

Flottur kall hann Steingrímur og stór í slaginu. Það sá maður í Icesave I að hann er ekki uppnæmur fyrir smámunum kallinn sá.

Það er gott að Íslandsbanki slettir þessum peningum í þetta fallítt Frumherja til að losa öðlinginn hann Finn frá þessum leiðindum að bagsa með svona auralaust fyrirtæki.

Kannski  hefur Finnur kunnað alveg jafn mikið á vexti eins og sú nafnbót lýsir sem Sverrir Hermannnson gaf honum eftir að Finnur rak hann úr Landsbankanum. Eftir það hóf Finnur með öðrum einkavæðingarferli bankanna með viðkomu í VÍS sem kúlmíneraði svo í október 2008.

Svona er feðranna frægð, fallin í gleymsku og dá. Menn voru alveg búnir að gleyma þessu öllu saman þegar Finngálknið dúkkar upp eins og draugur úr fortíðinni.

Þetta er auðvitað  einskær tilviljun.

 

Athugasemdir

[Þórir Kjartansson, 16.1.2014 kl. 11:48]

Já, svona er feðranna frægð, Halldór. Og flokkurinn þinn og minn fyrrverandi kom auðvitað hvergi nærri neinum frægðarverkum á þessum tímum

[Sigurður Þórðarson, 16.1.2014 kl. 12:18]

Það er afar frólegt að lesa 100 blaðsína bók Styrmis Gunnarssonar "Hrunadans og horfið fé". Á tveimur blaðsíðum er sagt frá tilraun Finns til að selja 50% hlut í Landsbankanum og fá einhverskonar umboðslaun tveimur árum áður en bankinn var seldur. Finnur hefur aldrei mér vitanlega svarað þeim hörðu ásökunum sem þar kom fram og ekki heldur eiðsvörnum vitnisburði sama efnis fyrir Rannsóknarnefnd Alþingis.

[Þórhallur Birgir Jósepsson, 16.1.2014 kl. 14:32]

Einhvern tíma fyrir margt löngu þegar ég var enn fréttamaður hjá Ríkisútvarpinu leitaði ég upplýsinga um þessa orkusölumæla. Þá sögðu mínar upplýsingar mér að OR hefði selt Sjóvá mælana. Síðar hefði svo Sjóvá selt Frumherja þá. Tímasetningarnar á þessum gjörningum þori ég þó ekki að fullyrða um, þ.e. hvort einhver misseri eða ár liðu frá kaupum Sjóvár á mælunum þar til þeir voru seldir aftur, til Frumherja.

Sjálfsagt er hægt að finna út úr þessu öllu með smá grúski ef einhver nennir.

[Eiður Svanberg Guðnason, 16.1.2014 kl. 18:37]

Framsóknarmennskan kristallast î þessum dæmalausu gjörningum.

[Sigurgeir Jónsson, 16.1.2014 kl. 20:29]

Það hefur löngum verið stutt milli Íhalds og Krata.Grunnurinn  að hruninu var lagður í ríkisstjórn íhaldsins og kratanna 1991-1994.Þá var gefið frjálst fjármagnflæði frá Íslandi og til þess.Fremstir sátu krataráðherrarnir við að koma því á.

[Jón Thorberg Friðþjófsson, 16.1.2014 kl. 20:31]

Ég hef aldrei nein viðskipti við Frumherja, ef ég kemst hjá því. Og ekki Sjóvá, sem skuldar okkur 16 milljarða eða þar um bil.

Er það ekki rétt hjá mér?

Góðar stundir.

[Hrólfur Þ Hraundal, 16.1.2014 kl. 20:58]

Ég hef auðvita ekkert vit á því sem hér er fjallað um,  en gæti það verið að Finnur umræddur og Finnbogi Jónsson séu genalega skildir.  

Já kristallarnir eru tærir Eiður S.G. Öfugt við mósku íslenskra krata.  

[Halldór Jónsson, 17.1.2014 kl. 17:58]

Það er fróðlegt að kynna sér viðskipta- og ættartengslin sem eru á milli ýmissa höfuðleikendanna í þessu drama öllu, þarna eru mágar og frændur, starfsmenn hjá Bakkavör, hálært fólk og þekkt úr fjármaálgeiranum, Aðalskoðun tengist þessu líka . Ég veit ekki hvort ég nenni að fara ofan í þetta meira. Þetta bara er svona og enginn getur neitt gert í því lengur. Ég pakkaði saman mínum mælamönnum þegar ég sá að spilið var tapað og það er orðinn meira en áratugur síðan þetta hvarf á bak við Framsóknartjaldið þangað til að það rifnar núna allt í einu. Hvert fór allur þessi peningur? Bara í veðhlaupahross og ættbókarmerar?