Spillingin á fullu

og hvorki Sigurjón M. né aðrir virðast hafa neitt við hana að athuga á Sprengisandi rétt í þessu. Ragnheiður Ásta Jóhannesdóttir og Helgi Magnússon úr Lífeyrissjóði Verslunarmanna skýra frá því hvernig þau raði völdu fólki í stjórn atvinnulífsins. Og meira í vændum? Endalaust? Ætlar einhver að segja mér að þarna sé ekki pláss fyrir spillingu? 

Rétt áður er Herdís Þorgeirsdóttir búin að lýsa spillingunni hjá Pútín í Rússlandi,  Hvernig hann er orðinn einn ríkasti maður heims. Fyrirhafnarlaust. Hvernig skyldi vinum hans hafa gengið? Í hvaða stjórnum skyldu þeir sitja?

Það sem ég  hef við þetta að athuga, sem áhrifalaus eigandi að þessum lífeyrissjóði sem skammtar mér úr skertum hnefa  er það, að mér finnst alveg óþarfi að láta þetta lið vera að braska með ríkispeninga. Lífeyrissjóðurinn er að spekúlera með fjármuni sem eru sameign þjóðarinnar. Ég hef atkvæðisrétt í kosningum. Engan í Líifeyrissjóðnum.

Ríkið á skattfé af öllum útgreiðslum úr sjóðnum. Það fær mánaðarlega skatt af þessum litlu greiðslum til mín. Og skerðir svo grunnlífeyrinn á móti. Af hverju tekur það ekki þessa peninga til sín? Semur við sjóðinn um að fá það sem óútgrett er strax og síðan staðgreiðslu af öllu sem innborgað er hér eftir?

Engar ríkisskuldir, engar 90 milljarða vaxtagreiðslur ríkisins, engin vandamál í heilbrigðiskerfinu. Er það ekkert vandamál?

Eða bara spillingin á fullu áfram?

Athugasemdir

[Kolbrún Hilmars, 9.2.2014 kl. 15:22]

Það er ekki alveg svo einfalt að ríkið "eigi" skattféð alfarið.  Hluti þess afnemst með persónuafslætti lífeyrisþegans við útgreiðslu.

Þess vegna yrði svo  erfitt að úthluta ríkinu strax skatthlutann.

[Guðjón E. Hreinberg, 9.2.2014 kl. 15:31]

Ef Ísland væri rekið með lýðræðislegum hætti þá værum við ekki að ræða um hvort "ríkið" ætti skattfé heldur hefði það til ráðstöfunar.

Ennfremur væri skattstofn og skatthlutföll bundið í stjórnarskrá og því mætti einungis breyta með þjóðaratkvæði.

Hver sá sem rætt hefur við almennt fólk veit að það vill borga skatta og að þeim sé ráðstafað "með heiðarlegum hætti". Þetta veit Lýðveldisskrukkan og einnig að buddan er valdið.

[Predikarinn - Cacoethes scribendi , 9.2.2014 kl. 16:41]

Það hefur verið marg reiknað víða um heim að tekjuskattur 0% á alla skili sér afskaplega vel í gegn um neysluskatta eins og virðisaukann eða söluskatt. Það sem gerist er að sá sem aflar teknanna ráðstafar þeim að eigin vilja í stað þess að misvitrir stjórnmálamenn ráðstafi þeim í gæluverkefni sín.

Allir þurfa að kaupa inn til heimilisins matvæli sem aðrar nauðsynjar. Ráðstöfunarféð er meira við skattleysið og alþekkt er að flestir eyða miðað við það sem kemur í budduna um hver mánaðarmót, skuldsetur sig vegna húsnæðiskaupa og annars slíks í samræmi við það einnig. Þannig er yfirleitt sami þúsundkarlinn eftir um mánaðarmót í veskinu hjá þeim sem mikið þénar og þeim sem minna aflar.

Sumir auðvitað leggja pening til hliðar inn í bækur innlánsstofnana og enn aðrir fjárfesta í hlutabréfum atvinnufyrirtækja. Þegar upp er staðið gera formúlurnar ráð fyrir að þessi leið skili aurunum í ríkissjóð betur en tekjuskattsleiðin. Engum væri lengur mögulegt að vinna svart, sem kallað er, því engan tekjuskatt væri um að ræða hvort eð er og því undanskot engin. Allir þurfa að kaupa sér nauðsynjar og því er eftirlitið auðveldara.

Hvað varðar lífeyrissjóðina þá er illskiljanlegt hvers vegna eigendur þeirra skuli ekki eiga kost á að velja sér stjórn þeirra og þar með stjórnendur! Þá er enn óskiljanlegra hvers vegna atvinnurekendur skuli eiga þar sérstaka aðkomu - nema í þeim tilfellum þar sem stjórnendur fyrirtækja væru hvort eð er sjóðfélagar og myndu þá geta boðið sig fram í almennum kosningum.

Menn hafa löngum undrast til dæmis hvernig á því hafi staðið að Víglundur Þorsteinsson hafi í endalaust mörg ár setið í stjórn stærsta lífeyrissjóðsins og síðan fengið milljarða fyrirgreiðslu sem síðan hefur tapast og sjóðfélagar hafa staðið eftir með jafnvel allt að 50% skerðingu lífeyris í sumum tilfellum. Þá eru ótaldir milljarðar sem hann náði að sögn út úr öðrum lífeyrissjóðum og sjóðum svo sem Iðnlánasjóði, Iðnþróunarsjóði, Byggðastofnun og fleirum sem maður hefur heyrt nefnda til sögunnar að ógleymdum Verslunarbankanum sáluga og síðan Iðnaðarbankanum, Íslandsbanka og Glitni. Hann mun víst ekki einungis hafa fengið afskrifað í kring um hrunið - heldur margsinnis áður.

En Víglundur Þorsteinsson hafi þó þökk fyrir að ná út fundargerðunum sem hann opinberaði nýkega sem virðast lýsa landráðabruggi og landráðaframkvæmd flugfreyjunnar og jarðfræðinemans. Spurning hvort það sé þá kannski milljarðatuganna afskrifuðu virði ?