Er það okkar vandamál?

þegar harðstjórar og uppreisnarmenn í einu landi berjast svo að konur,börn og andhetjur flýja? Af hverju er það okkar vandamál að leysa úr afleiðingum brjálæðisins sem einhverjir kölluðu arabiska vorið?

Við skárumst í leikinn í Libíu og óbeint drápum Gaddafi fyrir alveg jafnmiklar skepnur og hann var sjálfur. Við drápum Hússein í Irak og leiddum miklu meiri hörmungar yfir fólkið í landinu en hann nokkurn tímann gerði. Gleymum því ekki að hann Saddam verkfræðingur  fékk áður verðlaun Sameinuðu Þjóðanna fyrir afrek sín á sviði heilbrigðismála í landi sínu.  Báðir þessir fantar héldu frið innanlands með þeim meðölum sem þurftu. Þá var þetta ekkert vandamál sem við þurftum að spá í. Nú er Assad augnlæknir eð berjast við glæpamenn og erlenda flugumenn sem engu eira. Verður ekki annar að drepa hinn til þess að friður komist á?

Svo ryðst fólk óboðið yfir landmæri inn í önnur ríki og kallar sig flóttamenn sem þýðir að heimurinn eigi að framfæra það burtséð frá því hvaða fortíð það hefur.  Borgarastríð eru innanríkismál. En fyrrum innaríkisráðherra Íslands skrifar greinar í blöð og leggur málið upp eins og að við eigum að leysa þessi flóttamannamál.  Líklega með því að flytja flóttamennina hingað á okkar sósíal.

Tóku allar þjóðir almennt við flóttamönnum undan Hitler?  Hverra vandamál voru vandamálin þá?

Athugasemdir

[Þorkell Guðnason, 9.2.2014 kl. 20:26]

Það er þetta með arabíska vorið, það uppfyllir greinlega seint vonir eða þarfir allra.

"Ég flyt ekki þangað", var sagt í mín eyru, "fyrr en búið er að opna þar "Ríki"

[Halldór Jónsson, 10.2.2014 kl. 12:39]

Segjum tveir Keli. Þeir drekka manna mest arabarnir eins og við gerðum á skólaböllunum í den, það má bara enginn sjá