Ofstækispistill

birtist á Morgunblaðsopnunni eftir Jón Agnar.(feitletrun bloggara)

"Það er ekki laust við að maður sé hugsi í kjölfar úrslita í kosningum sem nýafstaðnar eru, annars vegar til Evrópuþingsins og hins vegar til sveitarstjórna hér heima á Íslandi. Er það einkum af því það má finna sameiginlega fleti þegar úrslitin er skoðuð og þeir eru langt í frá að vera kræsilegir. Þvert á móti eru þeir í flesta staði varhugaverð viðurstyggð.

 

Í Evrópu er það nefnilega svo að þjóðernissinnuðum stjórnmálaöflum vex fiskur um hrygg og sú ljóta þróun er ekki bara bundin við Austur-Evrópu, þar sem kynþáttahyggja hefur löngum verið áberandi, heldur er þessi ófélega stemning að stinga sér niður um alla Vestur-Evrópu hið sama. Þegar undirritaður bjó í Frakklandi, fyrir tæpum tveimur áratugum, þótti þjóðernissinninn Jean-Marie Le Pen næsta hlálegur vitleysingur og skoðanir hans fengu afskaplega takmarkaðan hljómgrunn. Í dag er dóttir hans, Marine að nafni og alveg af sama sauðahúsinu, einn sigurvegara umræddra kosninga til Evrópuþingsins og engum stekkur lengur bros. Lýðskrumið hefur haft erindi sem erfiði og árangurinn er knúinn af tortryggni og óvild í garð útlendinga.

 

Þeir sem hafa séð myndband framleitt af ungliðum úr röðum sænskra þjóðernissinna og heyrt þar skilaboðin »Evrópa tilheyrir okkur« vita sem er að allstaðar virðist sama pestin búin að stinga sér niður. Hún er ógeð.

 

Gegnum aldirnar hefur jafnan mátt bóka að slíkar umgangspestir berast fyrr eða síðar hingað til lands sömuleiðis enda smitvænir í einhverjum mæli allsstaðar fyrir. Á meðan farsóttir fyrri tíma bárust hingað til lands með skipum og lögðust á líkama hinna smituðu þá berast nýju veikirnar hinsvegar með fjölmiðlum og gera þá sjúku veika á sinninu; þeir líta með hræðslu og vanþóknun á útlendinga og fólk af öðrum trúarbrögðum og telja þá hinar mestu fordæður upp til hópa sem ekkert muni hér gera nema spilla draumalandinu í bak og fyrir. Það var þá!

 

Verst er þó að sjá fólk í framlínu stjórnmálanna skara eld að þessum ömurlegu glæðum - sem eiga ekki að fá lifað í upplýstu samfélagi á 21. öldinni - til þess eins að hafa af því skammtíma hagsmuni í baráttunni um völdin. Maður skyldi ætla að slíkur hugsunarháttur væri ekki til staðar hér á landi nú til dags en nýafstaðin kosningabarátta sýndi og sannaði að lengi má ofmeta mannfólkið og þegar allt annað um þraut - mannaskipti í forystunni, samkrull fyrir flugvallarvini og hvaðeina - tók Framsóknarflokkurinn slaginn og ákvað að höfða til fáfræði og tortryggni í garð múslima. Því hefði ég trauðla trúað fyrirfram en á minn sann, Framsókn hefur enn á ný slegið eigið met í því að seilast langt á lokasprettinum þegar raunveruleg málefni duga ekki til.

 

Að höfða til lægstu og heimskulegustu hvatanna hjá almenningi til að skara eld að eigin köku er ómerkilegt kosningabragð sem landsmenn hefðu átt að sjá í gegnum. Góðir Íslendingar, ég hafði meiri trú á ykkur en svo. "

'Eg hefði fremur búist við svona skrifum annarsstaðar en í Mbl. "Pest og ógeð" er það að hafa að hafa aðrar skoðanir en þessi blaðamaður. Heill stjórnmálaflokkur fær þessa einkunn hjá þessum snillingi.

Ég ætla að segja þá skoðun mína umbúðalaust að Sveinbjörg og Guðfinna þurfa ekki að biðjast afsökunar á neinu. Þær þorðu og fólkið fylgdi þeim.

Svona ofstækispistill hefði sómt sér ágætlega í "Völkischer Beobachter" á sinni tíð þegar helir kynstofnar voru kallaðir pest.

Jón Agnar þessi hækkaði ekki mikið í áliti hjá mér við þessi skrif við hliðina á leiðaranum í Morgunblaðinu. 

Athugasemdir

[Elle_, 3.6.2014 kl. 17:42]

Já mér finnst þessi pistill hans vera ofstækislegur.  Hvað er fólk alltaf að klína hatri og kynþáttahyggju á Framsókn?  Og hvað koma þjóðernissinnuð stjórnmálaöfl þeim við?

[Elle_, 3.6.2014 kl. 17:49]

Fullveldisframsalssinnar eru langstærsta vandamál landsins, hættulegt fólk oft.  Þeir eru oft svo grunnhyggnir að þeir rugla saman og skilja oft ekki muninn á frelsi og sjálfstæði og föðurlansást annars vegar og kynþáttahatri og þjóðernishyggju hins vegar.   Þeir kalla fullveldissinna ögfamenn, eins og þeir hafi nú efni á þessu.

[Halldór Jónsson, 3.6.2014 kl. 18:19]

Já kæra Elle

Ég held að þú sért að skilja þetta rétt og greina. Það er eins og það sé einhversstaðar til rétt skoðun sem útvaldir passa. ÞEf einhver segir eitthvað annað er hann hægri öfgamaður, rasisti, pest og ógeð.

[Ragnhildur Kolka, 3.6.2014 kl. 19:34]

Stöð 2 hefur nú bætti í þetta safn uppnefna. Nú er Framsókn kallaður ÖFGAMIÐJUFLOKKUR.

[Halldór Jónsson, 3.6.2014 kl. 23:12]

Af hverju erum við að kalla Fréttablaðið Fréttablað?

Munið þið ekki eftir hvernig maður varð að fá "línuna" í gamla daga. Úr Mogga, Tíma eða Þjóðvilja.

Fréttablaðið er ekkert fréttblað heldur einstefnulegasta flokksblað sem út kemur á Íslandi um þessar mundir. Það ættifrekar að heita Pravda eða eitthvað ámóta. Svo gersamlegt einstefnublað er það að það fer mikil orka hjá okkur hinum að sítyggja sömu svörin í þá, því þeir harpa alltaf á því sama upp aftur og aftur.