Bann við búrkum!

sett í Evrópu skv. Morgunblaðinu í dag:

"Mannréttindadómstóll Evrópu staðfesti í gær bann við því að klæðast búrkum í Frakklandi. Yfirvöld þar í landi settu lögin árið 2010 undir stjórn Nicolas Sarkozy. Málið var borið fyrir dómstólinn af 24 ára franskri konu sem fullyrti að bannið bryti gegn tjáningar- og trúfrelsi hennar. Í lögunum segir að enginn megi klæðast á almannafæri flík sem er til þess gerð að hylja andlit. Sektin fyrir brot á lögunum nemur 150 evrum, eða 23 þúsund krónum. Í landinu búa fimm milljónir múslima. "

Hér á landi er ekki vanþörf á að Alþingi taki á svipuðum málum. Í búsáhaldabyltingunni skutust grímuklæddir glæpamenn óáreittir innan um mannfjöldann og frömdu óhæfuverk óáreittir.

Ég man eftir því að hafa lesið einhversstaðar á íslensku í gamla daga um að bannað væri að ganga grímuklæddur á almannafæri. Hvað varð af þessu?

Það er ekki seinna vænna að  bann við grímubúningum á almannafæri verði sett í lög á Íslandi. 

Athugasemdir

[Ómar Ragnarsson, 2.7.2014 kl. 14:29]

Ástæðan fyrir dómi Mannréttindadómstólsins er sú að bannið við að hylja andlit sitt er almennt og gengur jafnt yfir alla. Grímuklæddir menn á útifundum og nafnlausir vígamenn á netsíðum sem "starfa á fólki" eins og Ingibjörg Sólrún orðar það með orðfæri Gísla sögu Súrssonar, eru ekki til sóma fyrir þjóðfélag okkar.

[Sigurgeir Jónsson, 2.7.2014 kl. 18:15]

Ágætt vær að muslimar á Íslandi læsu dóm Mannréttindadómstólsins yfir áður en þeir fara að vitna í Ingibjörgu Sólrúnu og Gísla sögu Súrssonar og gefa til kynna að dómstóllinn hafi byggt dóm sinn á einhverju sem frá frá Ingibjörgu hefur komið eða stendur í sögu Gísla.Búrka er búrka og bannað er að klæðast henni samkvæmt lögum Frakklands, og þau lög standa samkvæmt dómi Mannréttindadómstóls Evrópu.

[Hrólfur Þ Hraundal, 2.7.2014 kl. 21:40]

Þegar ég var fjórtán eða fimmtán ára, þá vorum við tveir félagar niður í miðbæ með grímur á sautjánda júní.   Þá stöðvaði okkur ábúðamikill lögreglumaður og sagði að það væri bannað að vera með grímur á almannafæri. 

Við rifum niður grímurnar í fáti og þá sagði hann brosandi að við gætum notað þær heima hjá okkur, en á almanna færi væru það helst bófar sem þyrftu að fela andlit sitt.

Mig grunar því að í lögum hafi verið svona bann, hvernig sem því er farið núna.

[Halldór Jónsson, 4.7.2014 kl. 22:40]

Er bannað eða ekki bannað að vera grímuklæddur á almannafæri á Íslandi?

[Predikarinn - Cacoethes scribendi , 5.7.2014 kl. 03:21]

Hérna er frétt um að ungt fólk í Frakklandi lætur ekki bjóða sér lengur átölulaust að múslinar eru grímulaust að hertaka Frakkland og mergsjúga þjóðfélagið sem afar, ömmur og foreldrar þeirra byggðu upp, en hleyptu brennuvarginum inn í landið :

http://youtu.be/Ims4r1fCExY