Fyrir 9 árum

skrifaði ég grein  í Morgunblaðið. Auðvitað vakti greinin engin viðbrögð og ég var sjálfur búinn að steingleyma henni. Ég rakst á hana í ruslinu í tölvunni og las hana. Mér til furðu þá hef ég ekki breytt um skoðun í ljósi reynslunnar. Ég læt hana flakka hér án þess að breyta nokkru:

" ÉG ER fyrirfram smeykur við múslíma. Mér sýnist að mörg óáran í heiminum tengist þeim trúarbrögðum. Hryðuverkamenn samtímans eru líka flestir múslímar. Q.e.d., þessvegna er ég fyrirfram smeykur. Mér er sagt að islömsk lög séu æðri öðrum lögum hjá múslimum. Ég er því fyrirfram smeykur við að hingað komi illir múllar á vegum múslima og hvetji þeirra ungu sálir til óhæfuverka. Ýmislegt í fari múslíma veldur því að mér finnst öruggara fyrir Íslendinga að takmarka sem mest innflutning þeirra. Ég vorkenni að vísu hverskonar strangtrúarfólki, vegna þess andlega ófrelsis sem það undirgengst. En strangtrúarfólk er því miður oft árásargjarnt og óumburðarlynt. Hvað gerðist í krossferðunum?

 

Mér er sagt að ekki megi lengur kenna kristnifræði í skólum, og múslímakrakkar fái frí frá trúarbragðatímum. Í mínu ungdæmi var kristnifræði uppsláttarfag, sem ég lærði utanbókar, alveg án þess að ég hafi lagt trúnað á biblíusögur, hvorki þá né síðar.. Ég held samt að það hafi ekkert skaðað mig að hífa upp aðaleinkunnina með þessu hætti. Ekki frekar en að mér var skipað að læra margföldunartöfluna án þess að vilja það sjálfur. Skólarnir núna virðist hættir að sinna þessu grundvallaratriði reikningskennslunnar og ég þekki tólf ára börn sem geta ekki reiknað af því þau kunna ekki töfluna.

Mér heyrðist að til hafi staðið að banna að gefa börnunum svínakjöt í gamla skólunum mínum af tillitsemi við einhverja innflutta trúarhópa. Það var hellt uppí mig lýsi í þessum skóla í dentíð án þess að ég fengi rönd við reist. Er ekki þetta umburðarlyndi okkar ekki komið útí öfgar? Verður ekki að ríkja agi í þjóðfélaginu á undan eftirgjöfum?

Ég er líka fyrirfram smeykur við blökkumenn. Í Bandaríkjunum eru þeir um 10% fólksins en fremja hávaðann af öllum glæpum í landinu. Meðal þeirra virðast finnast fleiri frumstæðir einstaklingar en meðal annarra kynþátta. Sem valdahópar eða þjóðir fara blökkumenn gjarnan mjög illa með fólk eins og er í Afríkuríkjunum. Við blasir að það er mjög erfitt fyrir svarta og hvíta að samlagast. Þessvegna held ég að innflutningur á blökkufólki til Íslands eigi að vera í lágmarki, bæði þess fólks og okkar vegna.

Núna ríkir neyð víðast hvar í Afríku þar sem áður var gnægtabúr á nýlendutímunum. Ég las það í frönsku blaði eftir virtan stjórnmálamann, að eina leiðin til að bjarga Afríku sé að þeir leggi inn sjálfstæðið og verði nýlendur aftur. Mér finnst þetta ekki það vitlausasta sem ég hef heyrt. Verst settu þjóðunum kæmi best, að leggja sjálfstæðið inn til SÞ til geymslu meðan stofnunin reyndi að koma böndum á ástandið. Þessháttar stjórnarbót kemst hinsvegar ekki á nema með algeru stjónvaldaafsali og hervaldi. SÞ reyndu til dæmis til þrautar að koma á reglu á Haiti í með samvinnu og aðstoð við þarlent fólk. Þær urðu að gefast upp og hætta. Þar ríkir nú alger skálmöld.

Afríkupreláti einn kom fram á dögunum í íslenzku sjónvarpi og sagði að skuldaniðurfelling Afríkuríkja væri ágæt byrjun. Nú þyrfti hjálpin hinsvegar að fara að berast sem fyrst. Mun neyðin í Afríku ekki halda áfram hvað sem sent er þangað? Afríkuþjóðirnar flestar geta ekki séð fótum sínum forráð því fólkið þar virðir hvorki lög né mannréttindi. Það virðist því næsta vonlaust að senda Afríkumönnum mat, peninga eða vopn til að breyta núverandi ástandi. Vandamál Afríkuþjóðanna er að agann vantar í þjóðfélögin og þjóðirnar geta ekki haldið honum uppi sjálfar vegna uppeldisleysis og offjölgunar.

Ég er smeykur við afleiðingar þess fyrir íslenzka þjóð, að flytja inn hópa af framandi fólki, sem er aðeins að flýja fátæktina heima fyrir. Því fátækt og offjölgun er það eina sem nóg er af í heiminum. Er ekki blekking að kalla slíkt fólk flóttafólk til að vekja samúð almennings? Hvað er fólk að flýja sem flýr eigin þjóð? Kólumbía er ekki tiltakanlega vanþróað lýðræðisríki. Vissulega hefur Asíufólkið auðgað þjóðlífið okkar á margan hátt, en hvort það samlagast okkur efa ég.

Af hverju erum við skipulega að búa innflytjendavandamál til hér þegar við þurfum þess ekki? Nú eru StórDanir víst fyrirsjánlega að deyja út í landi sínu og aðrir kynstofnar munu byggja Danmörku framtíðarinnar, þökk sé innflytjendavíðsýninni. Og Bretland stefnir í að verða múslímaríki aðfluttra. Viljum við að einhverjir lesi fornsögur okkar í framtíðinni? Hvað þolir tungan mikinn innflutning fólks?

Ég er smeykur við að núlifandi Íslendingar, bæði á mínum aldri og yngri, hugsi ekki fram í tímann og séu uppteknir af stundarhag sínum og sjálfsaðdáun. Ég er smeykur við þann hugsunarhátt, að ein kynslóð Íslendinga telji sig geta sölsað undir sig verðmæti þjóðarinnar, sem margar kynslóðir á undan hafa byggt upp. Sóað því síðan í sjálfa sig með skattalækkunum án tillits til afkomendanna.

Ég er smeykur við að einstakir valdamenn okkar telji sig æ bærari að ráðstafa verðmætum lands og þjóðar í sína og sinna þágu, án þess að nokkur minnist Einars Þveræings.

Já, - stundum er ég smeykur. "

Ég hef ekki breytt um skoðun í neinu af því sem þarna er skrifað. Enginn tók mark á þessu þá og sjálfsagt tekur enginn mark á þessu í dag. Vandamálið hefur hinsvegar versnað um allan helming á öllum þeim sviðum sem ég nefni þá. En enginn vill sjá eða heyra.

Hafa málin batnað á þessum 9 árum? 

Athugasemdir

[Hrólfur Þ Hraundal, 28.8.2014 kl. 15:54]

Danir og Svíar voru farnir að vara okkur við fyrir þrjátíu árum en ekkert hefur sést til varna hér en þá. 

Þetta Íslam eða Múhameðstrú eða hvern andskotann þetta heitir nú, er nefnilega ekki bara trú sem menn rækta með sjálfum sér heldur stjórnkerfi sem ekki er hægt að komast undan án lífshættu.  Þannig er nú trúfrelsið á þeim bæjunum.   

[Halldór Jónsson, 28.8.2014 kl. 17:20]

Satt segirðu Hrólfur

Þetta er allt umlykjandi kerfi sem þeir verða að lifa eftir með illu eða góðu og eru grimmilegar refsingar við ef útaf er brugðið. Alveg eins og var hjá Gyðngum á dögum Krists. Þetta fólk er öldum á eftir að öllum þroska og við þá er ekki hægt að eiga neinar rökræður því þeir svara bara með vopnum. Þetta eru bara villimenn og við eigum ekkert erindi til þeirra. En þeir vilja hinsvegar að við sjáum fyrir þeim og afhendum þeim alla okkar forsjá.

[Halldór Þormar Halldórsson, 28.8.2014 kl. 19:49]

Sælir eru einfaldir.....

[Halldór Jónsson, 28.8.2014 kl. 22:36]

Nafni, hefur þú betri eða flóknari lausnir?

Allavega vil ég þakka grein þína um Jack the Ripper. Heldurðu að Chapman hafi verið Jack?

[Elle_, 28.8.2014 kl. 23:50]

Evrópsk frekjuveldi arðrændu og fóru verulega illa með Afríkulönd og þar með blökkufólk, Halldór.  Evrópsku veldin eru búin að valda alltof miklum skaða, hvar sem þau komu, og eiga ekkert erindi aftur þangað sem þau voru, og valda enn meiri skaða. 

[Predikarinn - Cacoethes scribendi , 29.8.2014 kl. 01:56]

Kæri Halldór.Það er komið á daginn að þið Enoch Powell höfðuð rétt fyrir ykkur. Hér er ný frétt um annan af ykkur tveimur :

http://www.dailymail.co.uk/news/article-2736019/Enoch-Powell-RIGHT-warn-against-immigration-claims-former-Tory-defence-minister-Gerald-Howarth.html

.