Vorum við tossar 1957?

sem útskrifuðumst úr MR það ár. Í hópnum voru jafnvel tveir sem höfðu langt yfir 9 og margir yfir 8?

Ég hlýt að velta þessu fyrir mér þegar fullyrt er að stúdentar geti vel orðið árinu yngri en við vorum, nærri tvítugir margir.

Fyrir mína parta var ég heilmikið barn þegar ég lít til baka. Ég er það sjálfsagt að einhverju leytit enn enda vitsmunir minni en ég hefði kosið. En það er eitt sem ég skil ekki þegar þessi umræða um styttingu náms til stúdentsprófs ber á góma. Vorum við tossar ? Gátum við lært þetta sem við lærðum á ári skemur? Hvað vorum við að gera í 5. bekk? Gátum við sleppt honum? Vorum við bara að slugsa?

Ég held að mér hafi ekki veitt af lífsárunum þegar ég kom ekki tvítugur í annað land. Ístöðulítill, mállaus og óharðnaður unglingur og óspilunarsamur til viðbótar. En það er enginn replay-takki á lífinu. Því miður.

Ég vildi hinsvegar fá það útskýrt hvernig stúdentsprófið okkar frá 1957 á að verða jafngilt því sem nú er stefnt af. Því þá fáum við úr því skorið hvort við vorum bara tossar að slugsa undir leiðsögn latra kennara að mati þeirra sem nú vita allt betur?

Eða er verið að útþynna námið? Hvernig hafa meðaleinkunnir á stódentsprófi verið að þróast í MR síðan þetta var? Eigum við ekki að líta á allan pakkann? Hvað er í honum öllum fyrir og eftir breytingu?

Fyrr viðurkenni ég ekki að við höfum öll verið tossar 1957. 

 

Athugasemdir

[Predikarinn - Cacoethes scribendi , 5.10.2014 kl. 11:57]

Sæll kæri Halldór.

Eftir því sem mér skilst - þá verða sömu kröfur til yfirferðar námsefnis til stúdentsprófs og verið hafa - þó svo að námið verði stytt um eitt ár.

Ólafur Johnson - sá með menntaskólann Hraðbraut - hann kenndi eftir kröfum um námsefni og magn þess frá menntamálaráðuneytinu fyrir alla menntasklóla - sem velflestir kenna á 4 árum námsefnið. Ólafur í Hraðbraut kenndi þetta á tveimur árum sem aðrir taka sér 4 ár í að kenna. Þetta varð til þess að enginn nemandi sem hefur tekið stúdentspróf á Íslandi hefur ríkið kostað jafn LÍTIÐ til og í nemendum Ólafs í Hraðbraut. Það þrátt fyrir orðróm um að Ólafur hafi tekið sér meira en ætlast var til í sinn eigin hlut. Sem sagt ódýrustu stúdentar á Íslandi fyrr og síðar voru útskrifaðir úr Hraðbraut og það LANGÓDÝRASTIR og stórt bil að kostnaði ríkisisn í þann sem næst-ódýrastur hefur verið. Sömuleiðis munu kennarar þeir sem hjá honum störfuðu verið hvað best haldnir allra kennara landsins í menntaskólum í launum.

Þá má ekki gleyma að Kvennaskólinn býður upp á þriggja ára nám til stúdentsprófs og hefur lengi gert. Þá hafa nemendur fjölbrautarskólanna getað tekið námið á um þremur árum hafi þeim sýnst svo um margra ára skeið.

Hvað MR varðar - þá er alkunna að alla tíð hafa próf og krafa til nemenda hvergi verið hærri en þar. Þó svo að námskröfurnar og námsbókagrunnurinn hafi verið sá sami í MR og í öðrum menntaskólum þá hafa próf þar gert ýktari kröfur um kunnáttu til námsefnisins en annrs staðar þekkist. Alkunna var að þegar fjórir íslenskir stúdentar óskuðu inngöngu í virtan háskóla í Bandaríkjum Ameríku, en enginn þeirra úr sama menntaskóla þá urðu allir að taka stöðupróf áður en þeir voru samþykktir - nema sá úr MR. Hann var í ljósi reynslunnar boðinn strax velkominn án stöðuprófsins.