Nelson og Story

börðust á laugardg og þjóðin stóð á öndinni.

Mér fannst Nelson standa sig vel og hafa í fullu tré þar til að Story sló hann niður um miðbik bardagans.Mér fannst það algert afrek af Gunnari að standa upp eftir það og standa út leikinn þar sem þetta var nánast TKO. Enda Story greinilega mun þjálfaðri hnefaleikari en okkar maður. Ég var logandi hræddur um að Gunnar gæti meiðst illa þarna þegar Story virtist eiga allskostar við okkar mann. En Story er greinilega séntilmaður og mér fannst hann draga greinilega af sér í barsmíðunum og hann lét Gunnar lausan til að standa upp. En Gunnnar hafði ekki afl eftir þetta sem hefði þurft til að fella andstæðinginn og þótt  engum mikið eftir áfallið auk þess sem Story er óvenjulega vöðvasterkur maður.

En við erum öll stolt af Gunnari Nelson. Þetta er ótrúlegur kjarkmaður og yfirveguð sál í hraustum líkama. Hann þarf hinsvegar að leggja áherslu á hnefalekinn til að geta varist svona mönnum eins og Rick Story. Við vonum öll að hann nái sér vel eftir þetta bakslag. 

 

 

Athugasemdir

[Jón Þórhallsson, 6.10.2014 kl. 09:26]

Þetta eru slæmar fyrirmyndir.

=Handahófskennd slagsmál

og á ekkert skylt með íþróttum.

Ég legg til að fólk lesi frekar Gunnar Dal.

[Ingibjörg Axelma Axelsdóttir, 6.10.2014 kl. 09:42]

Það kom mér á óvart að Rick Story leyfði honum alltaf að standa upp aftur. Býst samt við því að hann hafi lítið kært sig um að lenda í glímu við hann, enda Gunnar hvað sterkastur þar.

Flottur bardagi samt, í alla staði.

Jón Þórhallsson. Þú hefur greinilega ekki kynnt þér þessa íþrótt að neinu ráði.

Það er ekkert handahófskennt við þessa bardaga.

[Helga Kristjánsdóttir, 6.10.2014 kl. 13:58]

Nei Jón,það eru mikil heilabrot sem stýra öllum ákvörðunum í sókn og vörn.

[Þorvaldur Víðir Þórsson, 6.10.2014 kl. 18:06]

Maður þarf að skilja sportið til að vita svör við þessum spurningum. Málið er að Gunnar er mikill meistari í gólfinu og Story þorði alls ekki í gólfið með honum. Ef hann hefði haldið áfram að berja á Gunnari niðri þá hefði verið of mikil hætta á að Gunnar hefði náð að klekkja á honum og náð honum niður og þá hefði ekki þurft að spyrja af leikslokum. Þess vegna ákvað Story að lofa Gunnari að standa upp.

Fyrir áhugasama þá má taka það fram að ef þetta hefði verið 3 lotu bardagi þá hefði Gunnar sennilega unnið. Dómararnir voru þrír og skoruðu: 1. gaf Gunnari allar loturnar sem er óskiljanlegt. 2. Gaf Rick Story allar loturnar sem er jafn óskiljanlegt. Sá þriðji og oddadómarinn. Gaf Gunnari fyrstu tvær og Story síðustu þrjár. Sem sagt ef þetta hefði verið 3 lotur hefðu dómar fyrsta og annars dómara jafnast út og oddadómarinn hefði gefið Gunnari 2 og Rick 1 og Gunnar hefði unnið. Svo er eins líklegt að ef þetta hefðu verið 3 lotur hefðu báðir aðilar byrjað fyrstu lotuna með meiri krafti en þeir gerðu og þá er ómögulegt að vita hvernig úr hefði spilast.