Fjölbreytileiki

og hundaflautupólitík er fyrirsögn á grein eftir Sóleyju Tómasdóttur. 

" Reykjavíkurborg hefur sótt um aðild að samstarfi um fjölmenningu og fjölbreytileika á vegum Evrópuráðsins undir heitinu Intercultural cities. Í samstarfinu er gengið út frá því að fjölbreytileiki sé eftirsóknarverður. Það snýst ekki bara um að tryggja gagnkvæma virðingu ólíkra hópa, ekki um að við umberum hvert annað eða reynum að lifa í sátt. Verkefnið gengur út á að sækjast eftir fjölbreytileika, að laða sem allra fjölbreyttastan hóp fólks að borginni og skapa aðstæður þar sem allir fá notið sín. Það er sama hvort litið er til félagslegra, efnahagslegra eða  menningarlegra þátta, ábatinn af fjölbreytileika er ótvíræður...

....Reykjavík kemur ekki vel út. Af 64 borgum er Reykjavík númer 57. Við erum ekki best í heimi – ekki miðað við höfðatölu. Engin tölfræðitrikk koma okkur til hjálpar......

....Sem aðili að Intercultural cities mun Reykjavík beinlínis sækjast eftir fjölbreytileika. Við munum ekki bara fást við hann sem verkefni, sætta sjónarmið og stuðla að umburðarlyndi. Við munum gera það sem í okkar valdi stendur til að gera Reykjavík aðlaðandi fyrir fólk allsstaðar að og læra af fólki sem hefur ólíka reynslu og þekkingu.

Þannig er brýnt að hér rísi moska, rússnesk rétttrúnaðarkirkja, búddahof, ásatrúarhof og fleiri bænahús. Ekki bara til að þjónusta fjölbreyttan íbúahóp Reykjavíkur, heldur einnig til marks um að hér sé samþykkt og æskilegt að iðkuð séu margs konar trúarbrögð.

Það er undir okkur Reykvíkingum komið hvernig til tekst. Ef við setjum okkur það sameiginlega markmið að stuðla að fjölbreyttari borg, þar sem þekkingin og reynslan verður meiri og menningin fjölbreyttari. Ef við sköpum aðstæður fyrir fólk til að hittast, tala saman, kynnast, læra og miðla. Ef við þróum samfélagið áfram í sameiningu og af virðingu hvert fyrir öðru. Þá framtíðin björt. Saman getum við unnið að því að gera góða borg betri. Fjölbreyttari og betri."

 Greinin birtist í DV 28. október 2014

Hér lýsir Sóley hvernig hún vill hafa hlutina. Hún krefst þess að fjölmenning ríki í Reykjavík og að allir vinni saman að verkefninu....  "að hér sé samþykkt og æskilegt að iðkuð séu margs konar trúarbrögð"

Ég velti því fyrir mér hvaða staða sé uppi ef fólk er ekki á sama máli og Sóley Tómasdóttir Vilji hreinlega ekki fjölbreytileika í margskonar trúarbrögðum? Ósammála fullyrðingu hennar "....að hér sé samþykkt og æskilegt að iðkuð séu margs konar trúarbrögð."

Er skoðun Sóleyjar hin eina rétta og því óeðlilegt að hafa efasemdir?

Er þetta allt búið og gert? Er eitthvað rými fyrir rökræður í fjölbreytileikaheimi Sóleyjar Tómasdóttur? 

 

Athugasemdir

[Helga Kristjánsdóttir, 4.11.2014 kl. 07:13]

Hvað er að því að hafa Reykjavík sérstaka vegna einfaldleika síns? Og hvaða ábati er fólginn í reynsluheimi þeirra sem flytjast hingað. íslendingar hafa kynnst þessu öllu erlendis,skiptinemar,sérfræðinganemar,þeir sem vinna erlendis að listum ofl. Flestum finnst hvíld í því að koma heim. Er brýnt að reisa mosku,bara alls ekki. Klifað er á því að Íslendingar sæki ekki messur,en það sem flestir vita er að þeir biðja til guðs síns,en allir vita að menn hafa unnið myrkranna á milli og um helgar til að koma sér upp heimili ,sinna afþreyingum barna sinna,fara með þeim á kappleiki og annað þegar messur eru oftast. Lindakirkja í Kópavogi,hefur messur á kvöldin og þar voru um og yfir hundrað manns á Sunnudag. Reykjavík verður í minni margra borg Davíðs,sem orti gullfallegt ljóð um hana,við lag Gunnars Þórðarsonar. Það er bara Esb,snobb að koma upp eftiröpun af borg sem verður svo snubbótt með þessum fáu borgurum. Erlendis lætur maður sig hafa það enda Íslendingar afskiptalausir um tilhögun annara þjóða,ólíkt því sem Sóley ofl.reyna að troða upp á þá.

[Jón Þórhallsson, 4.11.2014 kl. 10:06]

=Málið snýst um að greina kjarnann frá hisminu.

=Hvaða siðir/trúar-umgjörð leiða til hjálpar/vellíðunnar og hvað ekki?

50% Erlendra áhrifa gætu leitt til framfara fyrir okkar samfélag;

http://thjodarskutan.blog.is/blog/gudspekifelag_s/#entry-1304253

---------------------------------------------------------

Hin 50% gætu verið skref afturábak fyrir okkar menningu:

http://www.t24.is/?p=5993

[Halldór Jónsson, 4.11.2014 kl. 22:30]

Helga vinkona

Þú ferð um þetta næmum höndum. Ég hygg að mun fleiri Íslendingar láti sig trúmálin varða en kannski sækja kirkjurnar á sunnudögum. Þetta venjulega fólk vill ekki láta svo na fyrirbrigði eins og Sóleyju Tómasdóttur troða upp á sig skoðunum og fjölbreyhtileikahegðun. Fyrir þetta fólk er fólka allstaðar að ekkert spennandi framtíðarsýn heflur vill það vera íslenskt. Við eigum að spyrna við klaufum þegar svona fólk eins og Sóley ætlar að troða fjölmenningu upp á okkur sem viljum ekki sjá hana.

[Halldór Jónsson, 4.11.2014 kl. 22:37]

 Jón Þórhlalsson

Margt á þinni síðu er ofar mínum skilningi. Meðan ég ekki næ utanum  það þá vil ég halda mig vi okkar þjóðlegu gildi og varðveita þau. Það er ekkert nema stórmerkilegt að hér sé þjóð sem getur hlustað á Þorsein frá Hamri lesa Bandamannasögu sem gerist í heiðni á Snæfellsnesi og Dölum og fjallar um ribbaldahátt þeirra tíma sem er alveg eins og hann er í dag, og það á frummálinu. Hvað ætli hælisleitendur og innfluttir múslímar geri við svona þætti í menningararfleifðinni? Banni okkur að lesa þetta og segi okkur að lesa Kóraninn í staðinn?