Bara tímaspursmál

segir Hjörtur Guðmundsson í Mbl.í dag þegar hann ræðir hvað bíði okkar Íslendinga í sambandi við Schengen-samstarfið.

Hjörtur skrifar:

"Flest bendir til þess að einungis sé tímaspursmál hvenær raunveruleg krafa verður sett fram af hálfu Evrópusambandsins um að sambandið taki með beinum hætti yfir landamæraeftirlit á ytri landamærum Schengen-samstarfsins og þar með talið hér á landi.

 Þannig var til að mynda greint frá því í fjölmiðlum fyrr í vikunni að framkvæmdastjórn Evrópusambandsins hefði til skoðunar áætlun sem sett var saman í sumar og miðar að því að sambandið taki yfir landamæragæzlu á ytri landamærunum í gegnum sérstaka miðstýrða stofnun. Sú starfsemi næði til Schengen-samstarfsins og yrði sjálfstæð gagnvart stjórnvöldum í ríkjunum sem í hlut ættu. Þar með myndu landamæraverðir sem áður heyrðu undir ríkin eftirleiðis vera settir undir beina stjórn Evrópusambandsins.

 Schengen-samstarfið gengur sem kunnugt er út á það að hefðbundið landamæraeftirlit er fellt niður á milli aðildarríkjanna en þess í stað eflt á ytri landamærum svæðisins. Allavega í orði kveðnu. Það samanstendur af Evrópusambandinu, Íslandi, Noregi, Sviss og Liechtenstein. Fjögur ríki sambandsins í Austur-Evrópu standa þó utan við samstarfið þar sem þau hafa ekki uppfyllt skilyrði fyrir aðild og tvö, Bretland og Írland, kusu á sínum tíma að standa utan þess. Bretland fyrst og fremst vegna náttúrulegra landamæra landsins og Írland til þess að viðhalda landamærasamstarfi sínu við Breta.

 Hins vegar var tekin ákvörðun um það hér á landi í lok síðustu aldar að fórna í raun náttúrulegum landamærum Íslands með aðild að Schengen-samstarfinu. Eina pólitíska ástæðan fyrir þeirri ákvörðun var að viðhalda norræna vegabréfasamstarfinu í ljósi þess að hin norrænu ríkin ætluðu að taka þátt. Fyrir vikið liggja í dag landamæri Íslands í raun að Rússlandi, Hvíta-Rússlandi, Úkraínu, Moldóvu og Tyrklandi í austri og meðfram Miðjarðarhafsströnd Evrópu í suðri.

 Landamæraeftirlit á þessum slóðum hefur víða verið vægast sagt bágborið en helztu rökin sem færð eru fyrir hugmyndum um miðstýrða stjórn Evrópusambandsins í þessum efnum eru einmitt þau að styrkja þurfi landamæragæzluna þar. Sum ríki hafa sérstaklega kallað eftir aðkomu sambandsins í þeim efnum, t.d. Ítalía. Þá einkum vegna mikils fjölda fólks sem reynir að komast frá Norður-Afríku og yfir til Evrópu.

 Hugmyndir um að Evrópusambandið taki yfir landamæragæzlu á ytri landamærum Schengen-samstarfsins eru ekki nýjar af nálinni. Slíkar hugmyndir hafa áður verið viðraðar en þunginn í áherzlu sambandsins á þær hefur hins vegar farið vaxandi til þessa. Fyrr eða síðar er fyrir vikið mjög líklegt að við Íslendingar eigum eftir að standa frammi fyrir þeirri spurningu hvort við ætlum að fallast á að Evrópusambandið taki yfir landamæragæzlu landsins eða segja skilið við Schengen-samstarfið."

Er ekki komið að því að spyrnt verði við fótum gegn þessu Schengen samkomulagi sem meirihluti þjóðarinnar óskar norður og niður? Þarf nýtt stjórnmálaafl eins og UKIP að skjóta hér rótum til að neyða okkar verklitlu stjórnmálamenn til að horfast í augu við veruleikann? Þykir okkur svona þýðingarmikið að hjálpa heimsins Ómösum til að komast hér inn á gafl að það megi ekki ræða uppsögn samningsins um Schengen?

Það sem að helst hann varast vann, varð þó að koma yfir hann segir séra Hallgrímur.

Já og rétt í þessu berst sú frétt að UKIP hafi nú unnið tvö þingsæti af Cameron og Milliband í Bretlandi. Ætlar okkar fólk ekki að skilja það að fólkið sættir sig ekki við óbreytt ástand ínnflytjendamálum? Eða ætla Þeir að láta sem ekkert sé og láta kratana stjórna ferðinni?

Þegar það er aðeins tímaspursmál hvenær ESB tekur hér yfir landamæragæsluna, þá rekur mig ekki minni til þess að hafa nokkru sinni kosið Samfylkinguna til þeirra veisluhalda.   

 

 

 

Athugasemdir

[Ágúst H Bjarnason, 21.11.2014 kl. 11:42]

"Fyrir vikið liggja í dag landamæri Íslands í raun að Rússlandi, Hvíta-Rússlandi, Úkraínu, Moldóvu og Tyrklandi í austri og meðfram Miðjarðarhafsströnd Evrópu í suðri".

Ég held að almenningur átti sig ekki á hve landamæri Íslands eru galopin. Nú eru Danir, Norðmenn og Svíar (svo ekki sé minnst á allar hinar Evrópuþjóðirnar) farnar að óttast hryðjuverk ISIS. Það er full ástæða fyrri okkur að fara að huga að þessum málum.   Strax.  

[Helga Kristjánsdóttir, 21.11.2014 kl. 12:48]

 Þessi ógn var e.t.v. ekki sjáanleg fyrir síðustu þingkosningar.Á opnum fundi Sjálfstæðisflokksins að Hlíðarsmára í kópavogi (2013),neitaði formaðurinn aðspurður að til stæði að segja upp Shengen-samatarfinu. Allflestum okkar finnst bráðaðkallandi að segja þessum samningi upp strax.

[Ómar Ragnarsson, 21.11.2014 kl. 14:21]

Hvernig í ósköpunum er hægt að kenna Samfylkingunni um það sem ríkisstjórn Sjálfstæðisflokks og Framsóknarflokks stóð fyrir á sínum tíma? 

[Eyþór Laxdal Arnalds, 21.11.2014 kl. 20:33]

Kostir þess að vera í Schengen eru litlir miðað við gallana. Við búum á eyju og því ekki sömu rök fyrir afnámi landamæra og í þeim löndum í Evrópu sem liggja hvert að öðru. Landfræðileg landamæri gefa okkur skjól sem við eigum að halda í. 

[Kristmann Magnússon, 21.11.2014 kl. 23:09]

Ómar 

þetta gamla stuttbuxnalið úr Valhöll er bara svona 

[Jónas Gunnlaugsson, 21.11.2014 kl. 23:41]

Fróðlegt Halldór.

Skipuleggja framtíðina með hliðsjón af fortíðinni.

Egilsstaðir, 21.11.2014  Jónas Gunnlaugsson

http://jonasg-egi.blog.is/blog/jonasg-egi/

www.herad.is

[Halldór Jónsson, 22.11.2014 kl. 00:34]

Ómar

Kratarnir voru auðvitað upphafsmennirnir sem evrópusinnarnir. Þeir fengu Halldór Ásgrímsson með sér og hann hitti Björn Bjarna og þeir komu þessu til leiðar.Björn trúir þvi einlæglega að við höfum meira gagn en ógagn af Schengen. Ég er ósammála og er sammála Eyþóri að okkar náttúrlegu landamæri séu ekki síðri en Bretlands. Þar að auki er mér ekki sama  hverjir koma hingað. Ég er ekkert hræddur við erlent vinnuafl eins og til dæmis Pólverjana, frábærir kraftar margir. ég er alveg á móti því að láta einhverja sem þykjast vea hælisleitendur velja okkur til að taka við sér. Maður á flótta óttast eitthvað í fortíð sinni. Það er ekki svoleiðis að passalaus maður frá Uganda sé útvalinn af stjórnvöldum þar til að sæta úthugsuðum ofsóknum af hálfu stjórnvalda. Það er líklegra að það sé hann sjálfur sem hefur vakið athygli yfirvalda á sér.

Og svo kemur aumingjans stubburinn hann Mannsi með sína Sálfstæðisflokksfóbíu inn í umræðu um Schengen. Mannsi minn,stuttbuxurnar mínar eru ekkert frábrugðnar þinum. En ég geri mér ljóst að menn verða að koma fleiri saman ef velta á stórum steinum. Það hefst ekkert með því að sitja í brekkunni og bara gala ókvæðisorð að þeim sem eru þó að puða við steininn.Og svo er ég ekkert eldri en þú gamli bísi úr Grænuborg!