Náttúrupassinn er í lagi

finnst mér núna eftir að vera búinn að lesa grein Ragnheiðar Elínar í Fréttó í dag.

Hann verður til sölu á netinu fyrir 500 kall.Þetta er rafrænn passi ig er ekki prentaður passi, aðeins rafræn skrá yfir Íslendinga. Ég helda að það sé engin þörf fyrir að hafa endurkomu útlendinga á skránni. Þeir bara borga aftur ef þeir koma aftur hvað sem EES segir. Þú kaupir náttúrupassa og ert á skránni.Þú kaupir ekki náttúrupassa og ert ekki á skránni. Þú ferð inn á vernduðu svæðin við Gullfoss og Geysi.  Það getur komið eftirlitsmaður og spurt þig hvort þú hafir keypt náttúrupassa. Þú getur logið og sagt já eða nei. Hann kannski spyr þig um nafn og þú gefur það upp hafir þú hreina samvisku. Annars bara leggurðu á flótta og þá veit maðurinn að þú ert svindlari. Það nægir honum alveg og þú ert punktur í tölfræði hans.  Hann er ekki lögregla þannig að þar endar málið. Ef þú ert heiðvirður maður og segir til nafns og þá tékkar hann þig af í skránni og óskar  þér góðrar skemmtunar. Kannski sleppurðu líka við hann og þá geturðu glaðst alveg rosalega yfir þúsund kallinum sem þú græddir fyrir þig og kellinguna með því að svindla þér inn á þinn stórmannlega hátt.

En þú sérð að 99 % af af öllum sem eru þarna sem eru 99 % útlendingar sem eru þarna með þér eru að borga til bóta á landinu sem þú sérð að stynur undan átroðningi þínum, sem kannski borgar ekki neitt, og þeirra. Kannski verður settur upp sjálfsali við þessi svæði ef þú vilt kaupa þér náttúrupassa til að vera heiðvirður maður þar sem þessi ferð þín er óvænt og þú ætlaðir ekkert að fara inn á svona svæði þetta árið.

Það er enginn að koma að spyrja þig um passa í berjamó eða á gangi á Sprengisandi, Hljómskálagarðinum eða svoleiðis. Það er bara verið að reyna að hætta að leyfa ferðaskrifstofugróðapungunum að demba í eigin gróðaskyni hundruð þúsunda erlendra fóta inn á viðkvæm svæði án þess að borga fyrir þann átroðning. Af hverju eiga þær að taka á móti erlendum skipum með þúsundum farþega og keyra þá í rútum fyrir góðan pening fyrir sig eingöngu  til að sýna þeim Gullfoss og Geysi án þess að þessi náttúruvætti fái neitt annað en traðkið?

Þó að þú viljir ekki borga 500 kallinn af því að þú ferð ekkert þangað þá er það fínt. Þú þarft ekkert að borga. En ef þú ferð samt þangað þó þú borgir ekki og komist upp með það og gleðjist yfir því, þá skiptir það ekki máli í heildardæminu. Vertu bara þú sjálfur og borgaðu annaðhvort fimmhundruð kallinn með glöðu geði til að leggja þitt af mörkum til landsins þíns, að því gefnu að ráðherran ætli ekki að stela peningunum í annað. En ef þú vil bara fara eftir þínu skítlega eðli sem tekur helst allt án þess að borga neitt, þá bara það. Landið hefur lifað af aðra eins plágu og þig.

Þetta er bara góð og skynsmleg leið. Og það vona ég að kamarsmálin verði það fyrsta sem maður sjái leysast með þessum peningum. Að standa með fimmhundruð útlendinga í spreng í halarófu út á götu í Hveragerði til að nota ókeypis klósett sem eru fyrir viðskiptavini Bónusar og smáverslanir í Kjarnanum þar er skandall og niðurlæging leiðsögumannsins. Maður í spreng kaupir ekki neitt meðan hann er í biðröðinni og fer svo beint út í bíl af því að tíminn fór í biðina.

Sami skandall við Gullfoss. Ekki hægt að stoppa á neðra plani af því að þar er ekki hægt að m..a. Önnur niðurlæging. Og segja ferðamönnum að vertinn á sjoppunni segi ekkert af gæsku sinni við því þó þeir pissi þar inni án þess að borga neitt, er bæði hallærislegt og neyðarlegt fyrir íslenskan leiðsögumann sem getur ekki skýrt af hverju kostar að pissa á Sigríðarstofu, ef hún er þá opin sem er bara stundum.

Svo á að setja strax reglugerð sem skyldar erlendar ferðaskrifstofur að hafa íslenskan leiðsögumann í hverri rútu. Og svo á að banna allan innflutning matvæla í rútum og bílum sem koma með Norrænu. Ætti að vera auðvelt að finna passandi paragraff í öllu nýþýdda EES regluverkinu til þess.

Það er kominn tími til að hætta að láta frekjuliðið frá Evrópu gera grín að okkur fyrir sveitamennskuna í ferðamálunum.

Áfram Elín,með náttúruna!  

Náttúrupassann á strax þar sem hann leysir málið.

 

 

Athugasemdir

[Axel Jóhann Hallgrímsson, 6.12.2014 kl. 12:06]

Finnst þér þessi náttúrupassi ekki dulítið "kommalegt"  apparat Halldór?

Stundum stillir Sjálfstæðisflokkurinn sér upp vinstra meginn við Stalín, og merkilegt nokk, þá virðist sjöllum líða hvað best.

[Óskar Helgi Helgason (IP-tala skráð) 6.12.2014 kl. 14:31]

Sæll Halldór - sem og aðrir gestir þínir !

Tek undir - með Axel Jóhanni fornvini mínum: alfarið.

Um leið - og ég fordæmi harðlega forræðishyggju þá: sem hin stórundarlega Ragnheiður Elín Árnadóttir - fer fyrir.

Er þetta í lagi Halldór - sökum þess: að ''réttur'' flokkur fer með völdin í landinu - þetta sinnið ?

Hefðirðu haft sömu viðhorf - hefði vinstra hyskið með málið að gera: verkfræðingur góður ?

Lofsöngvar þínir Halldór - til þessarrar Valhallar klíku (við Háaleitisbruatina suður í Reykjavík) minnir meir og meir á fölskvalausa tilbeiðzlu Óðins Þórissonar: þess annars ágæta drengs - og kunnan síðuhafa hér á Mbl. vefnum.

Er allt réttlætanlegt - fyrir það eitt: að smásmygli og ofur stjórnarleg viðhorf þíns flokks (að viðbættu Sigmundar Davíðs genginu) haldi um keyrin:: Halldór minn ?

Fremur - bjóst ég harðvítugri andstöðu þinni við þessum passa óskapnaði en meðfylgni / Halldór minn.

Sannast sagna.

Þetta lið þitt - minnir okkur meir og meir á gamla Sovét kerfið og Austur- Þýzkaland og 1984 Stóra bróðurs fyrirkomulagið, sem George heitinn Orwell lýsti hvað manna bezt á sínum tíma í þekktu riti sínu: síðuhafi mætur.

Með beztu kveðjum samt: þó undrunar gæti / í garð Halldórs síðuhafa - að þessu sinni //   

[Óskar Helgi Helgason (IP-tala skráð) 6.12.2014 kl. 15:20]

Háaéitisbrautina: átti að standa þar. Afsakið - ambögur þær / sem finnast kunna - í texta mínum, að nokkru.

ÓHH

[Óskar Helgi Helgason (IP-tala skráð) 6.12.2014 kl. 15:21]

Háaleitisbrautina: svo óbjagað komi / lesendur góðir - sem skrifarar hér: hjá hinum ágæta Verkfr.

ÓHH

[Halldór Jónsson, 6.12.2014 kl. 19:29]

Fornvinir góðir Axel og Óskar Helgi

Ég hef orðið þó nokkra reynslu að pissumálum útlendinga á okkar ferðamannasvæðum, item algeru skilnings-og getuleysi íslenskra sveitamanna á kjallaravandamálum þýskara kellíbga í upphafinni fylgd eiginnmanna sinna að hetjuslóðm Ása og norrænna víkinga sem þeir  halda eins og þeir Adolf og Göbbels, sem báðir voru litlir kallar,ljótir og dimmleitir, hafi verið ljóshærðir og hávaxnir eins og við allir, og hlýt því að fylgja hinni fögru ráðherru minni Ragnheiði Elínu. Þetta er rafræn skrá sem gerir okkur að brjóta í engu Schengen eða EES með þvi að láta af hendi 500  kall rauðan EF við kjósum að kaupa hann. Við Íslendingar kaupum hann ekki ef við þurfum þess ekki, eða þannig skil ég þetta. En útlendingar verða að kaupa hann.

[Halldór Jónsson, 6.12.2014 kl. 19:31]

Hvat er svá válegt við þetta Óskar Helgi fornvinur góður?

[Óskar Helgi Helgason (IP-tala skráð) 6.12.2014 kl. 20:01]

Sælir - á ný !

Svona: þér að segja Halldór - eru specúlasjónir um litarhátt fólks - hæð þess eða breidd ekkert að velkjast fyrir mér:: dags daglega.

Meðalhæð Inkanna (eins: hinna ágætu Indíána þar syðra) suður í Perú gerir þá ekkert lakari að burðum / en hvern annan Íslending hér heima fyrir eða Pygmea suður í Afríku - frekar en frændur mína Mongóla austur í Asíu t.d. Halldór minn.

Svo - aðeins sé slegið á léttari strengina.

Forsmán ein - af forræðishyggju- og eftirlits iðnaðinum hérlenda Halldór minn / og sé ég lítinn mun á þessu liði:: eins og áðurnefndri Ragnheiði Elínu - fremur en : Ögmundi / Árna Páli eða öðrum af þessum 63menningum í þinghúss hjallinum yfirleitt - þar syðra, fornvinur góður.

Með beztu kveðjum - sem oftar og fyrri / 

[Jónas Gunnlaugsson, 6.12.2014 kl. 20:10]

Eru allir að gleyma því að ein miljón útlendra ferðanna greiða virðisaukaskatt af flestu sem þeir kaupa.

þeir nota lítið, af þjónustunni sem við íslendingar njótum.

Hvaða kúnstir eru þetta?

Smá hækkun á virðisaukanum leysir málið.

Þá er enginn tilkostnaður.

Ýmsir geta reiknað hver er hlutur útlendra ferðamanna í virðisaukanum.

Náttúrupassi 

ooo

Einnig eigið þið að lesa, og þýða á íslensku greinina um Benjaín Franklin og the Colonial Scrip sem var þeirra króna.

 Scripinn, krónan þeirra, varð upphafið að frelsisstríðunum, en ekki te tollurinn.

Paper money

Egilsstaðir, 06.12.2014  Jónas Gunnlaugsson

[Halldór Jónsson, 7.12.2014 kl. 14:06]

Axel, ég hef verið að reyna að finna leiðir til að láta túristana á skemmtiferðaskipunum borga eitthvað hérlendis annað en bara rútubílin og laxinn á Geysi. Þessi náttúrupassi er auðvitað kamnski kommalegur miðað við að mörlandinn hefur aldrei haft rænu á að rukka neinn eins og td. Kanann á sínum tima. 

Mér finnst þetta allgóð lausn og sé ekki aðra betri.

Jónas, mér líst ekki á að hækka vaskinn. Paxarnir a skemmtiferðaskipunum munu þá ekki borga neitt því þeir kaupa ekkert vask-skylt

[Halldór Jónsson, 7.12.2014 kl. 14:09]

Allir:

Ef náttúrpassinn er aðeins rafræn nafnaskrá fyrir Íslendinga þá sé eg lítið að honum. 

[Halldór Jónsson, 7.12.2014 kl. 14:10]

En við eigum að krefjast úrgöngu úr Schengen í þessu sambandi. Þar inni höfum við ekkert að gera

[Óskar Helgi Helgason (IP-tala skráð) 7.12.2014 kl. 14:40]

Sælir - sem jafnan og fyrri !

Halldór !

Ekki einu sinni - rafrænn ''passi'' væri ásættanlegur.

Öll skerðing: hefðbundins ferðafrelsis fólks / er af hinu vonda - og á ekki að spyrjast út: í upphafi 3ða ásrþúsunds fornvinur góður.

Úrsögn úr EFTA og frá EES kjaptæðinu - á að vera jafn SJÁLFSÖGÐ og úrsögnin frá Schengen hörmunginni / Halldór minn.

R. E. Árnadóttir - og vinir hennar: hefðu átt upp á pallborðið með Lenínistunum í Kreml / sem og Ulbricht gamla í Austur- Þýzkalandi / forðum.

Við höfum ekkert - með ódannað forsjárhyggjufólk að gera, Verkfræðingur vísi.

Með - ekki lakari kveðjum: en hinum síðustu /  

[Halldór Jónsson, 7.12.2014 kl. 22:19]

Fornvinur góður, undir þriðju málsgrein tek ég heilshugar.

Fjórðu málsgrein er ég ósammála því Ragnheiður Elín er vönduð og góð stúlka sem vill landi sínu vel. Hún er að reyna að leysa borðliggjandi vandamál, sem er áníð á okkar náttúruvættum. Hvers vegna viltu ekki unna henni vafans minn ágæti Árnesingur,

Ég kem ekki auga á annan betri kost eða tillögu. Eða hvárt hefur þú betri ráð fornvinur góður?

[Óskar Helgi Helgason (IP-tala skráð) 7.12.2014 kl. 23:13]

Komið þið sælir - sem endranær !

Halldór !

Nú - farga mætti: 3 - 4 Sendiherra embættum (+ sendiráðum) hið minnsta / skera niður Umhverfisstofnun og ráðuneytið - sem fer með þess málefni um cirka 50 - 60%, auk förgunar presta (ekki persónulega: takið eftir) Þjóðkirkjunnar og liðsins á hinni umfangsmiklu Byskupsstofu um cirka 70 - 80%, svo og ofvaxið Ríkisútvarpið t.d.

Svo - fátt eitt sé talið, Verkfræðingur góður ?

Persónulega - hefi ég ekkert á móti Ragnheiði Elínu / en kann ekki að vera - að hún hafi sökkt sér einum of: ofan í ''fræða'' skræður Marx og Engels / Friedmans og Hayeks og annarra ámóta - á einhverju tímaskeiði / Halldór minn ? 

Þakka þér fyrir - undirtektirnar við mínu tilskrifi; að öðru leyti.

Sízt lakari kveðjur - öðrum og fyrri /

[Halldór Jónsson, 8.12.2014 kl. 22:04]

Fornvinur góður Óskar Helgi

Þú tekur ekki á því sem er til umræðu. Það er að láta þá sem áníð fremja á náttúruvættum greiða fyrir það svo lagfæra megi skemmdirnar. Náttúrupassinn er viðleitni í þá átt. Eða hefur þú betri aðferð fram að færa hollvinur úr árnesþingi?

[Óskar Helgi Helgason (IP-tala skráð) 8.12.2014 kl. 23:26]

Sælir - sem æfinlegast !

Halldór !

Jú - með því að árétta: réttmæta niðurfærzlu þeirra stofnana / sem ég gat um hér: í minni síðustu athugasemd.

STASI keimur ''náttúrupassans'' er of megn - til þess að við það göglerí verði unað, Verkfræðingur mæti.

Ég hygg - að þú skiljir mig til hlítar Halldór / við nánari skoðun minna ábendinga - hér á þínum merka þræði.

Ekki síðri kveðjur - öðrum og áður /