Við erum víst að borga Icesave

samkvæmt því sem Morgunblaðið upplýsir í dag á bls.34:

"Stærsti forgangskröfuhafi LBI er breski innistæðutryggingarsjóðurinn vegna Icesave-sparnaðarreikninganna. Áður en veitt var undanþága fyrir greiðslum til forgangskröfuhafa í fyrradag átti sjóðurinn eftir að fá greidda um 400 milljarða úr búinu. Að undanförnu hafa bresk stjórnvöld þrýst mjög á að undanþágur fyrir greiðslum til forgangskröfuhafa yrðu samþykktar sem fyrst. Seðlabanki Hollands, sem var áður næststærsti kröfuhafi búsins og átti eftir að fá greidda um 130 milljarða, seldi hins vegar sl. haust kröfur sínar til Deutsche Bank. Raunverulegir kaupendur voru sjóðir sem eru almennir kröfuhafar í bú LBI, Kaupþings og Glitnis. Forgangskröfuhafar hafa nú fengið greidda 1.115 milljarða, eða 85% af höfuðstóli krafna sinna."

Ýmsir mætir menn eru að halda því fram að Íslendingar séu ekki að borga Icesave þó að nú fari 400 milljarðar út úr Seðlabankanum í gjaldeyri.Af hverju er ég áfram í höftum?

Allt bixið með gamla Landsbankann og Nýja Landsbankann er svikamylla, stjórnarskrárbrot og lögbrot. Skipan slitastjórna án þess að fyrst væri skipaður skiptaráðandi í gjaldþrota búum gömlu bankanna er lögbrot og brot á íslenskum réttarvenjum eftir því sem ég fæ skilið lögin. Venjulegt íslenskt fyrirtæki sem á ekki fyrir skuldum á að biðja um gjaldþrot eftir íslenskum lögum. Yfir það er þá settur skiptastjóri sem greiðir út úr búinu í fyllingu tímans í hlutfalli og íslenskum krónum. Honum ber ekki að greiða í gjaldeyri þó fyrirtækið hafi hugsanlega skuldað gjaldeyri. Þetta er minn skilningur og enginn hefur getað komið með þau rök gegn þessu sem ég sjái að dugi. 

Glitnir átti að fara strax í gjaldþrot í fyrstu vikunni þegar bílavíxlarnir dugðu ekki og ljóst  var að Sjóður 9 og aðrir áttu ekki fyrir innistæðum. Kaupþing sömuleiðis þegar ljóst var hvernig komið var með þá og hvernig þeir fóru umsvifalaust með neyðarlánið.

Að mínu litla viti ætti Steingrímur J.Sigfússon svo skilyrðislaust að svara fyrir gerðir sínar fyrir Landsdómi hvernig hann stórskaðaði þjóðarbúið með síðari ráðstöfunum í banka og sparisjóðamálum. Allavega tel ég þar vera stærri sakir að jafna en hann ætlaði að hengja á Geir H. Haarde saklausan fyrir sama dómstóli. Aðfarir Steingríms þá gleymast engum sem á horfði.

Íslenska ríkið á Landsbankann nýja með húð og hári.Íslenska ríkið hefur lögsögu yfir þrotabúi gamla Landsbankann og alla lögsögu yfir skuldabréfinu þeirra á milli. Slitastjórnin starfar á ábyrgð íslenska fullvedisins.

Ég skora á mér fróðari menn að útskýra hversvegna 400 milljarðarnir af skuldsettum gjaldeyrisforða Íslands eru ekki að borga Icesave þvert á þjóðaratkvæðið.

Athugasemdir

[Jón Bjarni, 7.12.2014 kl. 18:02]

Ef íslenskt fyrirtæki fær lán í erlendum gjaldeyri, flytur þann gjaldeyri til landsins - afhverju ætti þrotabú þess ekki að greiða skuldina þannig að kröfuhafinn fái þá peninga sem hann lánaði? Þó Ísland sé eyland þá erum við það samt ekki í skilningi alþjóðlegra laga - þó margir íslendingar vilji meina annað

[Halldór Jónsson, 7.12.2014 kl. 22:13]

Gjaldþrota fyrirtæki er ekki fyrirtæki lengur heldur flak.

[Jón Bjarni, 7.12.2014 kl. 22:36]

Það breytir ekki þeim kröfum sem kröfuhafar hafa í þrotabúið