Hvað eigið þið margar byssur?

í hernum okkar? Hvað á herinn okkar mörg vopn, tegundir og gerðir? Hvaða leynivopn á þjóðin? Hvaða módel, gerð og gerð? Hvar eru kjarnorkukafbátarnir okkar staddir? Eru þeir með bombur um borð? Hafið þið eyðilagt einhver vopn?

Skyldi nokkur þingkona á Bandaríkjaþingi eða í Bretlandi spyrja svona spurninga þegar um þjóðaröryggi gæti verið að tefla?

Maður er bara byssubrenndur. 

Athugasemdir

[Ásgrímur Hartmannsson, 6.12.2014 kl. 20:37]

Þeir þurfa ekki að spyrja, þetta er allt á wikipedia: http://en.wikipedia.org/wiki/Equipment_of_the_United_States_Army

Það er ekki nákvæmlega vitað hver mörg smávopn þeir eiga (skammbyssur, riffla og slíkt) en það er vegna þess að herinn er jú 300.000 manns, og svona hlutir ganga úr sér og eru því í sífelldri endurnýjun.

Herinn hefur ekki sjálfur grun um hve mörg eintök eru í umferð, svo við getum gleymt því að spyrja.

[Jón Þórhallsson, 6.12.2014 kl. 20:55]

Ég á engar byssur og hef aldrei átt.

[Ingibjörg Magnúsdóttir, 6.12.2014 kl. 22:21]

Sæll og blessaður Halldór,

Hvern ertu að ávarpa með þessum spurningum?

Ertu að spyrja Bandaríkjamenn?

Ertu að spyja íslensk stjórnvöld, eða íslenska einstaklinga?

[Halldór Jónsson, 7.12.2014 kl. 10:52]

Ingibjörg

finnst þér að geti skipt Kalífaveldið einhverju að vita hversu margar byssur Lögreglan og Landhelgisgæslan eigi, hversu margar séu ónýtar, hversu mörg skot séu til osfrv.. Ef þér finnst nauðsynlegt að upplýsa þetta þá kýstu auðvitað Katrínu.

[Eðvarð Lárus Árnason, 7.12.2014 kl. 11:20]

Daginn Halldór, Þarna ert þú að gefa grandvaralausri konu óbein réð. Segja henni að kjósa Katrínu.  Katrín hefur sýnt af sér einstakt kæruleysi, sem sést best á því að hún gerði ekki fyrirspurn á hinu háa Alþingi um hvað slökkvilið landsins eigi margar AXIR.  Ekki er hægt að benda á þessa konu til þess að vera ráðgefandi sÉrfræðingur í öryggismálum þjóðarinnar. Bkv

[Ásgrímur Hartmannsson, 7.12.2014 kl. 14:13]

Ekki fæ ég séð hvað einhvert kalífaveldi, eða hver önnur hryðjuverkasamtök, ja, eða verur utan úr geimnum þess vegna, sem hyggðu á innrás hingað græddu á að vita hversu marga hólka löggan eða gæzlan hefur.

Það sem þeir vita þegar er að enginn nema þessir tveir aðiler hafa vopn.  Eftirleikurinn er bara að halda löggu & gæzlu á snakki einhvernvegin á meðan þeir myrða borgarana.

Það ætti að vera létt verk.  Brevik fór létt með það.  Reyndar brilleraði hann svo mjög í því að hann hefði vel geta pantað sér pizzu eftir sín góðu verk, og snætt hana.

Svo man ég eftir bankaræningjum, annaðhvort skandinavískum eða þýzkum, sem líka komust ansi langt með því að spila á lögguna á einfaldan og ódýran hátt.  Þeir notuðu einfaldlega málaða pappakassa.

Það var nóg.

Hversu mikið firepower löggan hafði í þessum tilfellum var aukaatriði, og algjörlega núllifiað á einfaldan hátt.

[Halldór Jónsson, 7.12.2014 kl. 16:39]

Ég held að það sé alltaf óklókt að gefa andstæðingnum upp fyrirfram hvað maður geti gert.Element of surprise er sígilt í allri valdbeitingu.