Stefanía Jónsdóttir

tekur til máls á síðum Morgunblaðsins í dag. Að vanda er hún hispurslaus og segir það sem hún meinar.

Stefanía segir:

"Vill ekki Líf Magneudóttir og skoðana-systkini hennar benda mér á þjóð sem hefur farið í það að brjóta innviði sína, vegna þess hversu flott fjölmenningarþjóðfélag hún ætlar að vera.

Ég vil ekki láta neitt af siðum mínum og trú fyrir fjölmenningarsamfélag. Það ríkir trúfrelsi og ekki er verið að banna neinum að iðka sín trúarbrögð, en þau skulu þá stunduð hávaðalaust og án krafna um breytingar hjá öðrum.

Er næst að banna fermingar, því að hér eru útlendingar, sem eru ekki með það í sinni trú og menningu, ætlið þið að banna kvenprestum að gifta fólk, samanber kaþólikka, á að banna okkur að borða svínakjöt, ætlið þið að banna jólin og páskana af því að það hentar ekki fjölmenningu?

Mikið eigum við þjóðin bágt með hvað alls staðar í stjórnunarstöðum er mikið af illa gefnu fólki. Ég kem aftur að menntun. Því erum við að mennta svona illa gefið fólk? Ég hef skrifað það áður, farið varlega með það sem þið kallið frelsi og mannréttindi því að línan er örþunn, og oftast eru þessi hugtök og beiting þeirra á kostnað annarra. Það þarf viturt fólk til að höndla þessi réttindi svo að allir megi sáttir sitja og það eruð þið ekki í borgarstjórn né á Alþingi. Þið vitið ekki einu sinni hvernig lýðræði virkar.

En svona er þetta, þið eruð fólk sem alið er upp í og á stofnunum, svo að við hverju er að búast? Þið hafið alist upp við hjarðlífi, það er, að ekki má fara út fyrir kassann og vælið er endalaust, ó, ó, ég tilheyri minnihlutahópi og það er gengið á rétt minn.

 Það tekur hver og einn ákvörðun um líf sitt og trú og það ætti að vera gert með virðingu fyrir annarra lífi og trúarbrögðum. Þessi kennsla á að koma frá foreldrum, en ekki að heimta að aðrir breyti sér og sínum siðum, af því, ó, ó, ég vil ekki hafa þetta svona.

 Engin þjóð mundi brjóta sína innviði til þess að þóknast nýbúum og síðan hvenær eiga þeir rétt á móðurmálskennslu? Þið eruð auðveld bráð, sitjandi endur fyrir utanaðkomandi áhrifum og hafið ekki hugmynd um það hvað þið eigið gott að vera Íslendingar og að eiga þetta land.

Það sannast mér æ meira að hrun Norðurlandanna og Íslands verður vegna aðkomu kvenna í stjórnmálum. Hin mjúku gildi gagnast lítt í þessum grimma heimi, það er gengið á lagið og misnotað. 

En vonandi hafa allir átt gleðilega hátíð og megið þið orna ykkur við ljósið, nóg er af skuggunum. Og munið »að það gagnast engum að byggja sér hamingju á tárum annarra«. Látið kristna trú í friði, ekki abbast ég upp á þá sem velja að trúa ekki, en ég ver mig gegn svona árás."

Frú Stefanía ól langan aldur meðal múslíma. Hún veit hvað hún er að tala um. Hér er sagt berum orðum það sem margir hugsa en þora ekki að segja. Ég tek ofan fyrir Stefaníu Jónsdóttur fyrir hennar kjark, hreinskilni og tepruleysi. 

 

>>

Athugasemdir

[Óskar Helgi Helgason (IP-tala skráð) 8.1.2015 kl. 11:00]

Sæll Halldór: sem jafnan - og aðrir gestir þínir !

Þakka þér fyrir: þessa þörfu og mikilvægu lesningu / sem oftar.

Auðséð - að spádómar Nostradamusar gamla hins Franska (á 16. öld) eru að að koma fram, hver af öðrum.

Hefðu fígúrur - eins og ''mannvinirnir'' Líf Magneudóttir Reykjavíkurborgar tuðra: svo og Tónlistar jöfurinn Svavar Knútur t.d. ekki gott af: að fá frítt flugfar til ''vina'' sinna suður í Saúdí- Arabíu:: aðra leiðina, vel að merkja, ágæti Verkfræðingur ?

Svo aðeins - séu tekin dæmi, um sér- íslenzkan tossa hátt viðkomandi ?

Með beztu kveðjum sem endranær - af Suðurlandi /

[Halldór Egill Guðnason, 8.1.2015 kl. 20:52]

Margir halda því fram, að menntakerfið á Íslandi sé ekki nógu gott og pólitíkin skelfilegri en orð fá lýst. Er nema von að það fólk sem aldrei hefur kynnst öðru, þ.e.a.s. menntastofnunum og pólitík,sé komið algerlega á skjön við alla skynsemi og úr takt við raunveruleikan.

Góðar stundir, með kveðju að sunnan.

[Helga Kristjánsdóttir, 8.1.2015 kl. 23:08]

Sælir drengir! Hve ég finn mig vel í þessum félagsskap. Hann minnir á týnda tíma þegar iðkun trúar var ekki hávaðasöm. Signa börn fyrir háttinn og formenn signdu sig á leið í róður.

Hefði gaman að rifja upp spádóma Nostradamusar,var búin að gleyma að hann var franskur.