Hefði Kristján Loftsson

fengið símatal frá þeim Sigmundi Davíð og Bjarna þar sem þeir hefðu boðið stjórnarformanninum upp á hækkun veiðigjaldsins ef hann myndi ekki éta 33 % hækkunina ofan sig með opinberum gráti og eftirsjá í þágu stöðugleikans, hvað hefði Kristján þá gert? Rannveig Rist hafði klókindi til að afþakka hækkunina á þessu stigi. EN hún hefur lyst á miklu meiri hækkun stjórnarlauna siðar. Segir þau allt of lág. Þó að satt væri, hvað þýðir að ræða það núna?

Mikið glöddust Flóamenn og fleiri  rosalega við þessar sveiflur. Nú er lag á að fara í glæsileg verkföll og beygja helvítis auðvaldið sem holdgerfist í Kristjáni Loftssyni. Þeir eiga sviðið og eru alveg tilbúnir í hálfs mánaðar verkfall eða svo. Ef það verður mikið lengra verður gagnaðilinn að borga kaup í verkfallinu og láta öll mál falla niður eins og venja er.

Það eru skrautlegir tímar framundan og verkalýðsstjórarnir fá að láta ljós sín skína og réttlæta jeppatilvist sína.

Það er bara þessi spurning sem snýr að okkur á hliðarlínunum: Hver stjórnar þessu landi? Sigmundur og Bjarni eða einhverjir Flóastrákar?

(Mikið eru nú annars kvótagreifarnir öruggir með sig með heilaþvegna kvótaheimspeki Hannesar Hólmsteins á bak við sig. Samt er margt annað hægt að gera og það skyndilega þegar þannig stendur á. Blogg 13.4.2015)

Athugasemdir

[Halldór Jónsson, 18.4.2015 kl. 14:47]

Svona til upplýsingar voru launin hækkuð úr 150 þúsund í 200 þús. 33 % hækkun.

En fjær kan let blive til 5 hönsn.