Pöntuð niðurstaða

í mikilli skýrslu ráðins rannsóknaraðila er því miður eitthvað sem maður hefur orðið var við á langri ævi innan um stjórnmálamenn. Þeir standa frammi fyrir því að þurfa að framkvæma sína stefnu en kveinka sér yfir því að hún kemur óþyrmilega við  marga og jafnvel stuðningsmenn eigin flokks.Þeir reyna þá gjarnan að dulklæða aðgerðina og leigja sér vefara og spunameistara.

Þá er sérfræðingurinn kallaður til að skrifa skýrslu um málið sem leiðir til þeirrar niðustöðu sem stefnt var að. Viltu jobbið? Viltu peninginn? Þá veistu væntanlega hvað ég vil sjá?

Í skjóli þessa kerfis spretta upp stórir tískubrunnar sem sitja nánast fyrir öllum verkefnum hjá opinberri stjórnsýslu því venjulega tekst að láta þetta líta vel út. Stjórnmálamaðurinn skýtur sér svo á bak við skýrsluna sem skjöld til að framkvæma sinn vilja sem er pólitísk stefna frekar en rökhyggja endilega. Ekkert honum að kenna persónulega að gera þetta eða hitt heldur byggt á mati sérfræðinga.

Það er verkfræðingastéttinni ekki til frægðar þegar beinlínis kemur ljós að menn handvelja forsendur og sleppa óþægilegum vísbendingum sem myndu leiða til annarrar niðurstöðu fyrir annan pyngjumeistara. Og það er eins og slíkar staðreyndir hafi engin áhrif á  næstu verkefni, því það virðast mikið til  vera sömu viskubrunnarnir sem leitað er til hvenær sem stjórnmálamaðurinn þarf einhvers við. Og hann þarf Já-menn í kringum sig svo að aðrar raddir þagni.

Það þarf kjark til þess í kunningjaþjóðfélaginu að fara gegn leigðum viskubrunni þó að hann hafi verið staðinn að verki að framleiða pantaða niðurstöðu.

Athugasemdir

[Hrólfur Þ Hraundal, 3.5.2015 kl. 07:21]

Þrjúhundruð þúsund manna þjóð, er það yfirdrifið að hafa þrjá flokka á þingi.  Sá sem ekki getur fundið sér vettvang innan þriggja flokka er einfaldlega óhæfur til samstarfs.

Því fleirri flokkar á þingi, því meira af tíma þess fer til spillis, til mikilla hamingju fyrir niðurrifs öflin.  

Það þarf eingin að látast vera svo grænn að að hann viti ekki af hverju það eru tvær Samfylkingar á Alþingi og svo vinstri Grænir, en allir eru þessir flokkar með sömu genin og  allt er þetta fólk með sama markmiðið og það ræktaði með sér fyrir stríð.