Veiðigjöld eða skattlagning

á sjávarútveg er heilög rolla hjá stórum hluta þjóðarinnar.

Afkoma sjávarútvegs, veiða og vinnslu má skoða á vef hagstofunnar. Útkoman er þessi:

13 Sjávarútvegur          alls             2013 

1. Tekjur alls á skilaverði                           271.400,0

1.1 Útflutningstekjur/Skilaverðmæti útflutnings       269.440,0

1.2. Seldur afli - Selt hráefni-

1.3. Aðrar tekjur                                       1.959,0

2. Aðföng alls                                        112.413,0

2.1. Hráefni                                            6.003,0

2.2 Rafmagn                                             4.460,0

2.3 Olíur                                              17.154,0

2.4 Tryggingar                                          1.931,0

2.5 Umbúðir                                            10.979,0

2.6 Flutningskostnaður                                  7.890,0

2.7 Viðhald                                            15.343,0

2.8 Veiðarfæri                                          3.936,0

3. Vinnsluvirði                                       158.987,0

4. Laun og tengd gjöld                                 86.412,0

5.Skattar á framleiðslu                                   557,0

6.Verg hlutdeild fjármagns (EBITDA)                    72.018,0

EBITDA sem hlutfall af tekjum,    %     27,0

7.Afskriftir                                           12.826,0

8.Rekstrarafgangur                                     59.192,0

9.Vextir og gengismunur                    -            1.572,0

10.Hreinn hagnaður (EBT)                               60.764,0

Hreinn hagnaður sem hlutfall af tekjum, % 22,4

12. Hagnaður (13.=6.-11.)                              48.950,4

Hagnaður sem hlutfall af tekjum,     % 18,0

 

Sjálfsagt er nóg af vinstraliðinu sem segir að þetta sé allt saman svik og lygi og öllu hinu besta  undanstolið.

Svo eru aðrir sem segja að það sé reginmunur á því að láta borga veiðigjöld óháð afkomu.  Tekjuskattur mæli bara hagnað en veiðigjald er aðstöðugjald sem leggst á útgjaldaliði og tap jafnt sem gróða.  

Steingrímur lagði auðvitað á aðstöðugjald til viðbótar venjulegum tekjuskatti sem hann svo stórhækkaði líka.Hann sýndi fyllstu trúmennsku við eigin sannfæringu um illa náttúru auðvaldsins.

Vinstriflokkarnir sem mynduðu síðustu stjórn eru í eðli sínu skattaillþýði sem trúa hinni sígildu kratísku efnahagsformúlu að ríkið skuli eitt skattleggja og eyða en ekki láta aðra gera það.

Mörgum fannst stjórnin ganga allt of langt í sérstakri skattheimtu á sjávarútveginn. Þó að kommarnir bentu á gjafakvótann góða, sem alltaf klýfur þjóðina, þá voru fleiri hinir snotrari menn á því að verið væri að stúta gullgæsinni fremur en að plokka hana. Fyrsta verk nýju stjórnarinnar var lika að lækka þessar álögur aftur.Áhrif þess ættu að sjást í afkomutölum 2014. En Steingrímur hefur verið með böggum hildar yfir þessu tekjutapi ríkissjóðs sem honum finnst sú ráðstöfun vera. 

Það var sjávarútvegurinn sem dró okkur þurrabúðarfólkið upp úr feninu 2008 ásamt með gengisfalli eigin myntar sem heitir íslensk króna. Þjóðin var með 30 % hagstæðan viðskiptajöfnuð við útlönd í hruninu og við Íslendingar öðluðumst strax traust annarra en okkar sjálfra þar sem við enn stöndum sem niðurlútir kotkarlar og biðjum ESB auðmjúkir um náðarbrauð í stað þess að steyta hnefann framan í vogunarsjóði sem aðra rukkara skuggabaldra.

Ekki efa ég að vilji allra vinstri flokkanna, nema kannski Pírata, sem enginn veit neitt hvað vilja nema ókeypis niðurhal, stendur til þess að stórhækka álögur á atvinnurekstur, sjávarútveg sem annan. Auðlindarenta er hugtak sem þeir nota gjarnan. En grannt skoðað er það sem skiptir máli er að auðlindir séu notaðar af skynsemi og myndi sem mestar tekjur og stærstan skattstofn.

Það skiptir engu megin náli hvort skattlagningin heitir veiðigjöld eða tekjuskattur ef hún er einföld, heiðarleg og sanngjörn. En síðasta hugtakið skilja vinstri menn aldrei og hin tvö fyrri ekki nema til hálfs.

 

Athugasemdir

[Eðvarð Lárus Árnason, 5.5.2015 kl. 12:00]

Þjóðin verður klofin og ófriðarbálin loga um land allt, meðan þetta rangláta sjávarútvegskerfi er þvingað upp á þjóðina og þjóðin arðrænd undir handleiðslu sjálfstæðisflokks, framsóknar og meðhjálpara úr öðrum flokkum.  Þjóðin krefst réttlætis m.a. að allur fiskur fari á markað, og brask með aflaheimildir verði afnumið. Sjómenn allt umhverfis landið segja mikið magn af fiski  alstaðar sem borið er niður veiðarfæri.  Útgerðaraðallinn og peningapúkar landsins leyfa ekki  aukningu aflaheimildum, né hleypa fleyrum í veisluna.  Þá lækkaði verð á aflaheimildum og veð banka lækkuðu í gildi. Sjálfstæðismenn og meðhjálparar tala gjarnan um gamla tíma þegar útgerð átti erfitt uppdráttar. ÞÁ voru fiskafurðir í lágu verði. Nú er fiskafurðir eftirsótt vara sem er í háu verði.

Þekkt er að lönd sem búa yfir miklum auðlyndum eru arðrænd. Þegnar þessara landa búa við skort. Sýnir ekki makríláform ræningjanna hvernig farið skal að.  Halldór við verðum að finna traustari stjórnendur fyrir landið okkar.

[Predikarinn - Cacoethes scribendi , 5.5.2015 kl. 12:43]

Kææri Halldór.

Það er með ólíkindum að heyra ágætlega skynsamt fólk sem ekki er vinstra megin í pólitik, taka undir arðránssöng vinstriöfgamanna eins og jarðfræðinemans og núverandi formann VG, barnaráðherrann, sem lokaði einkareknum menntaskóla sem útskrifaði ódýrustu menntskælingja Íslandssögunnar, auk þess að vera með líkur á meiri skatttekjum til framtíðar fyrir ríkissjóð á útskrifaða nemendur þess menntaskóla. Þetta öfgalið má ekkert sjá sem rekið er með góðri afkomu öðruvísi en að tala um hið illa auðvald sem arðrænir.

Mikill misskilningur er í veiðiheimildamálinu/kvótamálinu. Þar er um heimild viðkomandi að ræða til að kosta öllu sínu til að sækja x mikið a ákveðinni tegund og magnið ákveðið af þjóðinni hverju sinni af þjóðinni ( ráðherra ) eftir veiðiráðgjöf Hafrannsóknarstofnunar, enda er auðlindinni stjórnað af þjóðinni í gegn um þing og ráðherra.

Hvernig væri að hin fræga manneskja, eða lögaðili, „þjóðin“ safni sér fyrir fiskiskipum og veiðarfærum og semdi um olíukaup og réði sér áöfn og sækti fiskinn sinn sjálf og sæi um sölumálin og vinnsluna auk þess að bera af öllu fjármgnskostnað og greiða skatta og gjöld ? Þá væri nú aldeilis rentan komin til „þjóðarinnar“ ekki satt ?

En við munum litlu gulu hænunaa - enginn vildi leggja neitt á sig fyrr en búið var að baka brauðið eftir langt ferli, en þá vildi „þjóðin“ borða brauðið en hafði ekki lagt til eitt eða neitt. Ekta jarðfræðinema og arðránssöngslið í þeirri sögu.

[Predikarinn - Cacoethes scribendi , 5.5.2015 kl. 12:46]

P.S.

Fiskiskip kosta frá einhverjum hundruða milljóna smádallarnir upp í 7 milljarða króna hver stórtogari.

[Jón Þórhallsson, 5.5.2015 kl. 13:05]

Ef að fólk er ósátt þá verður fólk að mæla með öðrum flokkum:

http://thjodarskutan.blog.is/blog/thjodarskutan/entry/1382153/