1.júní

er á morgun.

Þann dag á Rögnunefndin alræmda að skila af sér pródúkti sínu sem er að finna annað flugvallarstæði á höfuðborgarsvæðinu fyrir þá Dag Bé. og EssBjörn, sem þeir geti notað til að halda áfram eyðileggingarstarfsemi sinni og níði á Reykjavíkurflugvelli.

Sem kunnugt er sáu þeir félagar sitt óvænna í aðdraganda kosninganna eftir að hafa horft upp á ófarir Gísla Marteins innan Sjálfstæðisflokksins. Þeir urðu því með öllum ráðum að koma í veg fyrir að málefni flugvallarins yrðu rædd í aðdraganda kosninganna. Dagur Bé. hafði snör handtök, skipaði fallega og þekkta frú í forsvar fyrir nefnd um málið, settist sjálfur í nefndina til að tryggja að hann réði niðurstöðunni og svo var tekið til starfa.

Greinlega varð verkefnið Degi erfiðara en hann hélt líklega í fyrstu. Enda lét hann fresta niðurstöðum og öllum tíðindum ítrekað.  

Á morgun 1. júní 2015 á svo að sleppa nefndargripunum út eins og kúnum á Helluvaði sem maður horfði á í fréttum í kvöld. Gaman verður að sjá Dag skvetta úr klaufunum og reka upp rassinn í gleði sinni yfir endi þessarar pólitísku leikfléttu sinnar. Nefndarmenn geta huggað sig við milljónirnar í vösunum sínum sem mótvægi við að hafa verið misnotaðir svona herfilega í pólitískum hráskinnaleik þokkapiltanna Dags Bé. og EssBjarnar.

Reykjavíkurflugvöllur bíður örlaga sinna vinafár og lítilsmegandi þennan 1. júní eins og svo marga áður. 

Athugasemdir

[Jóhann Kristinsson, 31.5.2015 kl. 19:13]

Ég held að allir landsmenn viti hvað kemur frá Rögnunefndini,það þurfti ekkert að bíða til dagsins á morgun. 

Ef Ráðherra tekur ekki flugvöllinn eignarnámi og setur skipulag flugvallarins undir ákvarðanarvald Alþingis þá er hægt að segja "kiss the airport good bye."

Kveðja frá Houston

[Halldór Jónsson, 31.5.2015 kl. 19:40]

L'iklega er það rétt hjá þér Houston

[Jóhann Kristinsson, 31.5.2015 kl. 20:17]

Gaman væri að hitta þig í kaffi, te eða eitthvað svona meiri fullorðins drykk einhverstaðar á góðum stað og ræða hvering við getum gert við mein þjóðarinnar.

Kveðja frá Houston

[Halldór Jónsson, 31.5.2015 kl. 20:43]

Ekki veit ég nú mikið í þá veru. En láttu vita þegar þú ert í bænum

[Predikarinn - Cacoethes scribendi , 31.5.2015 kl. 21:02]

Houston - we have a problem hljómaði í geimferðamyndum Hollywood !

Er það ekki setningin sem flugvallarvinir munu kyrja eftir skýrslu Rögnu ?

[Jóhann Kristinsson, 31.5.2015 kl. 21:08]

Nei Herra Predikari, við gerðum okkar Bezta er það sem kemur frá flugvallar raunsæingum.

Banka og fjármála elítan kirjar, tilgangurinn helgar meðalið og við verðum öll rík.

Kveðja frá Houston