Hannes Hólmsteinn

er með snjallari mönnum að finna vinkla á málum sem menn gleyma oft í erli dagsins.

Háskóladella ríður húsum í þessu þjóðfélagi. Í og með með með sívaxandi útþenslu ríkisballarins sem er búinn að meta óflokkaðar háskólagráður til launaprósenta. Hjúkrun á háskólastigi í stað umönnunar, leikskólakennsla á háskólastigi,  háskólastig á þetta og hitt.

Hannes var viðstaddur rektorsskipti og fór að hugsa út fyrir kassann:

" Ég var viðstaddur rektorsskiptin, þegar Jón Atli Benediktsson tók við af Kristínu Ingólfsdóttur. Þau eru bæði sómafólk, frambærileg og góðviljuð.

Ég velti því hins vegar stundum fyrir mér á háskólahátíðum, hvort eftirsóknarvert sé, að svo margir stundi háskólanám, sérstaklega í hugvísindum.

Þurfum við ekki frekar meiri hagnýta þekkingu? Fleiri rafvirkja, smiði, pípulagningamenn, vélvirkja? Og eiga ýmsar umönnunargreinar heima í háskóla?

Er ekki betra að þjálfa fólkið á staðnum, á sjúkrahúsum, dagheimilum og í skólum?“

Er þessi háskólavitleysa ekki komin út í öfgar? Þurfum við endilega 8 ára lækna til að gera við beinbrot eða sauma saman skurði á fyllibyttum? Af hverju ekki paramedics á iðnskólastigi?

Það var og Hannes Hólmsteinn.

Athugasemdir

[Wilhelm Emilsson, 5.7.2015 kl. 10:50]

Hannes Hólmsteinn hefði kannski átt að hlusta á eigin ráðleggingar. Hann hefði áreiðanleg orðið ágætis sjúkraliði.

[Halldór Jónsson, 5.7.2015 kl. 17:51]

Ekki efa ég það að dr. Hannes hefði leyst margt vel af hendi. Hann hafði hinsvegar yfirburða greind og námsgáfur og fór á réttan stað fyrir þjóðina. Það hefði vrið sóun að láta hann staðnæmast við sjúkraliðastörf.

[Wilhelm Emilsson, 6.7.2015 kl. 01:54]

Staðreyndir ljúga ekki. Hannes Hólmsteinn Gissurarsson var dæmdur af Hæstarétti Íslands fyrir brot á höfundarrétti. Það gerist ekki mikið verra fyrir fræðimann.

[Halldór Jónsson, 6.7.2015 kl. 11:34]

O já. Hæstiréttur er nú svona og svona segir Jón Steinar að minnsta kosti. En líklega fór Hannes helsti glannalega með þesari bók. En efnið er umdeilt og það hafa ekki allir fyrirgefið Halldóri hvað hann sagði eftir réttarhöldin í Moskvu 1939

[Wilhelm Emilsson, 6.7.2015 kl. 22:02]

Ef við höldum okkur við efnið, fræðimennsku Hannesar Hómsteins, þá held ég að við séum næstum því sammála :)

[Elle_, 7.7.2015 kl. 19:37]

Hann er klár. Hann er fræðimaður. Það verður ekkert af honum haft þó menn endilega vilji.