Stefanía hefur orðið

í Morgunblaðinu í dag.(Stefanía Jónasdóttir á Sauðárkróki) Hún segir:

Jöfnuður, sama fólkið og sífellt talar um jöfnuð, er fólkið sem passar vel upp á að halda öðrum niðri, það er verkafólki og fleirum. Um leið og laun hækka hjá lágstéttinni koma hinir vel menntuðu, en ekki vitru BHM og fleiri menntað- ir og fara í verkfall þótt laun þeirra séu ágæt.

Vandamálið hjá þessu hrokafulla fólki er að verkafólkið sé komið of nálægt þeim í launum. Það er ekkert hugsað út í hvaðan féð á að koma, því það fækkar þeim höndunum sem skapa verðmæti, svo að þið sem menntuð eruð getið staðið blaðrandi á torgum og ráðstefnum, já þið eruð svo fjandi menntuð, ekkert er hugsað út í hvaða gagn þið gerið.

Úr þessum sama ranni kemur svo fólk, sem talar mikið um jöfnuð, samanber Samfylkingu og VG-fólk sem er langt frá því að vilja jafna. VG eru algjörir kommakapítalistar, það eru ekki allir skúrkar sem eiga fé, en VG vill rífa meira af þeim sem eitthvað eiga og þetta fólk sem hefur farið vel með fjármuni sína, má ekki fá leiðréttingu lána sinna, svo hvar er jafnréttið?

En að hinir vinstrisinnuðu láti sjálfir eitthvað af hendi, nei, aðrir skulu gera það,

því auðvelt er að eyða annarra manna fé og kalla það jöfnuð. Ögmundur Jónasson, sem ekki vildi borga sig inn á Geysissvæðið, er það satt sem mér var sagt að þú eigir sumarbústað og á skilti við veginn að bústaðnum sé skrifað Einkavegur? Já, hér er ég, um mig frá mér til mín, mjög sterkar tilfinningar hjá hinum vinstrisinnuðu.

Ekkert er hægt að framkvæma hjá ríki og sveitarfélögum, því að skattféð fer í að ala upp börn fyrir núverandi kynslóð og launin, jú í menningarmál og leiki. Gaman væri að fá sundurliðun á því hversu margir starfa við verðmætasköpun, og svo þeir er setjast á ríkislaun og heimta og heimta.

Allt er gert til þess að fólk mennti sig, veitt lán og byggt undir það, og þessu er tekið sem sjálfsögðum hlut, sem er bara rangt, því að ekkert er sjálfsagt í þessu lífi. Síðan komið þið út á vinnumarkað, eða heim eftir námið og beitið okkur hin ofbeldi og hótunum um brottför og að ekki skuli læknað eða hjúkrað. Gaman væri að rannsakað yrði hvernig þessar stéttir hinna menntuðu lifa og búa. Það þarf að setja skilyrði fyrir lánatöku til menntunar – að fólk þurfi að skila minnst sjö árum til þjóðarinnar, annars getið þið sótt um lán í þeim löndum þar sem þið ætlið að starfa.

Svo grátið þið yfir að þurfa að borga lánin. Og hjúkrunarfræðingar, þið eruð ekki þeir einu sem eruð vel menntaðir í þessum heimi. Ekki sýna þennan hroka. Hvaðan á að taka fjármuni til þess að hækka laun ykkar? En þetta er jú týpískur grátur kvennastéttar. Fólk þarf að fara að taka sig á og fara að huga að samstöðu, ekki þetta sífellda rifrildi.

Ef þið vitið það ekki, þá er íslamska ríkið, það er ISIS, komið með þjálfunarbúðir í Bosníu, um eitthundrað kílómetra frá Sarajevo, þar sem þeir hóta fyrst Serbum, en síðan öllum fylkjum á Balkanskaga og þeir ætla að höfða til allra þeirra múslima, sem á skaganum búa um að taka berjast með þeim og einnig munu vera hryðjuverkamenn með frá Nígeríu.

Bara svo að þið gerið ykkur það ljóst að þar sem innviðir þjóðar eru rifrildi og ósætti, þá nýtir þriðji aðili sér þannig ástand, ef ekki með illsku – þá með fé. En svona í lokin, þið, sama fólkið og mótmælir álverum, eruð einmitt ástæða þess að þörf er fyrir svona iðnað, því þið heimtið og heimtið, fáið aldrei nóg. Ég vil ekki álver, hvað þá Kínverja og skal ég því lifa við lítið, sem ég og geri, til þess að komast hjá því að land mitt verði ein verksmiðja. Hættið þessu innihaldslausa jöfnuðartali og unið glöð við það sem þið hafið, því það gæti breyst."

Hér er ekki töluð tæpitunga af konu sem hefur búið sjálf í múslímalandi.Hún veit ýmislegt sem okkur er hulið. Er ekki allt í lagi að hlusta á Stefaníu áður en maður talar sjálfur um hluti sem maður þekkir af afspurn einni?

Athugasemdir

[Sigurgeir Jónsson, 31.7.2015 kl. 22:14]

Ögmundur hefur margoft komið því að, að lífeyrissjóðir eigi að taka þátt í hinu og þessu,sem fyrirsjáanlegt er að stendur ekki undir sér.Hann þarf engar áhyggjur að hafa þótt lífeyrissjóður hans eigi ekki fyrir greyðslu lífeyis honum til handa þegar þar að kemur,ríkið ábyrgist sjóð hans svo hann verður aldrei skertur,þótt fólk í almennu sjóðunum megi búa við stöðuga skerðingu.Ríkisaðallinn sér um sína,að grískum hætti.Nú skuldar ríkið ríkisaðlinum 500 milljarða, vegna framtíðar lífeyrisgreiðslna.Þar innandyra eru borgarstjórar, bæjarstjórar,ráðherrar,þingmenn,sendiherrar,ríkisforstjórar að ótöldum morgum fleirum.

[Halldór Jónsson, 31.7.2015 kl. 23:00]

Sigurgeir

Nú skrifar þú svo mér líkar stórvel. Þetta er hinn napri sannleikur um þetta dót allt saman sem frýsar af heilagleika eins og þessi Ögmundur með Einkaveginn sinn, hann er búinn að skilja sig rækilega frá lýðnum sem hann leiðsagði einu sinni. Hann getur gefið frat í þetta láglaunapakk allt, hann er búinn að gulltryggja sig í bak og fyrir. Og Steingrímur J. þessi yfirlýsti  alþýðuvinur og þiggjand dreifbýlisstyrkja til áratuga fer örugglega ekki á sólarstrendur með kjósendum sínum. Hann verður við SvartaHafið á Krímskaga þar sem Krúsjeff og Stalín áttu sín friðlönd. Hann hefur ráð á því.

[Þorkell Guðnason, 1.8.2015 kl. 18:53]

Stefanía bendir þarna á sannindi, sem allt skynsamt fólk ætti að geta tekið heilshugar undir:

"Bara svo að þið gerið ykkur það ljóst að þar sem innviðir þjóðar eru rifrildi og ósætti, þá nýtir þriðji aðili sér þannig ástand, ef ekki með illsku – þá með fé."  

Hver skyldi vera rót þessa ósættis. Einn rótaranginn er líklega gjaldþrot kosningarréttarins. Nú er mikið klifað á mikilvægi kosningarréttar vegna tímamóta i "lífi" þeirra réttinda.  

Virkaði kosningarréttur almennings þegar t.d. innan við 200 atkvæði á sellufundi í NV kjördæmi, teppalögðu leið fv. formanns VG inn á Alþingi - og langleiðina í ráðherrastól - eða þegar niðurstöður úr prófkjörum ráða öllu um hvaða glansmyndir og/eða þekktu fjölmiðlatrýni fá nothæf sæti og eru þar með komin inn - nánast sama hvað hver kýs?

[Halldór Jónsson, 2.8.2015 kl. 17:57]

Gott Keli, þetta er rétt hjá þér. Ömurlegt ti þess að vita hversu fá atkvæði þurfti til að fleyta þessum Steingrími Jóhanni til að stjórna fjármálum Íslendinga eins og einvaldur væri, gera hverja milljarða vitleysuna af annarri enda maðurinn nánast analfabet í fjármálum sbr. Icesav, SpKef, Íslands og Aríonbanka og skuldabréfa Landsbankan, Sjóvá, Saga Capital og VS. Þessi maður getur komið aftur og aftur eins og Marteinn Mosdal í skjóli þessa kosningakerfis sem þú nefnir sem fleytir honum inn.