Skjólið og skugginn

gæti þessi mynd heitið. Hún var tekin í Þykkvabænum í dag í hinum mikla hita sem ríkti á Suðurlandi. Myndin er tekin úr toppi annarrar vindmyllurnar þar.

Miklar draugasögur hafa gegnið um hvernig vindmyllur myndu æra búsmala og drepa fugla. Ekkert af þessu stenst. Þarna má sjá hvernig stórir fjárhópar leita í skuggann af 

vindmyllunni í Þykkvabæ.

 

Það er eins og menn óttist alltaf eitthvað nýtt sem hljóti að vera verra en það gamla sem menn þekkja.

Svo verður það nýja að hversdagsleikanum og menn óttast næstu breytingar,

Engir fuglar hafa fundist dauðir við þessar vindmyllur frá því þær voru gangsettar fyrir ári síðan. Bloggari hefur hinsvegar séð stóra álftahópa fljúga á milli vindmylnanna fyrir neðan spaðamiðju. Enda álftirnar líklega séð fleiri vindmyllur á sinni tíð en hann mun nokkru sinni sjá.

 

Athugasemdir

[Emil Hannes Valgeirsson, 25.8.2015 kl. 19:50]

Þetta er mjög skemmtileg mynd.

[Halldór Jónsson, 25.8.2015 kl. 21:48]

Ljósmyndarinn er hann Snorri Sturluson sem er framkvæmdastjóri Biokrafts sem á myllurnar