Bragð er að

þá barnið finnur.

Halldór Auðar Svansson hefur þetta að segja eftir að Dagur Borgarstjóri kynnti aukin útgjöld vegna aukinnar starfsemi í þágu borgarbúa:

„Það er klárt mál að það þarf að ráðast í aðgerðir vegna stöðu borgarsjóðs. Síðasti ársreikningur kom ekki vel út og við höfum vitað af stöðunni. Það þarf að leita allra leiða til þess að draga úr þessum halla,“ sagði Halldór A. Svansson, borgarfulltrúi Pírata,"

Miðað við þá venjulegu þögn um menn og málefni sem ríkir hjá Pírötum, þá er þetta nokkuð stór yfirlýsing frá manni sem er í eins sterkri stöðu og hann. Sá sem síðast stóð í slíkri stöðu  var stundum uppnefndur "Ruler of Reykjavík" þar sem menn gerðu sér ljóst að hans orð voru lög sem allir urðu að fara eftir.Nú er rekstarafgangur hjá Borginni 1.2 milljarðar í stað þriggja. Skeikar aðeins 250%. Sem betur fer geta borgarfulltrúar í Reykjavík enn sent viðskiptavinum Orkuveitunnar í öðrum sveitarfélögum  reikninginn til að lát þau borga hallann með sér.

Halldór Auðar er í sömu stöðu og Sigurjón heitinn. Segi hann eitthvað verður meirihlutinn, að Degi Bé. og EssBirni meðtöldum, að ráðast í aðgerðir eigi ársreikningur að koma vel út.

Athyglisvert að Dagur nefndi stóraukinn launakostnað í velferðarsviði sem ein orsakaþátt hallarekstrarins.En einmitt mun meiri mönnun á öllum sviðum skilur Reykjavík algerlega frá öðrum sveitarfélögum. Sem þýðir það að Reykjavík hefur ekki ráð á þeirri þjónustu sem hún veitir. En fjölgun starfa er samt það sem vinstri menn tala oftast um.

Nú gerist það að Píratar segjast ætla að fara að taka þátt í stjórnmálum. Taka á málum hjá Reykjavíkurborg með eigin höndum. Bara si sona?

Væntanlega fylgjast kjósendur með því hvernig til tekst þar sem búast má við spurningum í næstu kosningum sem lúta að því að gera eitthvað sem bragð er að í margvíslegum málum, sem Píratar hafa ekki svarað neinu um til þessa.

 

 

Athugasemdir

[Ásthildur Cesil Þórðardóttir, 28.8.2015 kl. 10:03]

Halldór Auðar Svansson hefur góðan mann sér við hlið sem er faðir hansf Svanur Kristjánsson, sem er reynslubolti og fræðingur.  Það ætti því að taka alvarlega það sem hann segir.  

[Halldór Jónsson, 28.8.2015 kl. 14:44]

Svanur er mikill vinstri maður. Alverg eins og Dagur Bé, EssBjörn og HJálmar Sveinsson. Hvernær hafa vinstri menn getað stjórnað fjármálum?

[Óskar Helgi Helgason (IP-tala skráð) 28.8.2015 kl. 15:28]

Komið þið sæl: Halldór / Ásthildur Cesil, sem og aðrir gestir, hins mæta Verkfræðings !

Ásthildur Cesil !

Úrbrædda: sem LEIÐINLEGA Marx-Lenínista - eins og Svan Kristjánsson / ÆTTI ENGINN AÐ TAKA ALVARLEGA, fornvinkona góð. Sami Hamphausinn þar á ferð: sem aðrir hans líkar.

Halldór !

Sannarlega allir þeir: sem þú nefnir - einstaklega afspyrnu leiðinlegir vinstri menn, ........ en: hvenær, hafa miðju- moðs liðarnir, sem þú hefir fylgt að málum hérlendis, hingað til, verið eitthvað betri stjórnendur fjármála, Halldór minn ?

Fremur: treysti ég þér, sem öðrum Hægri mönnum betur, í þeim efnum Verkfræðingur góður:: sbr. Francó heitinn á Spáni, sem og Salazar collega hans í Portúgal - að ógleymdum Chiang kai- Shek, austur á Formósu (Taiwan), hér forðum.

Með beztu kveðjum: sem endranær - af Suðurlandi /  

[Ásthildur Cesil Þórðardóttir, 28.8.2015 kl. 16:58]

Mér er eiginlega sama hvaðan gott kemur, ég er ekki bundinn á klafa neins stjórnmálaflokks og get því sagt álit mitt burt séð frá flokkslínum.  Þessar fjandans flokkslínur eru reyndar að sliga landið okkar, þar sem enginn má segja neitt af viti ef hann er í "vitlausum" flokki. 

[Óskar Helgi Helgason (IP-tala skráð) 28.8.2015 kl. 17:07]

Komið þið sæl - sem jafnan !

Ásthildur Cesil !

Enda - gat ég þess hvergi: að einhverjir flokkar / eða þá flokkslínur, væru það heilladrýgsta í framvindunni, fornvinkona góð.

Heldur: og miklu fremur skörungar og atkvæðamenn fámennis- eða einræðis stjórna:: eins og þeirra : Francós / Salazars og Chiangs, Ásthildur mín.

Í stað þessa hroða 6falda flokksins, sem við nú búum við.

Pírata gerpin: skákuðu sér hjálparlaust út af borðinu á dögunum, með HINUM OPINBERA FJANDSKAP sínum, í garð Rússnesku þjóðarinnar, með heimskulegri afstöðunni, til einka æfintýra Gunnars Braga Sveinssonar, austur í Úkraínu, t.d. !!!

Studdum: af extra skósveinum Obama´s og Merkel, þeim Sigmundi Davíð Gunnlaugssyni, og lagsmanni hans, Bjarna Benediktssyni, sem öllum er kunnugt !!! 

Hinar sömu kveðjur - sem seinustu /

[Jón Valur Jensson, 29.8.2015 kl. 02:39]

Það er allt að fara á hliðina í sukki og vitleysu og algerum skorti á framsýni hjá vinstri mönnum í borginni. Þeir þóttust t.d. ætla að gera stórátak í byggingu nýrra íbúða fyir unga fólkið, en eru eftir 16 mánaða (ó)stjórn ekki einu sinni byrjaðir að auglýsa lóðir! (viðurkennt af Degi í Sjónvarpi föstudagskvöld) - og fá þannig ekkert í þann kassann á meðan! ---> Borgin fær ekki tekjur af lóðasölu meðan hún úthlutar engum! 700.000 króna tap borgarsjóðs á hverri klukkustund!