Píratar úr pukrinu

og héldu hundrað manna fund um baráttumálin.

Það bar helst til tíðinda að þá eru þeir orðnir 2 einsmáls flokkarnir, ef maður telur Bjarta Framtíð frá sem sjálfdauða.

Píratar  ætla nefnilega í Evrópubandalagið og fyrsta verkið er að hafa þjóðaratkvæði áframhald viðræðnanna.

Og svo fylkja þeir sér um Þorvald Gylfason og Pétur á Útvarpi Sögu með  lengstu stjórnarskrá í heimi sem þeir sömdu hér um árið. Sem þjóðin nennti ekki einu sinni að ræða á sinni tíð og var í raun felld í ólöglegri þjóðaratkvæðagreiðslu.

Þá er loks komið er svar við því fyrir hvað Píratar standa. Það eru bara tvö mál: Fyrra málið er aðild að Evrópusambandinu. Seinna málið er ný stjórnarskrá að hætti Þorvaldar Gylfasonar. Ekki fleira hafa þessar vísdómsuglur til málanna að leggja eftir að hafa hugsað í leyndum dulúðar svo mánuðum skiptir.

Þá hefur Árni Páll og Samfylkingin eignast samherja í Evrópumálunum og kannski fengið eitt mál í viðbót til að flagga með sem væri ný stjórnarskrá. Og Viðreisnin hans Benedikts getur hugsanlega gengið pukurlaust í Pírataflokkinn í heilu lagi sem myndi spara marga fyrirhöfn í skoðanakönnunum.  

Athugasemdir

[Ómar Ragnarsson, 30.8.2015 kl. 22:16]

Í sex ár hefur verið minnihluti fyrir því í skoðanakönnunum að við göngum i ESB og því er undarlegur þessi ótti þinn við að halda loksins þjóðaratkvæðagreiðsllu um það mál. 

Píratar vilja þá atkvæðagreiðslu af prinsipp-ástæðum, sem eru stóraukið beint lýðræði og helsta baráttumál þeirra. 

[Ómar Ragnarsson, 30.8.2015 kl. 22:19]

Það er kolrangt að stjórnarskráin nýja sé "lengsta stjórnarskrá í heimi." Við athuguðum þetta á sínum tíma og hún er í styttra lagi ef eitthvað er. Hvernig væri að kynna sér málin aðeins?

[Jón Valur Jensson, 31.8.2015 kl. 03:07]

Merkilega ertu óforsjáll og óvarkár fyrir hönd þjóðar þinnar, Ómar Ragnarsson! 

1) Það er ekki hvorki vert né óhætt að að taka þá áhættu að halda slíka þjóðaratkvæðagreiðslu um að ganga í Evrópusambandið og missa þar með æðsta fullveldi okkar í löggjafarmálum og fleira. Þótt 50,9% segist vera andvíg inngöngu í ESB, en 31,8% með, skv. nýrri könnun MMR sem það birtir á heimasíðu sinni,  þá getur þetta sveiflast meira til, og svo gæti Evrópusambandið dælt hingað áróðursfé og gjafamútum til að hafa áhrif á niðurstöðuna, auk þess sem fjölmiðlar, sem nú þegar eru á bandi þess og gott ef ekki á launum frá því, myndu verða notaðir til fulls í baráttunni.

2) Engin lög hér leyfa slíka þjóðaratkvæðagreiðslu sem bindandi fyrir Alþingi og þjóðina, og það áttirðu að vita.

[Jón Valur Jensson, 31.8.2015 kl. 03:08]

Þarna átti að standa:

1) Það er hvorki vert né óhætt að taka ...

[Gunnar Heiðarsson, 31.8.2015 kl. 09:25]

Píratar vilja láta kjósa um áframhald viðræna Ómar, ekki vilja til að ganga þangað inn. Enn er því miður fjöldi fólks hér á landi sem telur þarna einhvern stigsmun á, þó raunveruleikinn ætti að vera orðin öllum kunnur. Áframhald viðræðna er ekkert annað en innganga í ESB.

Ekki skiptir heldur öllu máli þó hægt sé að finna einhverja stjórnarskrá sem er lengri en sú sem kynnt var þjóðinni á síðasta kjörtímabili, sú stjórnarskrá var allt of löng og í raun ekki framkvæmanleg.

Stjórnarskrá á að vera stutt og skýr og taka einungis á þeim málum sem nauðsynlegt er, svo misvitrir stjórnmálamenn setji ekki landið í voða.

Hitt er svo annað mál að enginn hefur enn bent á neitt í núverandi stjórnarskrá sem geranda í hruninu, eða í raun nokkuð innan hennar sem ekki er í fullu gildi. Auðvitað má endalaust bæta hana og það hefur verið gert í gegnum tíðina.

Það eina sem menn setja frir sig er að hún er gömul. Ætti þá ekki bara að slá af fólk þegar það nær ákveðnum aldri, það sé orðið úrelt?!

[Hrólfur Þ Hraundal, 13.9.2015 kl. 05:41]

Tek hér undir orð Gunnars Heiðarssonar um að stjórnarskrá á að vera stutt og skýr og taka einungis á þeim málum sem nauðsynlegt er, svo misvitrir stjórnmálamenn setji ekki landið í voða.

Gömul stjórnarskrá er til vitnis um stöðugleika, eins og balllest er skipi og um borð er betra að hafa menn en apa ef aka þarf seglum.