Stefanía enn á ferð

með sinn boðskap í þjóðernismálum. Og reynsluheimur Stefaníu Jóndasdóttur er stærri en margra sem nú hæst láta í því að flykkja hingað óflokkuðum flóttamönnum. Fólki ólíkrar menningar eða svo framandi að ekkert okkar mun skilja hana. Stefanía þekkir sérstaklega vel til austur í Albaníu og þekkir þar menn og málefni.

 

Stefanía skrifar í dag í Mbl.:(feitletranir eru bloggarans)

"Ég er hugsi yfir framtíðinni.

Sér enginn hvert stefnir í endalausri vitleysu í móttöku hælisleitenda? Ég ætla ekki að sykurhúða orðið hælisleitun yfir í alþjóðlega vernd. Tvöhundruð og tuttugu hælisleitendur eru hér komnir frá áramótum og þessi fjöldi er utan við komu flóttafólksins sem taka á á móti.

Frá Rauða krossinum koma upplýsingar um að stærsti hópur hælisleitenda sé frá Albaníu, Makedóníu og fleiri löndum þar sem ekkert stríð geisar. Því tökum við að okkur fólk, sem ekki er að flýja stríð, heldur í leit að betra efnahagslífi? Eigum við að halda uppi öllu þessu fólki og án þess að vita nokkuð um það?

Hvað vilja Albanir hingað? Eigum við ekki líka að fjölga drykkjufólki og heimilislausum frá Póllandi og fleiri ríkjum, en þegar eru á okkar framfæri, þrjátíu manns með mat, vasapeninga og gistiskýli, þar sem þeir lemja gjarna á þeim Íslendingum um gistirúm, og nú túlk á launum svo að borgarráð nái nú betur að skilja þá og þarfir þeirra?

Þetta er flott, eigum við ekki líka að fjölga þeim fráskildu erlendu konum sem hingað sækja með börn sín, því að þær detta inn í kerfið, – gerum það endilega. Þjóðin hefur ekkert annað að gera en að vinna fyrir þessu, og öllum þeim hælisleitendum sem koma, því að spurst hefur út að hér stjórni kjánar.

Samfara þessu er verið að eyðileggja sjávarútveginn, dræm humarvertíð, makríll selst ekki og fleira á niðurleið. Unga fólkið okkar fer til annarra landa, því ekkert gengur hjá þeim við að koma sér þaki yfir höfuðið, bara ætlað hælisleitendum.

Það er verið að skipta hér um þjóð. En það er bannað að segja nokkuð því stjórnleysislýðræðið ræður ríkjum. Enginn stjórnmálamaður þorir í þann slag. Yngri kynslóðin og þingmenn eru helteknir af mannréttindum og lýðræði, sem þau misnota og eru ekki hæf til annars.

Ég mótmæli harðlega móttöku hælisleitenda frá ríkjum þar sem ekki geisar stríð og ég vara ykkur við því að fjölga Albönum í landinu.

En endilega haldið áfram að leika ykkur, hlaupa maraþon og flykkjast á drykkjuhátíðir út um allt land. Ykkar er að fá á baukinn þegar allt fer í óefni og þið ráðið ekki við neitt á glæpaeyjunni Íslandi.

Landinu mínu fagra er ekki bara nauðgað af stóriðju heldur líka af vanþakklátu fólki. Hver ber ábyrgðina á þeim lögfræðingum sem verja hvern sem er inn í landið ? Auðvitað enginn, þetta er eins og allt annað hjá okkur. Og þið, sem teljið ykkur svo gott fólk, þá skulið þið vita að þessi mál hafa ekkert með góðmennsku að gera heldur mikla heimsku, sem umheiminum er ljós og er og verður misnotuð.

En það er ykkar komandi kynslóð að vinna, ekki bara fyrir ykkar lífi heldur líka til þess að halda uppi hælisleitendum, þar sem þið lítið á það sem siðferðislega skyldu ykkar að bjarga heiminum, en það geri ég ekki.

Ég fæddist ekki til þess að standa undir heimsku mannanna. En ég vara ykkur við, vitið þið hvað það er að missa landið sitt, sem þið munið á endanum gera? Því sterkari öflin munu ráða yfir grátklökkum ."

Gerir fólk sér ekki grein fyrir hvað það er að ana út í með því að heimta að fá hingað hundruðir af fólki úr öðrum heimi? Hvert er lokamarkmiðið hjá því? Gerir það sér ekki grein fyrir að þetta breytir þjóðinni varanlega? Er því sama þó önnur þjóð taki við landinu en nú situr það? Er engin leið að fá ábyrga umræðum um þessi mál? Bara öskur um nasista og rasista?

Stefanía talar af reynslu. Það gerir ekki Hallgrímur Helgason eða hans nótar.

Athugasemdir

[Sigurdur Hjaltested (IP-tala skráð) 1.9.2015 kl. 08:37]

Snilldarlega sagt og svo rétt. Hvernig vaeri ad allt thetta góda fólk hjálpadi íslendigum sem eru á gotunni og thurfa á hjálp ad hald..???

Eda er thetta ekki bara sýndarmennskan í sinni fullkomnustu mynd.

Thad er alltaf sama sagan. Minnihlutahópar ná alltaf ad hafa nógu hátt og med thví ad gera thad, thá fullvissa their sjálfa sig um ad thjódin sé sammála.

Held ad thad yrdi ansi skrítid á svipinn ef thjódin fengi ad ráda en ekki einhver hópur af fólki sem tilbúid er ad setja hér allt til fjandans.

M.b.kv.