Skattleggja og eyða!

Svandís Svavarsdóttir er fyrsti flutningamaður að frumvarpi sem er atlaga að efnahagslífi og fjárhag almennings. Ekkert nýmæli af hennar hálfu sem hefur aldrei neitt gert í stjórnmálum sem ekki stefnir í sömu átt. En það er að gera lífið erfiðara fyrir alla með því að skattleggja og eyða eins og kommúnista er háttur.

Hún flytur eftirfarandi á Alþingi:

"um breytingu á lögum um fjölmiðla, nr. 38/2011 (textun myndefnis).

Flm.: Svandís Svavarsdóttir, Bjarkey Olsen Gunnarsdóttir, Katrín Júlíusdóttir, Ragnheiður Ríkharðsdóttir, Líneik Anna Sævarsdóttir,
Elsa Lára Arnardóttir, Oddný G. Harðardóttir.

 

1. gr.

    Við 30. gr. laganna bætist nýr málsliður, svohljóðandi: Myndefni sem fjölmiðlaveitur miðla skal ávallt fylgja texti á íslensku sem endurspeglar texta hljóðrásar myndefnisins eins nákvæmlega og kostur er."

Þetta er svo sem ekkert vistlausara en ég býst við venjulega frá þessum vinstri þingmönnum sem undir þetta skrifa aðrir. En að þarna sé ég svo nafn Sjálfstæðisþingmanns undir og þá tekur í hnjúkana hjá mér.

Þá að Ragnheiður Ríkharðsdóttir sé stundum kölluð hálfkrati og Evrópusinni, þá getur þetta ekki verið stefna Sjálfstæðisflokksins, að taka þátt í svona íþyngjandi frumvarpi.

Textun er svo dýr ennþá að þetta mun ríða öðrum sjónvarpsstöðvum en þeim stærstu að fullu.Enda er flutningsmönnum það fullljóst að þetta er rándýrt þar sem á að taka peninga almennings í sjóð til að standa straum af vitleysunni.Einhverntíman verður hugsanlega til tækni til að gera þetta ódýrt. En hún er ekki til staðar enn. Þangað til eigum við. ég og þú bara að borga? Sjá menn einhvern annan til þess?

Ég vildi að allar myndir væru textaðar svo maður fylgdist betur með þar sem talmál er oft snúið. Og margar útlendar myndir eru svo. En að það eigi að vera skylda hjá menntaðri þjóð að hafa íslenska texta allstaðar veldur fjárhag almennings búsifjum þar sem enginn annar er til að borga. Það getur ekki verið stefna Sjálfstæðisflokksins.

Samkvæmt orðanna hljóðan mun þetta væntanlega þýða að Raggi Bjarna má ekki lengur syngja enskan texta í sjónvarpi þó hann megi það í útvarpi, hver blámaður sem rappar sitt klám á myndbandi verður að texta svo börnin nái því, menn mega ekki sletta ensku hjá Ingva Hrafni eins og Steingrímur J. gerði þegar hann lýsti skattahækkunaráformum sínum svo fallega: "You ain´t seen nothing yet!"

Tax and spend. Textað er þetta stefna vinstri manna í stuttu máli:

SKATTLEGGJA OG EYÐA.

Mér finnst skömm að því að sjá nafn Sjálfstæðisþingmanns í hópi flutningsmanna þessa frumvarps. Á ég að styðja svona hugsun? Á ég að hrópa húrra fyrir þessu á Landsfundi? Á ég að Kjósa svona þingmann?  

SKATTLEGGJA OG EYÐA. Kúga fólk með lagaboði.

Hvenær varð það að stefnu Sjálfstæðisflokksins?

Athugasemdir

[Davíð12 (IP-tala skráð) 28.9.2015 kl. 11:10]

"Myndefni sem fjölmiðlaveitur miðla..."  Fjölmiðlaveitur eru hinar nýju videoleigur, þar sem þú getur leigt þér bíómynd í sjónvarpið beint úr sófanum. Þetta á ekki við um venjulegar sjónvarpsútsendingar.

[Helga Kristjánsdóttir, 29.9.2015 kl. 00:23]

Þá er bara eftir að svíkja flokk sinn í tryggðum,eða friða sig með að hann sveik þig/mig,það er harðara hægri flokkur til og er á uppleið.

[Halldór Jónsson, 29.9.2015 kl. 18:33]

Davíð12, heldurðu að þeir hafi fattað það?

Helga, 

eigum við ekki að vona að  hinir skynsamari menn ráði?