Hugleiðingar um ESB

eru gjarnan að finna á síðu Gunnars Rögnvaldssonar sem langa reynslu hefur af búsetuí Evrópusambandinu og er mann fróðastur um innri mál þess. Hann eer ófeiminn við að skyggnast undir yfirborðið. Athyglisverður punktur er núna hjá honum þegar hann veltir fyrir sér  Evrópusambandinu án Þýskalandsveldis. En úr efnahagslegum slagkrafti þess gæti dregið verulega vegna flóttamannapólitíkur Merkels. Þjóðin sem hafði ekki lengur efni á eftirlaunum þegnanna ætlar núna að þurrka upp þá getu enn frekar.

Gunnar skrifar :

Mánudagur, 5. október 2015

"Made in Germany" stendur fyrir svik, prettir og hneyksli

Hvað er eiginlega að í Þýskalandi, er spurt í nágrenni þess. Allir þessir svika og pretta skandalar í Þýskalandi hafa ömurleg áhrif, skrifar Die Presse í Austurríki

Deutsche Bank, hið fjármálalega flaggskip Þýskalands, hefur tekið þátt í nær öllum þeim svindl- og pretta númerum jarðkringlunnar sem á annað borð hefur komist upp um. Stjórnarformaður póstsins,Deutsche Post, er sendur í fangelsi fyrir að hafa falið miljarða í leyndum hirslum í Liechtenstein til að komast hjá sköttun. Og nú er bílaframleiðandinn Volkswagen kominn út úr skápnum sem svindlnúmer. Fyrirtækið hefur svindlað á milljónum viðskiptavina og yfirvöldum í tugum landa. Hvað er eiginlega að í þýsku atvinnulífi? Er þetta hin svo kallaða "vél" sem á að knýja meginlandið áfram?

Er nema von að spurt sé svona? Þýskaland er svo rotið að innan að ólíklegt er að neitt annað land komist með tærnar þar sem það land hefur hælana í mórölskum tvískinnungi, svikum og prettum í atvinnulífi, stjórnmálum, menningu og upplognum titlum, afrekum og prófgráðum stjórnmálastéttar landins

Þinginu og stjórnmálum landsins er stjórnað af morkinni þríhyrndri utanþings elítu banka og iðanaðrafyrirtækja og esbhólista sem tekist hefur að troða öllu meginlandinu ofan í vasa sinn með aðstoð álíka rotinnar stofnunar einveldis elíta, Evrópusambandinu. Og sem tekist hefur í gegnum það að að handjárna 18 lönd við þetta utanþings fyrirbæri í gegnum einn tómann, gatslitinn, ónýtan og illa þefjandi iðnaðarþýskan og pólitískan skítapening er nefnist evra

Og hér heima pissa Þýskalands fetishistar ennþá af hrifningu í blautar buxurnar. Þetta er stórmerkilegur sjúkdómur og verðugt rannsóknarefni. Hvað skyldi liggja á bak við hann?"

Gunnar skilgreinir einnig sjúkdóminn "Euroschlerosis" sem eer uppdráttarsýki sú sem hrjáir sambandið. Er ekki með ólíkindum að hérlendis sé hægt að láta hálfa þjóðina standa á haus vegna þess að hún vill halda áfram aðildarviðræðum við sambandið. Skilja menn ekki að séu þeim viðræðum lokið erum við tæknilega gengnir í sambandið? Það er eins og fólk viti ekki um Lissabon né Rómarsáttmálana.

Sjö ár eru síðan að Geir H. Haarde bað Guð í einlægni að blessa íslensku þjóðina. Þetta var þvílíkt eitur í beinum kommanna kratanna og landsöluafla Evrópusambandsins að þeir hafa þetta að háði og spotti.

Jafnvel enn í dag þegar Geir hefur greinilega verið bænheyrður með nýrri bólumyndun og ytri aðstæðum hagstæðum er enn verið að deila um þetta keisarans skegg, hvort greiða skuli þjóðaratkvæði umað halda áfram aðildarviðræðum. En kraftur Guðs virðist ekki ná til sjálfseyðingarkrafta þeirra sem eru megindrættir í fari okkar Íslendinga allt frá Sturlungaöld. "Íslands óhamingju verður allt að vopni" sagði maðurinn.

Það er ekki beinlínis kristilegt að horfa yfir ástandiðí í launamálum í þjóðfélaginu  þar sem hver ryðst um annan þverann og er reiðubúinn að láta það kosta það sem kosta þarf án tillits til neyðarinnar í neðri lögum samfélagsins. Það veitti líklega ekki af veita að Geir myndi frekar endurtaka bæn sína núna ef nokkuð væri, svo ófriðlegt er um að litast og stríðsfylgjur virðast komnar í héröð.

Líklega er það eina sem getur komið okkur Íslendingum til að ganga í ESB sé innanlandsófriður svipaður og þeim sem gerði Íslendinga örmagna árið 1262. Menn gefist upp á sjálfum sér eins og þá og leiti því í skjól þess helsta erlends herkómgs sem nú ríkir i Norðurálfu. Sú styrjöld sýnist manni að geti verið að hefjast þó margir hinna bestu manna reyni að bera klæði á vopnin.