"Ruler of Reykjavik"

er Halldór Auðar Svansson Pírati sem heldur þeim Degi Bé.og EssBirni á pólitísku lífi eftir að þeir töpuðu Borgarstjórnarkosningunum. Svo mjög hefur hið pólitíska landslag breyst ef hætishót er að marka nýjustu Gallup könnun að nú eru þessi kaup þeirra að verða stórkostleg sem algerir minnihlutamenn. Svo segir í Morgunblaðinu:

"Pírat­ar fengju sjö af 23 borg­ar­full­trú­um ef kosið væri nú. Þetta er niðurstaða nýrr­ar skoðana­könn­un­ar sem Viðskipta­blaðið birt­ir í dag. All­ir flokk­ar tapa fylgi fyr­ir utan Pírata og VG. Mestu tapa Björt framtíða og Fram­sókn­ar­flokk­ur­inn og flug­valla­vin­ir.

Pírat­ar fengju 27,5% at­kvæða en fengu 5,9% at­kvæða í borg­ar­stjórn­ar­kosn­ing­um árið 2014. Sam­fylk­ing­in fengi 24,7% at­kvæða en fékk 31,9% í kosn­ing­um.

 

Sjálf­stæðis­flokk­ur­inn fengi 23,4% en fékk 25,7% í kosn­ing­um í fyrra. VG fengi 11% sam­an­borið við 8,3% í fyrra og Björt framtíð fengi 8,1% sam­an­borið við 15,6% í síðustu kosn­ing­um.

Fram­sókn­ar­flokk­ur­inn og flug­vall­ar­vin­ir fengju 4,4% at­kvæða sam­kvæmt könn­un­inni sem unn­in er af Gallup fyr­ir Viðskipta­blaðið en fékk 10,7% í kosn­ing­un­um í fyrra."

Ekki er langt síðan að maður sá skoðanakönnun sem sýndi að Framsókn og Flugvallarvinir væru með þriðjungs fylgi ekki ólíkt því fylgi sem þessi könnun mælir nú hjá Pírötum. Maður fer að spyrja sig hvað sé að marka? 

En hvað um það. Ef Píratar eru með þriðjungs fylgi Borginni í þessari könnun, hvaða áhrif hefur þessi eini fulltrúi Pírata sem Borgarstjórinn hangir á? Hverju er Halldór Auðar Svansson að koma tl leiðar? Af hverju er alltaf bara mynd af Degi Bé? Hver er hinn sterki maður? Til hvers er hann í pólitík? Til að gjöra veg Dags Bé beinan? Til hver er flokkur Pírata? Til að vera billeg hækja fyrir óvinsælustu Borgarstjórn allra tíma? Af hverju tekur Halldór Auðar ekki við sem Borgarstjóri? Ferskur andblær?

Stendur hann ekki undir hinni fornu nafngift sem einu sinni var notuð meðal almennings? Þá gekk einn ágætur borgarfulltrúi undir nafninu "Ruler of Reykjavík" því allt vald valt á honum. Síðar tók annar frægur maður við því kefli hjá Ingibjörgu Sólrúnu og er enn minnst hinna gríðarlegu verka hans sem ekki hefur verið bitið úr nálinni með enn í dag.. 

Gengnir eru þeir tímar að meirihlutar stjórnuðu án hrossakaupa. Nú eru bræðingar algengastir í stórum sveitarfélögum. Þeir bragðast misjafnlega því stundum vilja þeir brenna við.

En Dagur gerði óneitanlega góð kaup þegar hann keypti sér Borgarstjórastólinn af Halldóri Pírata sem er í raun hinn núverandi "Ruler of Reykjavik".