Halldór Jónsson

5.11.2015 | 23:35

Fjörtíuþúsund fífl?

fara með Degi Bé. á ráðstefnu í París til að ræða loftslagshlýnun af mannavöldum. Líklega flest á opinberu fé eins og okkar fríði flokkur.

Það hefur ekki mælst nein vísindaleg hlýnun af mannavöldum. Það getur alveg eins verið kólnun framundan. Vonum ekki því það mætti mín vegna gjarnan hlýna svolítið á Íslandi fyrir minn smekk.

Og varðandi gróðurhúsaloftegundirnar þá mætti reikna út fyrir þetta lið hversu mikið af CO2 og H2S og fleiri gösum kom upp í Holuhrauni. Og hversu mikið flugvélin sem flytur þetta lið á kongressinn spýr út af brunarestum af JetA1. Dagur getur kannski látið dæla því niður í jörðina í Hellisheiðarvirkjun svona með öðru?

Sem Sjálfstæðismanni finnst mér raunalegt að sjá fulltrúa flokksins míns leggjast svo lágt að ferðast með þessum siðblinda borgarstjórnameirihluta fyrir lánsfé á kostnað skattborgara á svona mýrarljósasamkundu sem þessi loftslagsráðstefna er. Ef þeir borguðu sjálfir skyldi ég þegja. En Dagur þarf að slá lán í tvo klukkutíma til að borga kostnaðinn. Og þá er þagað um dagpeningana og vinnutapið sem verður líka að slá lán fyrir

Ríchard Björgvinsson í Kópavogi borgaði alltaf sinn ferðakostnað sjálfur þegar hann fór að erinda fyrir bæinn sinn. Hans ættu Sjálfstæðismenn að minnast betur en gert er.

Ráð fjörtíuþúsund fífla mun gefast því verr sem fleiri koma saman.

Flokkur: Stjórnmál og samfélag | Breytt s.d. kl. 23:38 | Facebook

Athugasemdir

góður ég get ekki anað en verið sammala.en snýst þetta ekki um að setja nýja skatta a fólk firrir banka hyskið

Helgi Armannsson (IP-tala skráð) 6.11.2015 kl. 00:34

Það er nú samt svo ótrúlegt Halldór af 12 000 rýnisrýndum vísindagreinum um efnið þá er það niðurstaðan í 97 til 98% þeirra að loftlagsbreytingar af mannavöldum eru raunverulegar - en þú þekkir þetta sjálfsagt eitthvað betur. Getur kynnt þér þetta betur hér

Jón Bjarni, 6.11.2015 kl. 00:48

https://www.skepticalscience.com/global-warming-scientific-consensus-basic.htm

Jón Bjarni, 6.11.2015 kl. 00:48

Líka alveg ótrúlegt hvað Jón Bjarni veit allt. (Þó hann fari langoftast villu vegar í fullyrðingum í Moggablogginu).

Elle_, 6.11.2015 kl. 06:26

Sæll frændi:

Það er líklega betra að lesa um afstöðu 97% vísindamanna hér:

http://link.springer.com/article/10.1007/s11191-013-9647-9

http://www.wsj.com/articles/SB10001424052702303480304579578462813553136

http://judithcurry.com/2014/07/27/the-97-feud/

Ágúst H Bjarnason, 6.11.2015 kl. 07:00

Sæll Halldór,

"Það hefur ekki mælst nein vísindaleg hlýnun af mannavöldum."

Hlýnun af mannavöldum er einfalt reikningsdæmi. Staðreyndin er að loftslag á jörðinni er að hlýna. Það er algjörlega óhrekjanleg staðreynd. Ef aðeins 0,1% af þeirri hlýnun er af manna völdum þá er það 0,1% of mikið!

Við eigum aðeins þennan eina hnött að. Ef við gerum þennan hnött óbyggilegan hvar eiga þá börnin okkar og barnabörn að búa? Ef við viljum taka sénsinn og bara láta eins og ekkert sé og halda áfram að dæla trilljónum tonna af CO2 út í andrúmsloftið á hverju ári, þá eigum við skilið að orðið "vitiborni" verði tekið út úr tegundaheiti okkar, "hinn vitiborni maður"!

Ef jörðin heldur áfram að hlýna eins og hún hefur gert undanfarna áratugi, þá verða hlutar hennar óbyggilegir um það leyti sem barna-barna-barna-börn mín eru að komast til manns. Persónulega þá vil ég gera allt, sem ég get til þess að þau geti notið jarðarinnar eins og ég og mín kynslóð höfum. Fólk horfir til skyndigróðans og gleymir áhrifum til næstu áratuga, alda og árþúsunda. Mannskepnan er nú í þeim sporum að geta stjórnað þróun jarðarinnar í meiri og meiri mæli og með því kemur mikil áhætta og mikil ábyrgð. Það er auðvelt að vera vitur eftirá en ef ekki er vel að gáð þá erum við þess megnug að geta skaðað framtíð lífs á þessari plánetu með aðgerðum okkar.

Því miður ræður heimskan alltof oft ríkjum, en ég vona að viskan eigi möguleika:) Ef ekki þá erum við sem tegund dauðadæmd.

Kveðja,

Arnór Baldvinsson, 6.11.2015 kl. 07:12

Var það mönnum að kenna að Ísaldir gengu yfir? Voru hlýskeiðin á milli ísaldanna mönnum að kenna? Hvernig stóð á því að nánast engir jöklar voru á Íslandi þegar menn hófu hér aðsetur? Hvernig stóð á hinni svonefndu litlu ísöld frá þrettán fjórtánhundruð til átján nítjánhundruð?

Vandi lífríkis Jarðar stafar af of mörgu fólki og þó gamalt máltæki segi að lengi taki sjórinn við þá skítur allt þetta fólk í sjóinn með einum eða öðrum hætti. Það þíðir ekkert að fóðra og lækna fólk sem aldrei getur orðið sjálfbært, svoleiðis háttarlag mælir gegn náttúrulögum og eyðir öðrum tegundum.

Hrólfur Þ Hraundal, 6.11.2015 kl. 07:47

Ein þekktasta lygin er að 97-98% vísindamanna sé sammála því sem þeir eru sagðir vera sammála.

Þessi fullyrðing er eignuð John Kerry, sem ku víst hafa greind 12 ára barns.

Hilmar (IP-tala skráð) 6.11.2015 kl. 08:04

Takk fyrir Ágúst frændi. Það er tilgangslaust að eyða orðum við Noregskomma eða þá krata sem höndlað hafa stórasannleik. Því hvet ég fólk eindregið að kynna sér hvaða staðreyndir þú getur bent á en það sem Gore og ginningarfíflin hafa um loftslagsmál að segja.Það skeytir engu um hvað NASA er að mæla. Og Hrólfur, takk fyrir.Gott innslag Hilmar. Takk.Helgi ármannsson Takk.

Arnór, lestu þig til hjá ágústi frænda.

Halldór Jónsson, 6.11.2015 kl. 09:06

Vel mælt Haldór.

Pall Kaj Gunnarsson (IP-tala skráð) 6.11.2015 kl. 11:24

Sveiflur í veðurfari, hlýinda- og kuldaskeið hafa verið til staðar frá því áður en menn muna.

Það virðist hins vegar vera ábatasöm atvinnugrein að telja mönnum trú um að hlýindin nú til dags sé af manna völdum.

Vitaskuld höfum við eitthvað um það að segja, en ég held að sá áróður sem hefur verið í gangi um alllangt skeið sé orðum aukið svo vægt sé til orða tekið.

Al Gore fyrrum varaforseti Bandaríkjanna hefur halað inn milljónum dollara við að telja mönnum trú um að þeir séu að eyðileggja framtíð jarðarinnar með því að anda að sér og síðan frá sér.

Vísindamenn sem hafa vogað sér að hafa aðra skoðun en þeir sem samþykkja "vísindi" elítunnar eru útskúfaðir og reknir úr starfi. Hafa margir vísindamenn látið tilleiðast að fylgja "rétttrúnaðinum" til að missa ekki vinnuna. Virtur franskur veðurfræðingur til margra ára var látinn taka poka sinn um daginn fyrir það eitt að hafa skoðun á þessum "vísindum" sem ekki féll í kramið hjá elítunni.

Svona er nú það.

Á Georgia guidestones eru rituð tíu boðorð elítunnar á átta tungumálum. Þar er fyrsta boðorðið á þessa leið: "Viðhalda fjölda mannkyns undir 500.000.000 -fimm hundruð milljónum-. Þetta er stefna elítunnar og þeirra áætlun að fækka mannfólkinu sem byggja jörðina úr rúmum 7.000.000.000 -sjö milljörðum- í fyrrnefnda tölu. Sjá efst á neðri mynd hér fyrir neðan.

The Message of the Georgia Guidestones

www.thegeorgiaguidestones.com/message.htm

"LET THESE BE GUIDESTONES TO AN AGE OF REASON". the message of the Georgia Guidestones. 1. MAINTAIN HUMANITY UNDER 500,000,000 IN ...

Tómas Ibsen Halldórsson, 6.11.2015 kl. 12:56

Hlustið á hvað Dr. Jørgen Peder Steffensen jarðeðlisfræðingur og lektor hjá Niels Bohr Institutet, Københavns Universitet hefur að segja í stuttu myndbandi:

http://agbjarn.blog.is/blog/agbjarn/entry/2139842/

Ágúst H Bjarnason, 6.11.2015 kl. 14:20

Nákvæmlega Ágúst. Þakka þér fyrir að benda á þetta myndband.

Tómas Ibsen Halldórsson, 6.11.2015 kl. 14:29

Hér hefur einn þekktasti loftlagsfræðingurinn Dr. John Christy prófessor orðið:

Media alarmism. Calamitology - A new kind of journalism where reporters have a template in their minds that whenever some unusual weather event is occurring sets in and creates catastrophic headlines.

Ágúst H Bjarnason, 6.11.2015 kl. 14:32

Það vantaði krækjuna að myndbandinu:

https://vimeo.com/14383566

Ágúst H Bjarnason, 6.11.2015 kl. 14:34

Dr. John Christy prófessor mætti hjá Öldungadeild Bandaríkjaþings. Fróðlegt að hlusta á hvað þessi virti vísindamaður hefur að segja.

https://www.youtube.com/watch?v=KDFH0Hs4Q8s

Ágúst H Bjarnason, 6.11.2015 kl. 14:48

Þannig að niðurstaðan hjá þér Halldór er þessi, þeir sem eru ekki sammála þér eru fífl..?

Helgi Jónsson (IP-tala skráð) 6.11.2015 kl. 15:05

Það þarf sérstaka tegund af firringu til að afneita hverri ritrýndri vísindagreininni á fætur annarri - heldur fólk það í alvöru að ekki bara séu loftlagssérfræðingar svona mikil fífl heldur líka allir hinir sérfræðingarnir sem fara yfir rannsóknir viðkomandi?

Og að kalla svo alla þá sem vilja taka mark á sérfræðingum fífl...

Jón Bjarni, 6.11.2015 kl. 15:58

Næsta skref er væntanlega að afsanna súrnun sjáar við Íslands og hrekja það að ekki hafi verið svona mikið af koltvísýringi í andrúmsloftinu í 800 þúsund ár.

Í leiðinni væri tilvaldið að sýna afturábak nýlega kvikmynd af minnkun jökla á Íslandi og Grænlandi til þess að sanna að loftslag á jörðinni fari hratt kólnandi eins og kuldatrúarmenn halda "blákaldir" fram.

Ómar Ragnarsson, 6.11.2015 kl. 16:44

Til þín, Ágúst:

John Christy: "It is scientifically inconceivable that after changing forests into cities, turning millions of acres into irrigated farmland, putting massive quantities of soot and dust into the air, and putting extra greenhouse gases into the air, that the natural course of climate has not changed in some way."

Hversemer (IP-tala skráð) 6.11.2015 kl. 18:04

Ekki veit ég hvort það er kólnun eða hlýnun af mannavöldum eða ekki, enda vísindamenn ósammála um það. En hvað með alla hina vísindamennina sem neita hlýnun af mannavöldum en mega ekki segja það? Kallast það líka "firring" að þeir vísindamenn skuli neita þessu eða rökstuddu þeir ekki sitt mál eins og hinir? Og hvar kemur eiginlega fram í alvöru að þeir séu í minnihluta vísindamanna í heiminum eða 2-3% á móti 97-98%?

Líka sá ég spurningarmerki í fyrirsögn Halldórs?

Elle_, 6.11.2015 kl. 21:03

Halldór. Fyrst að vísindin geta aldrei sagt neitt almennilega fyrir um eldgos hingað og þangað um heiminn (skiljanlega), hvers vegna ættu þeir hjá loftslags-skattinnheimtu-vísindum að geta sagt til um eitthvað annað í alheimsfurðuverkinu óendanlega?

Vantar ekki vísindalegan og óvefengjanlegan rökstuðning með raunverulegum og sönnum fræðslu-upplýsingum?

Ég bara spyr?

M.b.kv.

Anna Sigríður Guðmundsdóttir, 6.11.2015 kl. 21:35

97-98% talan er eitthvað sem John Kerry ropaði út úr sér við háskólastúdenta, þegar hann varaði þá við að við værum öll að deyja.
Talan er væntanlega komin frá Obama sem tvítaði víst þessari tölu.

Þessi tala er hreinræktuð lygi, allir vita það, en heimsendaspámenn nota þessa tölu samt óhikað.

Tvær kenningar hef ég heyrt fyrir ástæðunni fyrir þessum lygum. Önnur er sú, að með hræðsluáróðrinum sé grunnur lagður að umfangsmestu skattlagningu sögunnar og hin, að einhverjir trúi því af innstu sannfæringu, að einungis sé til olía til nokkurra ára, og því sé nauðsynlegt að hefta notkun hennar.

Það sem bendir til að ofangreint sé rétt, er að búfénaður er talinn ábyrgur fyrir meira en helmingi af því sem menn kalla gróðurhúsalofttegundir, en engar aðgerðir eru boðaðar til að minnka þann útblástur, eða beljufret.

Þá eru menn ekkert að stressa sig á s.k. kolefnafótspori, þar sem 40.000 einstaklingar eru á leið til Parísar, í flugvélum, til að blaðra um það, hversu hættulegt það er að blása út mengun með flugvélum.

Hilmar (IP-tala skráð) 6.11.2015 kl. 21:41

Rotnandi laufblöð við trjáræturnar vítt og breitt um heiminn hafa ekki fengið mengunar-umfjöllun, frekar en blómapotta-landbúnaður Alþjóðabankans, sem er með það á sínu framtíðarplani að einoka með fræ í heiminum.

Það er því miður margt sem ekki fær umfjöllun samkvæmt staðfestum sannleikanum, í fjölmiðlum heimsins.

M.b.kv.

Anna Sigríður Guðmundsdóttir, 6.11.2015 kl. 21:52

Burt séð frá súrnun hafsins og hlýnun andrúmsloftsins, sem sumir vilja draga í efa, þá skil ég ekki hvers vegna menn virðast svo mótfallnir því að draga úr vinnslu og notkun jarðefnaeldsneytis. Ég hef talið að sparsemi og nýtni væri a.m.k. dyggð í augum allra sannra íhaldsmanna.

Hörður Þormar (IP-tala skráð) 6.11.2015 kl. 21:56

Sparsemi og dyggð þarf að vega og meta útfrá heildarmyndinni. Og heildarmyndin er gífurlega flókin samsetning.

Er það ekki réttlætanleg upplýsingakrafa í nútíma-upplýsingasamfélagi, þar sem upplýsingar ferðast hindrunarlaust um jarðarheiminn á hraða netljóss, að allar hliðar séu hafðar með í fjölmiðuninni? Jafnréttisins vegna?

M.b.kv.

Anna Sigríður Guðmundsdóttir, 7.11.2015 kl. 00:49

...fjölmiðluninni..., átti þetta að sjálfsögðu að vera í næstsíðustu línunni...

Anna Sigríður Guðmundsdóttir, 7.11.2015 kl. 00:54

Hafísinn á norðurslóðum er í dag 7. nóvember er meiri en nokkurt síðustu 10 ára.

Sjá mynd á Hafísdeild Dönsku Veðurstofunnar DMI.
http://ocean.dmi.dk/arctic/old_icecover.uk.php

Það er vert að fylgjast með þróuninni næstu mánuði og ár.

Eru þetta fyrstu merki um að hnattlýnunni góðu fari brátt að ljúka, en svona hlýskeið hafa komið nokkuð reglulega með um 1000 ára millibili og staðið frekar stutt ?

Hlýindin fyrir nú eru kölluð Modern Warm Period

Hlýindin fyrir um 1000 árum eru kölluð Medieval Warm Period

Hlýindin fyrir um 2000 árum eru kölluð Roman Warm Period

Hlýindin fyrir um 3000 árum eru kölluð Minoan Warm Period

Þetta eru vel þekkt tímabil.

Hafísinn:

http://ocean.dmi.dk/arctic/old_icecover.uk.php

Ágúst H Bjarnason, 7.11.2015 kl. 09:33

Varðandi þessi 4 góðæris-tímabil með um 1000 ára millibili síðastliðin um 3000 ár: sjá mynd 4 og tilvísun [9] á þessari síðu:

http://www.lavoisier.com.au/articles/greenhouse-science/climate-change/evans2007-4.php

Hver veit nema Modern Warm Period fari senn að ljúka og bíða þurfi í allmörg ár þar til við njótum þess næsta. Hve mörg ár ætli það verði?

Ágúst H Bjarnason, 7.11.2015 kl. 09:51

... Eða beint á myndina sem sýnir þessi fjögur góðæristímabil undanfarin 3000 ár

http://www.lavoisier.com.au/images/Figure4.jpg

Ágúst H Bjarnason, 7.11.2015 kl. 10:42

Sæll nafni. Það eru ef til vill ekki 40.000.- fífl á leiðinni á þessa einskisnýtu "ráðstefnu", en ég veit um tólf, sem hugsanlega gætu flokkast einhversstaðar í nálægð við það, að kallast þetta þú veist. Annars er það af hlýnun jarðar að frétta, héðan sunnan frá syðsta hafi norðan Suðurskautsins, að hér vorar seint og illa og ekki nema tveir dagar síðan snjóaði hér beint í flasið á nýkominni blessaðri kríunni. Skilst að bætist meira að segja við ísinn á Antarktiku þetta árið, hvað svo sem veldur því. Ekkert veit ég um það, frekar en aðrir.

Góðar stundir, með kveðju sunnan úr höfum

Halldór Egill Guðnason, 7.11.2015 kl. 12:16

Ágúst.. trúir þú því í alvöru að notkun kolvetnaeldneytis og eyðing skóga með tilheyrandi áhrifum á súrefnisframleiðlsu hafin engin áhrif.. Og heldur þú að sá stóri meirihluti ritrýndra vísindarannsókna sem halda því fram séu bara bull?

Við erum annars vegar með vísindamenn sem hafa engra hagsmuna að gæta annarra en að halda uppi sínu akademíska verðleika með rannsóknum sem standast ritrýni og svo hins vegar með öfl sem hafa hag af notkun kolefnaeldsneytis - og þú ákveður að trúa hverjum?

Svo er ágætt að hafa í huga að hlýnun sjávar við miðbaug getur valdið kólnun hans hér

Jón Bjarni, 7.11.2015 kl. 13:51

Sæll Halldór Verkfr. - sem og aðrir ágætir gestir, þínir !

Alveg: víðáttunnar kostuleg umræða, sérílagi:: af hálfu Jóns Bjarna (kl. 00:48) - og annarra vinstri og miðju- moðs fylgjenda ýmissa, þ.m.t. sumra áhangenda núverandi óstjórnar flokka í landinu.

Iðnbylting 18. aldarinnar - sem og aðrar eftirsöðvar manngerðar, til þessa / spila ENGA höfuðrullu, í þessum málum gott fólk.

Sólkerfið sjálft: sem og Jarðar iður og almennt veðurfar í gegnum Milljarða ára söguna vottfesta algjörlega, alla þá duttlunga sem Heimskringlan hefir átt við að etja - til þessa dags.

Hins vegar - er sóðaskapur manna, með plastpoka mengun og öðru ýmsu, með öllu óverjandi, um alla veröldina.

Dagur B. / Ess Björn og Halldór Þokukenndi Halldórsson, fyrrum Bæjarmeistari Ísfirðinga (sem: veit ekki, hvort hann sé að koma - eða fara: yfirleitt), og núverandi minnihluta Borgarfulltrúi glæpasamtaka Sjálfstæðisflokksins svonefnda, eru einungis á þessu heimskulega ráðstefnu rápi sínu - VEGNA ÞESS AÐ ÞEIR ÞURFA EKKI AÐ BORGA uppihald og skrum sitt ytra, úr eigin vösum, gott fólk.

Allir saman: ásamt hinum Borgarfulltrúum Reykjavíkur - SÖMU SMÁMENNIN, eins og þingliðið á landsvísu (utan Ásmundar Friðrikssonar) sbr.:: fáránleg vinnubrögðin gagnvart Reykjavíkur flugvelli, þar sem fjárplógs- og einka græðgis væddir drullusokkar úr röðum Valsmanna, fá að leika lausum hala, með skerðingu innanlands flugsamgangna, undir vernd rolunnar Ólafar Nordal, t.d.

Væri ekki upplagt - fyrir ráðstefnu utanfarana, að kippa Ólöfu með líka ?

Ekki - þyrfti hún, fremur þeirra hinna, að borga úr eigin pyngju, dulan sú !

Með beztu kveðjum - engu að síður af Suðurlandi, sem endranær /

Óskar Helgi Helgason (IP-tala skráð) 7.11.2015 kl. 14:47

"Við erum annars vegar með vísindamenn sem hafa engra hagsmuna að gæta annarra en að halda uppi sínu akademíska verðleika..."

Þessi orð á Jón Bjarni hér að ofan.
Hann gleymir dálítið stóru atriði. Vísindamenn sem skrifa skýrslur sem styðja heimsendaskoðanir fá styrki, hinir ekki.

Og þar sem einungis heimsendaspádómar fá styrki, og efasemdamenn ekki, þá er ljóst hverjir skrifa skýrslurnar.

En gleðilegt samt, að Jón Bjarni skuli ekki endurtaka bullið að 97-98% vísindamanna styðji kenningar John Kerry.

Hilmar (IP-tala skráð) 7.11.2015 kl. 14:55

Hérna kemur eitthvað flott inn í alla umræðuna

Þorsteinn Sch Thorsteinsson (IP-tala skráð) 7.11.2015 kl. 17:27

Þorsteinn Sch Thorsteinsson (IP-tala skráð) 7.11.2015 kl. 17:34

Þorsteinn Sch Thorsteinsson (IP-tala skráð) 7.11.2015 kl. 17:46

Já, það hitnar í mönnum þegar rætt er um hlýnunina af mannavöldum. Halldór nafni segir kuldasögur frá Antarticu og mér var sagt í sumar að Hofsjökull hafi skriðið myndarlega fram.

Ég þakka öllum fyrir innlitið.

Halldór Jónsson, 7.11.2015 kl. 17:58

Halldór. Er jörðin ekki bara farin að halla undir flatt, eins og sagt var um fólk sem hallaði höfðinu smávegis?

Hver sinnir fréttum af staðreyndum og sannleikanum hér á jörðu, meðan æðstu embættismenn fá borguð ofurlaun fyrir að blekkja, ljúga, ræna og svíkja fjöldann?

Sá sem ekki vill taka þátt í svindlinu verður mállaust fórnarlamb banka/lífeyrissjóðs-kúgara, og hefur ekkert val hér á jarðarinnar heimsbanka-falsandi einræðisstjórnsýslunni.

Hvað getur einstaklingur í ríkisembætti til dæmis gert, ef honum og hans nánustu er jafnvel hótað öllu því versta?

Hver þykist hafa kjark til að fórna sér og sínum fyrir rænandi kúgarabankana og kúgaralífeyrissjóðina?

Ekki munu banka/lífeyrissjóðs-stjórnirnar þurfa að bera ábyrgð á einu eða neinu, enda með glæpsamlega launabónusa ofan á ofurlaunin.

Og Kauphallar-bjöllukóngar heimsins skála í óleyfilegum kampavínsblönduðum drykkjum, þegar þeim hefur tekist að blekkja sterabanka/lífeyrissjóða-svindlið upp á enn hærri og fallandi spilaborgarhæðina.

Vona að flestir viti ennþá hvað er kallað spilaborg.

Náttúruverndarsinnar eru háðir þessum spilavítis-valdníðingaröflum, eins og allir aðrir sem hafa hugsað sér að lifa og sinna sínum fjölskyldum hér á jörðinni.

Siðferðisprinsippin og staðfestan klikkar hjá flestum hugsjónaeinstaklingum þegar á hólminn er komið. Og það er skiljanlegt og mannlegt, þegar valdníðið er algjörlega eftirlitslaust, löglaust og siðlaust í dómsstólasviknu samfélagi.

Hver þykist vera ofurmannlegur hér á jarðarkringlunni?

M.b.kv.

Anna Sigríður Guðmundsdóttir, 7.11.2015 kl. 21:02