Fjörtíu fylgisveinar

og Dagur Bé. frá Íslandi eru á leið á ráðstefnu fjörtíuþúsund ginningarfífla gróðapunganna í París.

Þeir mættu lesa grein Friðriks Daníelssona verkfræðings á leiðinni í flugvélinni um leið og þeir teygja úr sér á Saga Class á dagpeningunum frá horuðum almúganum á Íslandi. Dagur þarf að slá heilan dag til þess að borga ferðina fyrir Borgarfulltrúana miðað við að Borgin tapar 700.000 á hverjum klukkutíma 24/7/365. Gott er að Orkuveitan græddi milljarða sem þeir Dagur Bé. og EssBjörn geta tekið í aukið afgjald frá almenningi með tilstyrk Halldórs Pirata. 

Friðrik segir í Mogga í Dag:

"Síðasta ár var hlýjasta frá því mælingar hófust“ … „hafísinn er að hverfa“ … „ísbirnirnir eru í útrýmingarhættu“ … Almenningsfjölmiðlarnir hafa tönnlast á þessu svo lengi að margir eru orðnir þreyttir, hlýnunin virðist bara vera hjá þeim, hún finnst ekki á jörðinni sjálfri. Heitustu árin eru liðin (1941 og 2003 hér, 1934 og 1998 á hnattvísu). Ísþekjan á jörðinni vex stöðugt (í Norður-Íshafinu um milljón ferkílómetra síðan 2012).Ísbjarnastofninn er orðinn stór og hættulegur íbúum norðurskautssvæðisins.

Þriggja áratuga hrakspá

Herferðin gegn brennslu eldsneytis komst á flug sumarið 1986 þegar fulltrúi virðulegrar stofnunar (GISS) var kallaður fyrir nefnd Bandaríkjaþings til að vitna um loftslagsbreytingar. Hann (James Hansen) sagði að strax eftir aldamótin 2000 yrði hitinn á jörðinni líklega orðinn sá hæsti á síðustu 100.000 árum!

Ástæðan væri „gróðurhúsaáhrif“ af vaxandi koltvísýringi frá brennslu manna á jarðefnaeldsneyti. Nú, nærri þremur áratugum síðar, hefur komið í ljós að spáin var röng. Í mars á þessu ári gerðist það svo að sá vísindamaður (John Christy) sem hefur haft það hlutverk fyrir Bandaríkjastjórn að fylgjast með hitanum sem mældur er með þróuðustu mælitækjunum (rafsegulbylgjumælum í gervihnöttum) síðustu áratugina var kallaður fyrir þingnefnd Bandaríkjaþings til að vitna um loftslagsbreytingar. Hann sagði að ekki hefði fundist vísindalegt orsakasamband milli koltvísýringslosunar og hegðunar loftslags á jörðinni.

Lífseigar blekkingar

Meginástæða þess að almenningur hefur látið blekkjast af kenningunni um hlýnun loftslags af mannavöldum er að koltvísýringsstyrkurinn í loftinu hefur aukist úr 0,03% í 0,04% á einni öld og það er búið að koma því inn hjá almenningi að meiri koltvísýringur þýði hærri hita. Sannleikurinn er sá að áhrif hans á hitann eru hverfandi og þau eru þar að auki þegar mettuð. Hann tekur upp hitageislun af sérstökum bylgjulengdum (mest 15 míkrón) og það sem er í lofthjúpnum af honum nú þegar dugir til þess að taka upp mestalla þá geislun, lítið af geislum á þeim bylgjulengdum sleppur út úr lofthjúpnum. Að bæta meiri koltvísýringi í loftið hefur því álíka áhrif og að fá sér aðra regnhlíf fyrir ofan þá sem maður er með í rigningunni. Önnur ástæða fyrir langlífi kenningarinnar er að fjöldi fólks hefur framfæri sitt af „rannsóknum“ á lofthjúpnum, þeirra hagsmunir eru að ógninni sé haldið lifandi (Bandaríkjastjórn eyðir yfir 20 milljörðum dollara á ári í „rannsóknir“ á loftslagi). Stórfyrirtækin vilja losunarkvóta til að hindra nýliðun. Og upphafnir stjórnmálamenn nýlenduveldanna vilja koma alheimshöftum á orkunotkun (til að geta stjórnað efnahagsmálum heimsins). Og nú hefur kaþólska kirkjan gengið í liðið og er kenningin þar með komin á réttan stað með öðrum trúarkenningum.

Kólnunin er áfall fyrir Íslendinga

Loftslagskólnun hefur reynst Íslendingum afdrifarík. Á 12. öld hófst kólnun sem leiddi til þess að upprunalegur atvinnuvegur landsins (landbúnaður) visnaði og landsmenn urðu fátækt að bráð. Borgarastyrjöld braust út og landsmenn misstu bæði kjarkinn og svo sjálfstæðið (1262). Hlýindin á 20. öldinni (1920- 1960) gerðu landið aftur byggilegra, fjárafli og bjartsýni jókst og sjálfstæðið endurheimtist. En kólnunin í kjölfarið (1960-1990) rýrði afkomuna, svartsýni jókst og landflótti brast á, verðbólga fór úr böndum og kvótakerfi voru sett á atvinnuvegina. Nokkurra gráða kólnun veldur tuga prósenta samdrætti, bæði í fiskveiðum og landbúnaði (Páll Bergþórsson).

Landsins forni fjandi og fylgifiskar

Með kólnun loftslags birtast gamalkunnir vágestir: Fjárdauði eykst. Kornrækt leggst af á Norðurlandi. Uppskerubrestur, kal í túnum, afréttarbeit versnar. Skógrækt á Norðurlandi lendir í vandræðum. Vetur á hálendinu fram yfir mitt sumar, ferðamenn hverfa frá. Hafnir á Norður- og Austurlandi lokaðar vikum og mánuðum saman. Framkvæmdir verða kostnaðarsamar og erfiðar. Minna vatn rennur úr jöklum og virkjanir skila minni orku og fylgir því mikil rýrnun þjóðartekna. Fiskigengdir minnka. Margir gefast upp og landflótti færist í aukana.

Íslendingar komi sér upp þekkingu á loftslagsfræðum

Íslendingar, sem búa við kuldabeltisröndina, geta ekki treyst á erlendan hræðsluiðnað, umhverfistrúboða og erindreka nýlenduveldanna sem halda að þeir geti stjórnað loftslaginu.

Fyrir okkur er svo mikið í húfi að við verðum að reyna á eigin forsendum að spá fyrir um loftslag á Íslandi. Það þarf að veita fé til háskólanna hér til að þeir geti byggt upp trausta þekkingu á vísindum loftslagsfræða og stundað alvöru rannsóknir og gert spár um þróunina. Það gerist ekki á einni nóttu og verður erfitt, ekki síst vegna þess að stór hluti stofnanasamfélagsins á alþjóðavísu, s.s. stofnanir Sameinuðu þjóðanna (við þekkjum hvalveiði- og fiskifræði-„vísindi“ þeirra) eru peningalega háðar því að ógninni um loftslagshlýnun af mannavöldum sé haldið lifandi.

En ef við byrjum strax mun okkur fyrr takast. Við getum tekið á móti landsins forna þegar hann kemur aftur á næstu áratugum."

Hér er sagður sannleikurinn um loftslagssvindlið frá byrjun til enda. Minna má á hvernig fyrrum forsvarsmaður Greenpeace minnti á það, að CO2 væri undirstaða lífsins á jörðinni. Án kolsýrings í andrúmsloftinu deyjum við. Aðeins hinn græni gróður breytir honum í súrefni svo við getum andað.

Engin hnattræn hlýnun hefur enn verið mæld. Ráðstefnuseta Dags Bé og fjörtíu fylgisveina í París mun þar um engu breyta.

Athugasemdir

[Ómar Ragnarsson, 26.11.2015 kl. 10:18]

Meðal þessara "40 þúsund fífla" í París verða líklega fulltrúar Alþjóða veðurstofunnar, sem mæla meðalhitann í lofthjúpi jarðar.

Nýjustu mælingar sýna, að árið 2015 verður það heitasta í sögu veðurmælinga og að síðustu fimm ár verða heitustu fimm árin í sögu mælinga.

En að sjálfsögðu er ekkert að marka mælingar hjá þessum "fíflum"?

[Hörður Þormar (IP-tala skráð) 26.11.2015 kl. 13:08]

"Hagið ykkur ekki eins og óþægir og þrjóskir krakkar": Harald Lesch: Der Klimawandel... [ZDF]

[Predikarinn - Cacoethes scribendi , 26.11.2015 kl. 13:33]

Ómar 

Það hefur verið upplýst að á fyrri hluta miðalda var mun heitara á Íslandi en nokkurn tímann hefur verið mælt.

[GB (IP-tala skráð) 26.11.2015 kl. 13:54]

Að höggva og brenna regnskóga til að framleiða pálmolíu fyrir bíódísel á bíla sem menga 10-40 sinnum meira en uppgefið án þess að global warming trúboðið hræri legg né lið. Það er líka kúnst....

[Ágúst H Bjarnason, 26.11.2015 kl. 15:00]

Því miður er þetta væntanlega meira og minna rétt sem Friðrik Daníelsson efnaverkfræðingur skrifar.   Ef að líkum lætur mun náttúran minna á sig á allra næstu árum.  El-Nino sem er þessa mánuðina að losa hita í Kyrrahafinu villir okkur sýn eins og er, hitinn rýkur upp augnablik, en það er skammgóður vermir. Yfirleitt standa áhrif El-Nino ekki yfir nema í nokkra mánuði.

Þess má geta að Friðrik er vel kunnugur þessum málum. Hann er höfundur bókarinnar "2000 árum eftir Vínlandsfund - Lifa Íslendingar annað árúsund?"

[Halldór Jónsson, 26.11.2015 kl. 15:15]

Gústi frændi. Geturðu ekki bent honum Ómari á hvar hann getur lesið um hitamælingar NASA um hitann á jörðinni?

[Ágúst H Bjarnason, 26.11.2015 kl. 16:25]

 

 

Allar helstu hitamælingar sem gerðar eru af hinum ýmsu stofnunum er að finna sem gröf á vefsíðunni http://climate4you.com/

Dr. Ole Humlum prófessor við Oslóarháskóla er umsjónarmaður síðunnar sem er uppfærð um leið og stofnanirnar birta ný gögn. Þar eru einnig krækjur að gagnaröðunum sem þessar stofnanir gefa út, ef menn kjósa að láta t.d. Excel teikna gröfin.

Best er að fara á http://climate4you.com/ og velja síðan undirsíðuna [Global temperatures] sem er að finna með því að smella á takka á vinstra jaðri. 

(Bein krækja á þessa undirsíðu er http://climate4you.com/GlobalTemperatures.htm )

Fróðlegt er að lesa þar um gæðaflokkun þessara gagna of hvernig sífellt er verið að hræra í þeim með "leiðréttingum".

 

---

 

Um mælingar frá gervihnöttum með Microwave Sounding Unit (MSU) tækni má lesa t.d. hér:

http://www.drroyspencer.com/latest-global-temperatures/

http://www.remss.com/measurements/upper-air-temperature

http://www.cgd.ucar.edu/cas/catalog/satellite/msu/comments.html