CO2

er hærra nú en fyrir 800 þúsund árum. Sem eðlilegt er vegna þess að hitastig er hærra vegna hnattrænnar hlýnunar. Það er þessi deila um hvort komi á undan eggið eða hænan. Menn hafa reynt að finna fylgni á milli en ekki tekist að sanna neitt svo óyggjandi sé. Þó telja sumir að CO2 haldi í humátt á eftir hlýnun. Súrnun sjávar og allt það fylgir svo afleiðing af hlýnun.

En jörðin hefur séð ymislegt áður.Grafið til vinstri sýnir hvað menn halda að hafi getað verið ástandið í CO2 fyrir hundruðum milljóna árum síðan.

Síðan eru önnur línurit sem sýna aukningu í CO2 nær okkur í tíma og eru fengnar með mælingu á kjörnum úr Dome C. Síðan eru komnar gerfihnattamælingar frá 1980 sem sýna greinilega aukningu í CO2.Sem er annaðhvort gott eða vont eftir smekk.

Allt er þetta fróðlegt en heldur er það óvísindalegt að alhæfa út frá þessu öllu eða leggja á sig stórar byrðar vegna þess sem kannski er á ferðinni. Menn geta kynnt sér málin á   http://cdiac.ornl.gov/trends/co2/ svo þeir verði samræðuhæfir við Dag Bé þegar hann kemur forkláraður úr fríinu með AlGore.                     

Athugasemdir

[Ómar Ragnarsson, 30.11.2015 kl. 22:00]

En hvað þetta er gaman. Á einu augabragði er blaðinu snúið við og í stað þess að fullyrða að ekkert hafi hlýnað, heldur sé jafnvel að "kólna hratt", kemur splunkuný kenning um það að jörðin hafi bara hlýnað af sjálfu sér og að metmagn koltvísýrings í lofthjúpnum sé afleiðing af því en ekki orsök.

Flott! Málið er dautt og eftir standa 40 þúsund fífl!

Svona á að afgreiða málin.