Sturla bílstjóri er Forsetaefnið

skv. Útvarpi Sögu. Þjóðin hringir víst þar inn og tekur þátt í einskonar beinu lýðræði í boði Péturs Gunnlaugssonar lögfræðings.

Pétur, sem er afbragðs útvarpsmaður, sanngjarn og rökvís, var búinn að fara yfir þá kosti skilmerkilega sem væntanlegur Forseti þyrfti að hafa. Hann þyrfti að vera heima í íslenskri pólitik. Hann þyrfti að vera kunnugur alþjóðastjórnmálum og forvarsmönnum erlendra ríkja. Hann þyrfti að geta komið fram útá við og talað máli þjóðarinnar. Verið alþýðlegur. Haft bein í nefinu til að spíssa af þingmenn sem ætla að böðlast á alþýðu eins og alþýðuvinirnir og ískaldir reyndu að gera í Icesave 1,2 og 3.

Pétur taldi upp frambjóðendurna og einhverjir hlustendur hringdu inn og töldu að þessir eiginleikar væri ekki komnir fram meðal frambjóðenda.

Einmitt eftir þetta kusu hlustendur Útvarps Sögu Sturlu bílstjóra efstan með 20 % sem er hugsanlega meira en væntanlegur Forseti getur gert sér vonir um að hreppa í alvöru kosningunni.

Þá vita menn það hvert Forsetaefni þjóðarinnar á Útvarpi Sögu er. Sturla bílstjóri.

Athugasemdir

[Ómar Ragnarsson, 5.1.2016 kl. 17:48]

Framsóknarflokkurinn var með hreinan meirihluta í einni könnuninni. Svona innhringinga skoðanakannanir eru oft víðsfjarri því að vera marktækar þótt þær geti verið skemmtileg dægrastytting.

[Halldór Jónsson, 5.1.2016 kl. 18:03]

Getur þetta ekki verið að pólitíkin fari eftir stemningunni. Maður vaknar eldhress einn morguninn og hugsar vað allt sé dásamlegt.Og allt honum Sigmundi Davíð að þakka. Maður sé því Framsóknarmaður í dag alveg til kvölds. Og um miðjan dag lendir maðu í skoðanakönnun?

[Hörður Þormar (IP-tala skráð) 5.1.2016 kl. 20:15]

Ég óska Sturlu Jónssyni alls góðs. Því vil ég einlæglega ráðleggja honum að nota fjármuni sína á annan veg en að eyða þeim í vonlausa baráttu til forsetakjörs.

[Erla Magna Alexandersdóttir, 5.1.2016 kl. 22:37]

FORSETAKJÖR Á 'iSLANDI ER BRANDARI.

 FÍFL GETA KOMIST INN- ÞAÐ ER EKKI EINS OG AÐ SÆKJA UM VINNU- ENGRAR MENTUNAR KRAFIST !

 skúringakonur þurfa helst háskólapróf  !

[Helga Kristjánsdóttir, 6.1.2016 kl. 02:09]

ég geri kröfu til verðandi forseta að hann kunni einfaldar beygingar á sérnöfnum. Það kann Sturla greinilega ekki.

[Jóhann Kristinsson, 6.1.2016 kl. 04:07]

Ef Sturla verður kosinn Forseti, þá þarf þingið að flýta sér að breyta stjórnarskráni.

En auðvitað á Davíð Oddson að verða næsti Forseti, ef ekki þá legg ég til að Sturla fái sætið.

Ég á nú erfit með að sjá hvaða máli það skiptir hversu góðir menn eru í stafsettningu, ef ég skrifa smjer eða smjör, er það ekki skiljanlegt hvað ég meina á hvorugan háttinn sem ég skrifa orðið.

Kveðja frá Las Vegas 

[Valdimar Jóhannsson (IP-tala skráð) 6.1.2016 kl. 23:36]

Skemmtileg dægrastytting sem kom Gnarrinum inn!

Stjórnmálamenn eru gegnumsneitt hundleiðinlegt fólk með klofna tungu og stór hópur einhvefur og ófær að haldu sig við efnið.

Öllu grínu fylgir einhver alvara.