Reykjavíkurborg gegn hinum

virðist vera staðföst stefna meirihluta Borgarstjórnar.

Þessi meirihluti sem borinn er uppi af Degi Bé borgarstjóra, EssBirni og Hjálmari Sveinssyni formanni Skipulagsráðsins fer hiklaust gegn 80 % landsmanna sem vilja Reykjavíkurflugvöll og miðstöð innanlandsflugvöll kyrran í Vatnsmýri og vilja veg flugvallarins sem mestan í nútíma þjóðlífi.

Þessi pólitík birtist nú aftur í fjandskap við borgarbúa með því að hækka sorphirðugjöldin um 48 % og um leið helminga þjónustuna. Allt á sama tíma sem þessi þokkaþrenning safnar nærri milljón í skuldum á hverjum klukkutíma 24/7/365.

Einn maður gerir þeim þetta kleyft, Halldór Auðar Svansson borgarfulltrúi Pírata. Hann kom þeim til bjargar eftir síðustu kosningar sem þeir töpuðu og voru kosnir frá. En kjósendur fengu þá samt af tveimur ástæðum. Þeir sem voru í boði sem andsvar voru ekki nægilega sannfærandi eða líklegir til afreka að mati Halldórs Auðar. Og hann réði öllu sem oddamaður. Hann þáði í stað stjórnmálaábyrgðar tékkhefti frá þeim til frjálsrar ráðstöfunar í þágu þess sem hugur hans girnist. Í staðinn eiga þeir hans atkvæði með húð og hári. Þarna er forsmekkurinn að því sem koma skal efir næstu Alþingiskosningar fái Píratar til þess fylgi.

Sá málafjöldi sem Halldór Auðar Pírati hefur ausið fé í er stórkostlegur og til vitnis um mikið hugarflug hans. Úthlutunarlistinn var lesinn að hluta til á Útvarpi Sögu í gær eða fyrradag og gekk fram af einhverjum fyrir það hugmyndaflug sem þar birtist. Fátt mannlegt er Píratanum óviðkomandi.

Hann hefur líka ráðgjafa góðan sem er faðir hans Svanur Kristjánsson vinstriprófessor. Sá vakti athygli á sér fyrir ráðgjafir í tíð fyrri ríkisstjórnar Steingríms og Jóhönnu. Eitthvað var þjóðin ósátt við þær ráðgjafir til lengdar og voru þau skötuhjúin kosin frá með afgerandi hætti og hefur heldur hljóðnað um Vinstriháskólann síðan þá.

Þannig er átakastefna núverandi borgarstjórnar meirihluta svipuð og önnur stjórn fer fram gegn þegnum sínum undir stjórn augnlæknis nokkurs lengra í austri.

Það má velta fyrir sér sem verkfræðingur og kollegi Saddams Hussein hvort læknum almennt fylgi svona stjórnunarstíll Það má minnast fleiri lækna minnast úr stjórnmálum svo sem frá Júgóslavíu og Kósóvó. Læknastjórnmál virðast helst birtast í samfelldum átökum við allt og alla án málamiðlana.Og blandast oftar en ekki líka við klækjastjórnmál. Muna menn ekki aðferðirnar í kjaradeilu lækna á spítölunum nýverið? Þar var almannatengill ráðinn til að skipuleggja terror og hótanir þar til að stjórnvöld lyppuðust niður og töpuðu þar með stjórn efnahagsmála fyrir klækjalæknunum með almannatengilinn alræmda sér við hlið.

Stjórnmálalæknar virðast ganga fram í þeirri vissu helstri að búið sé að svæfa sjúklinginn og hann hafi því ekkert um aðgerðirnar að segja. Þannig leyfist þeim hvað sem er og þeir einir skrifi reseptin sem skulu ofan í sjúkinginn. Já maður skyldi vara sig á þessum læknirum sagði gamall vinur minn jafnan þegar sú stétt bar á góma. En við verkfræðingar sitjum líka uppi með Saddam svo hver hefur sinn djöful að draga.

Afleiðingin er sú að fyrir þá sem utan standa eru reykvísk stjórnmál stanslaus orrusta þar sem meirihlutinn undir forystu læknisins Dags Bé. slæst við allt og alla og lemur sinn vilja ofan í fólkið án málamiðlana frá gamlingjunum við Þorragötu um Hofsvallagötu, um flugvöllinn, um bílaumferðina, yfir skólana austur til Ísraels um loftslagið í París. Einstefna og slagsmál við allt og alla nema reiðhjólin.

Í Morgunblaðinu í dag lýsir sjúkraflugstjórinn Þorkell Jóhannsson því hvernig neyðarbrautin skipti sköpum fyrir líf sjúklings sem hann var að flytja. Allt tal um nauðsyn flugvallar við slík skilyrði er hjóm í huga þrenningarinnar undir leiðsögn læknisins Dags Bé. Hagsmunir Valsbraskaranna skipta hann meira máli en einhver neyðarflugbraut eða vilji 80 % kjósenda á Íslandi.Ég er viss um að hann Saddam hefði verið meira tæknisinnaður enda fékk hann verðlaun frá Sþ. fyrir bætt tæknimál sem nú er búið að eyðileggja.

Það er Reykjavíkurborg gegn hinum sem virðist oft vera inntak stjórnmálanna þar á bæ.

 

Athugasemdir

[Emil Emilsson (IP-tala skráð) 6.1.2016 kl. 10:42]

Ég er mjög sammála þér um Reykjavíkurborg og reksturinn á henni. Ég t.d. hjóla mikið í vinnuna á sumrin og fagna bættum hjólastígum, en á sama tíma vil ég ekki fórna því að komast á bíl.

Ég var mjög sammála með flugvöllinn, en kannski er ég bara búinn að gleyma rökunum fyrir því að hafa hann. Maður er hvað 45 mínútur til keflavíkur frá Reykjavík, væri ekki nær að bæta þær samgöngur og hafa bara flugvöll í Keflavík ?

Neyðarbrautin, skiptir ekki sköpum fyrir sjúklinginn að vera kominn í hendur sérfræðinga (sjúkraflutningamanna/lækna) frekar en tíminn sem það tekur að komast til spítala ?

Og hvað með að hafa nýjann spítala fyrir höfuðborgarsvæðið t.d. á Vífilstöðum ?

Það er að verða ansi mikið af háskólum og slíku þarna á einum stað, umferðin þarna er hræðileg, er betra að vera fastur í umferðarhnút á sjúkrabíl ?

[Guðbjörg Snót Jónsdóttir (IP-tala skráð) 6.1.2016 kl. 14:01]

Ég er hjartanlega sammála því, sem þú segir í þessari grein. Það er til háborinnar skammar, hvernig þessir krakkar í borgarstjórninni haga sér, og ég skil ekkert, hvað þau eru að fara með gerðum sínum. Þau vilja endilega hafa svokallað Friðland fugla í Vatnsmýrinni á sama tíma og þau vilja flugvöllinn burt og heilt hverfi af byggingum í staðinn. Það veit hver heilvita maður og sér, að þetta tvennt getur engan veginn farið saman, enda hrista allir höfuðið yfir þessu og hlæja jafnvel að þessarri vitleysu í þeim. Píratarnir eru einir af þeim, sem hafa sem mest á móti þjóðkirkjunni okkar og sífellt að amast við henni. Varðandi þennan eina Pírata í borgarstjórninni, hann Halldór, finnst mér vera, að móðir hans, Auður Styrkjársdóttir, var þónokkurn tíma í safnaðarstjórn Nessóknar, sem hlýtur að hafa verið syni hennar til mikils ama. Hvað þjónustu borgarinnar almennt varðar, þá er hún fyrir neðan allar hellur. Það er meira en kominn tími til að koma þessum krökkum frá og láta viti bornara fólk setjast við stjórnvölinn og vinda ofan af þessarri vitleysu, sem verið hefur, enda hljóta að vera takmörk fyrir því, hversu lengi Dagur og kompaní geta fengið að stjórna borginni. Það er kominn tími til að koma þeim frá völdum, áður en þau hafa náð að eyðileggja borgina alveg fyrir okkur. Mér finnst mál að linni.

[Jóhann Kristinsson, 6.1.2016 kl. 17:43]

Var ekki kona að nafni Sema Erla að fá styrk frá Reykjavíkurborg, mér skilst að þessi kona sé að greiða útsvar til Kópavogsbæar?

En kanski af því að hún er formaður samfylkingar í Kópavogi og framkvædarstjóri samfylkingar að þá er sjálfsagt að gefa Semu Erlu þennan styrk.

Kveðja frá Las Vegas