Viðbjóður

fannst mér þáttur undir titlinum Áramótaskaupið eða eitthvað þvílíkt sem var sýnt í kvöld á þessu RÚV50 eftir góða þáttinn Útsvarið.

Ég vissi ekki hvaðan á mig stóð veðrið, hélt að ég hefði séð Skaupið. Nei ég hafði greinilega ekki séð neitt.

Nú fór vinstra liðið á RÚV á kostum sínum.  Langar senur með ælum í flugvél frá WOW.  Því næst mannaskítur eftir túristaiðnaðinn sem sópað er upp í poka með tilþrifum af einhverjum trúð ( úr GGF ?). Síðan sjást peningafurstarnir brenna seðla og afskrifa hjá fávitum (auðvitað úr Sjálfstæðisflokknum  sub Rosa og husganlega Jóns Ásgeirs líka). Síðan hommerí. Frægir leikarar ljá vitleysunni krafta sína og persónur. Hafa  listamenn ekki sjálfsvirðingu? Eru ekki takmörk fyrir því hvað hægt er að kaupa? 

Framleitt af einhverju fyrirtæki sem heitir "Stórveldið" og styrkt af hundrað fyrirtækjum sem líða framhjá í þoku á skjánum þegar sýningin er afstaðin. Hvenær verður þetta endursýnt?

Ó GVÖÐ !

Nú er ég loks sannfærður um fánýti skylduáskriftar á þetta apparat RÚV50.Ég þarf þetta apparat ekki meira.

Er ekki hægt að fá þetta fólk fram undir nöfnum og andlitum? Láta það útskýra þann húmor sem liggur að baki þessum samsetningi? Eða er þetta lið ósnertanlegt?

Ég er ekki fúll fyrir hönd neins sérstaks hóps,flokks eða samtaka. Bara segi mína persónulegu skoðun á þessu. Ég hef séð annan eins viðbjóð á minni löngu æfi. Ég þarf ekkert meira af svona til að skemmta mér.

En þetta er bara svo fátækt, lélegt, usselt og andlega fátækt hjá sjónvarpi allra landsmanna að sýna ælur og mannskít í closeup á föstudagskvöldi og halda það að maður sé að skemmta alþjóð! Fyrir mig er þetta nóg af svo góðu, takk fyrir. 

Væri ekki hægt að höfða mál á þessa stofnun RÚV50 fyrir að særa samborgarana að óþörfu með klámi, kúk og öðrum viðbjóði.

„Þat læt ek um mælt," segir jarl, „at þú verðir ei annarra átján." Ef að talan 50 táknar afmæli þá hugsa ég til Gunnlaugs Ormstungu. 

Þvílíkt ógeð og viðbjóður var þessi þáttur hjá þessu RÚV50. 

 

Athugasemdir

[Jón Þórhallsson, 9.1.2016 kl. 00:12]

Og ekki hægtað draga neinn til ábyrgðar?

[Hilmar (IP-tala skráð) 9.1.2016 kl. 01:12]

Hvernig í ósköpum nennirðu að vera svo neikvæður á gamals aldri?  Er ekki miklu meira sem lífið hefur upp á að bjóða en að eyða tímanum að skrifa svona súra langloku?

[Helga Kristjánsdóttir, 9.1.2016 kl. 05:39]

 Ég vaknaði í sjónvarpssófanum,nákvæmlega þegar Útsvari lauk,ekki er eins gaman að sjá þann skemmtilega þátt á +snum eftir að úrslit voru mér kunn.

Sá glefsur úr Skaupinu á flakkinu um rásir sem voru í boði.Líklega er humorinn að breytast hjá ungu fólki,a.m.k.miðað við þegar við gamlingjar horfðum á Áramótaskaup með börnunum okkar í den, (gef mér að þannig hafi það verið hjá þér Halldór minn).Allir hlógu þá upphátt einhversstaðar á leiðinni,oft allir í einu alveg niður í 11 ára,enda drógu Laddi og Sigurjón Sig.dám af almúganum jafnt sem pólitíkusum. Var það ekki Ómar sem samdi "Gömlu dagana gefðu mér",en Skaupið lýsti ekkert geggjaðari tækni,eða heitum ádeilum,heldur ýktum pínlegum langloku- uppákomum.        

[Halldór Jónsson, 9.1.2016 kl. 07:45]

Jón minn, auðvitað er aldrei neinn ábyrgur á Íslandi. Enda ætla ég ekki að gera meira mál úr þessu.

Hilmar minn, af hverju ertu að hafa þessar áhyggjur af mér. ég skrifa fyrir mig sjálfan en ekki með þig í huga. Þú getur bara sleppt því að lesa. 

Ég vildi að þú hefðir séð þetta í heild Helga. Ég myndi endurskoða mína skoðun ef ég heyrði þína þar sem ég met þína dómgreind mikils. 'eg minnist þeirra góðu stunda sem þú nefnir þegar Flosi söng það er svo geggjað að geta hneggjað. Þá var gaman. En að horfa upp mann vera lengi að velta kúk upp í hundapoka til þess að sýna hvað aðrir græða á túrismanum en þjóðin sem verkar upp, það er húmor sem RÚV50 má framvegis eiga fyrir mér. Ég skal bara reyna að þegja bara framvegis eins og Hilmar vill. En sjónvarp allra landsmanna verður svona apparat ekki í mínum augum.

Sjáið N4. Ekki eru þeir að sýna annað en skemmtilegt, siðlegt og fræðandi efni. Sjónvarp Víkurf´retta líka. Hringbraut ekki síður. ÍNN er á sömu nótum. Af hverju þarf RÚV að framleiða svona efni? Hefur þetta eitthvað með menningarhlutverk þess að gera?

Endilega endursýna þenna þátt helst oft.

[Jónatan Karlsson, 9.1.2016 kl. 08:56]

Sæll Halldór.

Ég get alveg tekið undir sjónarmið þín, en það eftirminnilegasta voru þó helst þær uppákomur úr þjóðlífinu sem vantaði alveg.

Reyndar sá ég ekki betur en að borgarstjórn Reykjavíkur væri hreinlega með fulltrúa í hópi helstu leikenda, svo allt listrænt konfekt menningar elítunar á borð við karlinn í kassanum og klámsýningu Ráðhússins, fyrir utan daglegt klúður borgarstjórnar á borð við endurskipulagningu ferðaþjónustu fatlaðra og viðskiptabann borgarinnar o.fl. o.fl. þóttu því skiljanlega síður en svo gefa tilefni til háðs.

[Halldór Jónsson, 9.1.2016 kl. 09:40]

Jónatan, það var auðvitað hvergi vikið af neinu af vinstra vængnum enda er þar allt perfekt, frá Degi Bé í átakastjórnmálunum niður í  karlinn í kassanum og Feneyjatvíæringinn eftir þýzkan umboðsmann þjóðaronnar okkar.

[Sigurður Antonsson (IP-tala skráð) 9.1.2016 kl. 11:15]

Ríkisskaup endurspeglar umræðuna um afþreyingu á tuttugustu og fyrstu öld. Á 85 prósent af þjóðinni að bíða korter fyrir áramót eftir bröndurum hóps grínista sem valinn er með aðferðum sem tíðkuðust fyrir 50 árum. Á ríkið yfir höfuð að vera að skemmta fólki? Auðvitað á þetta líka við um gagnlaust Feneyjaævintýri borgaranna fyrir sömu upphæð og skaupið kostaði. Endar allt út á fjóshaug. 30 milljóna skaup sem fáa gleður á ekki að vera atvinnubótavinna listamanna. Hlutverk þeirra er æðra og á að markast af frjálsu vali þeirra sem vilja njóta.

Alltof fáir þora að hafa skoðun á ofurhlutverki opinbera aðila. Það er ekki heilög kýr. 

[Brjánn (IP-tala skráð) 9.1.2016 kl. 18:53]

Sæll Halldór

alveg hjartanlega sammála þessu, ég deili þessari skoðun með þér og hef ekki séð jafnlélegt skaup í í áratugi og hef ég þó fylgst vel með yfir árin. Það hefði verið meira vit í því að leigja spaugstofuna til að skemmta okkur með alvöru húmor, ekki kúk og piss húmor sem er ekki fullorðnu fólki bjóðandi. En það er sannleikskorn í því að hvar sem vinstri öfl koma nærri, hrynur standardinn niður, hvort það sé í borginni með ósmekklegum ummælum um gyðinga eða í RÚV þar sem þeirra húmor er þröngvað upp á þjóðina. Ég segi nei takk og vona að menn fari nú að fullorðnast.