"Þetta er fólk eins og við"

segir Ólína Þorvarðardóttir í masþætti Sigurjóns þar sem þrjár konur láta gamminn geysa.

Ólína krati býsnast yfir því að Íslendingar taki ekki á móti flóttamönnum eins og Svíar geri. Í því hlutfalli ættu 7000 flóttamenn og hælisleitendur að vera að koma hingað. Greinilega er fólk bara fólk óháð menningu, menntun eða hegðun að áliti þessarar Ólínu?

Sér hún Ólína engin vandamál sem þessum þjóðflutningum fylgja? Hvað er að gerast í þýskum borgum? Hvað er að gerast í Malmö? Er flóttamannastraumur sjálfsagður hlutur þegar flóttamönnum og hælisleitendum  dettur í hug að skipta um ríkisfang? Er það sjálfsagður hlutur? Hafa þeir sem fyrir eru ekkert um málið að segja? Hversu mörgum milljónum Afríkubúa vill þessi Ólína, sem finnst ástæða til að taka fram að hún sé doktor í bókmenntum,taka á móti til Íslands?

Hvað þarf hún að hækka veiðigjöldin sem þessi ríkisstjórn lækkaði, til að borga kostnaðinn? Enda styður hún viðskiptaþvinganirnar á Rússland í rökréttu samhengi við annað í hennar huga.

 

Ekki mátti á milli sjá hvor stjórnmálakvennanna höfðaði meira til mín í málflutningi, Ólína með þennan boðskap eða Hanna Birna með lofsönginn um Schengen og báðar fylgjandi áframhaldi viðskiptaþvingana á Rússa.