Flóttamannafabrikkurnar

ganga á fullu dag og nátt. Senda Vesturlöndum stöðuga framleiðslu sína til úrvinnslu. Alveg án tillits um hvort þau hafi pantað hana eða hafi not fyrir hana.

Íslendingar halda ráðstefnu í Háskólanum með erlendum gestum í dag. Félagsmálaráðherran flytur ræðu. Erlendur gestur heldur ræðu og heimtar að öll flóttamannaframleiðslan fái mannsæmandi móttökur. Hér á Íslandi sem annarstaðar. Tæma Afríku ef svo ber undir til að fylla Vesturlönd?

Hér á landi bíða þúsundir manna eftir nauðsynlegum aðgerðum sem þeir mættu þess vegna líklega sækja til dæmis Þýskalands vegna EES. Segjumst ekki geta séð fyrir gamalmennunum okkar vegna fjárskorts?  Getum við ekki byggt spítala sem sárvantar spyr dr. Kári?  Finnst engum það þá galið að ætla að hleypa hér inn 7000 flóttamönnum eins og dr.Ólína Þorvarðardóttir Kerúlf leggur blákalt til?   

Heyrast þau sjónarmið nokkuð sem segir að þetta komi Vesturlöndum í rauninni ekkert við? Þau hafi ekki beðð um þessa framleiðslu? Eru það ekki einhverjir brjálaðir valdabraskarar sem eru vélstjórar í verksmiðjunum? Fyrir hverju eru þeir að berjast? Tómum eyðimörkum? Digrari bankareikningum í Sviss? Hvað vill ISIS í raun og veru þegar Assad hefur verið steypt?

Eiga Vesturlönd einhver hlutabréf í þessum flóttamannafabríkkum?  Hversvegna nota þau ekki styrk sinn til að stöðva þessa flóttamannaframleiðslu?  Svelta ekki heilu bæirnir  í Sýrlandi vegna þess að stjórnarherinn þar er búinn að setja þá í herkví? 

Ef sú stífla brestur breytast þá ekki allir þessir íbúar samstundis í flóttamenn? Heldur straumurinn ekki endalaust áfram að vaxa? Erum við eitthvað að stjórna því framboði?

Hafi framleiðslumet í flóttamannaframleiðslu verið slegið á síðasta ári þá hafa menn ekki líklega ekki séð neitt ennþá segir norski ræðumaðurinn á Háskólafundinum. VIÐ eigum að leysa þetta segir hann. Og Eygló ráðherra vill bara taka á móti fleirum og fleirum. Hún er svo góð og öll kvenandlitin í salnum eru svo uppklárað góð í salnum að maður kemst hér um bil við. 

 

Það eina sem  Vesturlönd gætu vel gert er að stöðva þessi stríð. Með sjóherjum sínum geta þau lokað Afríku. Með landherjum sínum geta þau lokað landamærum Sýrlands og Yemen. Þau geta drepið alla liðsmenn ISIS með tæknivopnum sínum. Þau geta afvopnað stríðandi fylkingar í Sýrlandi og Yemen.  Þau geta sprengt þá Araba aftur á steinöld ef þeir hlýða ekki friðarkallinu. Þau geta gefið mat og tjöld og fleira. Hjálpað öllu þessu fólki í neyð þess.  En þau geta ekki hleypt allri flóttamannaframleiðslunni inn til sín. Það bara gengur ekki upp sem einhverjir að minnsta kosti ættu að fara að gera sér ljóst.

Vesturlönd,  Rússar og líklega Kínverjar líka  selja hinsvegar vopnin og skotfærin til átakasvæðanna. Það er  orkan sem flóttamannafabríkkurnar ganga á. Saudi Arabía  stundar hernað,með bandarískum vopnum. Rússar styrkja Assad harðstjóra. Kínverjar kynda undir í Afríku.

Það er ekki hægt að ná samkomulagi um eitt eða neitt. Merkel getur ekkert, Hollande getur ekkert, Cameron getur ekkert og Barak Hussein Obama gerir ekki neitt til að fá þetta lið til að gera eitthvað. 

Á meðan ganga flóttamannafabríkkurnar á fullu og vandamálin vaxa hvað sem sagt er á fundum í Háskóla Íslands.