Piratar eru vinstriflokkur

eins og þeir gerast bestir.

Samfylkingarmenn eins og Össur eru farnir að hugleiða að hlaupa frá borði sökkvandi skips. Óli Björn skrifar að vanda prýðilega grein í Morgunblaðið og fer í gegn um málið. Í lok greinarinnar tilfærir hann beint eftir Össuri hvernig mál Pírata falla saman við þau stefnumið sem Össur segist alltaf hafa haft þó svo að hann hafi ekki framkvæmt þau á síum velmektarárum í vinstri stjórninni með Steingrími J.

Óli Björn segir:

" í störfum sínum á þingi og í meirihluta borgarstjórnar hafa Píratar tekið upp siði hinna hefðbundnu stjórnmálamanna. Borgarbúar eiga erfitt með að átta sig á því hver munurinn er á Pírötum og Samfylkingunni og mörkin milli Vinstri grænna og Pírata eru enn óskýrari. Munurinn á Pírötum og Bjartri framtíð virðist fyrst og fremst liggja í því að síðarnefndi flokkurinn er orðinn að engu.

 

Á þingi stíga Píratar í takt við stjórnarandstöðuna. Þeir taka þátt í málþófi í náinni samvinnu við aðra vinstri flokka og gerast meðflutningsmenn frumvarpa sem gera ráð fyrir aukinni skattheimtu og auknum útgjöldum ríkissjóðs.

 

Jafnvel forseti lýðveldisins fer fyrir brjóstið á flokkseigendum Pírata sem sverja sig þannig í bræðralag með gömlum flokkseigendum Alþýðubandalagsins. Við setningu Alþingis á liðnu hausti varaði Ólafur Ragnar Grímsson við vanhugsuðum breytingum á stjórnarskrá lýðveldisins. Þá var Birgittu nóg boðið og sakaði forseta að hafa »fært sig inn á háskalegar og gerræðislegar brautir gagnvart þingræðinu«.

 

Össur Skarphéðinsson, sem kallar sjálfan sig heiðurspírata, hefur gert hosur sínar grænar fyrir Birgittu og félögum. Miðað við fylgi Samfylkingarinnar er skiljanlegt að Össur leiti skjóls hjá Pírötum sem hann lítur »á sem pólitíska frændur og frænkur«, en ekki hægri flokk. »Ég man varla eftir þingmáli frá þeim sem ég gat ekki stutt og þeir hafa stutt mörg mál okkar í Samfylkingunni,« sagði Össur í viðtali við Fréttablaðið 13. nóvember á síðasta ári.

 

Draumur Össurar er að mynduð verði »breiðfylking« til að breyta stjórnarskránni, kjósa um aðildarumsókn að Evrópusambandinu og »leysa deilur um fiskveiðistjórnun og hálendið í eitt skipti fyrir öll í þjóðaratkvæðagreiðslu«:

 

»Ég get vel hugsað mér að starfa með sjóræningja fyrir borðsendanum í stjórnarráðinu.«

 

Össur vill að næsta vinstri stjórn verði undir forsæti Birgittu Jónsdóttur en sjálfur fékk hann rúmlega fjögur ár til að hrinda hugmyndum sínum í framkvæmd en varð lítið úr verki, annað en að senda inn aðildarumsókn til Brussel og koma í veg fyrir þjóðaratkvæðagreiðslu. Nú leitar hann á náðir pólitískra skyldmenna sem geta vart annað en tekið honum vel. Össur, líkt og Píratar, vill að kosningarnar á komandi ári snúist um breytingar á stjórnarskrá.

 

Það er skiljanlegt að vinstri menn vilji ekki láta kjósa um efnahagsmál og bætt lífskjör. Þess vegna hafa þeir sérstaka hagsmuni af því að ekki náist samstaða í stjórnarskrárnefnd þannig að hægt sé að breyta stjórnarskrá í þjóðaratkvæðagreiðslu á sumri komandi - löngu fyrir kosningar."

Þetta er skörp greining á því sem framundan er í íslenskum stjórnmálum, takist flokkseigendafélagi Píratanna ætlunarverk sitt. Sem er að halda sjálf áfram þingmennsku og halda um stjórnartaumana. Sem er að mynda stjórn með Össuri og hans sálufélögum þar sem þeir standa svo nálægt þeirra stefnumálum að sögn Össurar. Sem er að setja Íslendingum nýja stjórnarskrá á grundvelli tillagna stjórnlagaráðs sem prófessor dr.Þorvaldur Gylfason hefur verið óþreytandi að útskýra í Fréttablaðinu til margra ára. Sem er að gerbylta sjávarútvegskerfinu. Sem er að hafa þjóðaratkvæðagreiðslur oft. Sem er að kjafta frá öllu sem gerist skilmerkilega svo ekkert dyljist þeim vinstri mönnum.

Píratar eru hreinn vinstri flokkur sem gefur gamla Alþýðubandalaginu hvergi eftir og gerir bæði Samfylkinguna og VG óþarfa með öllu.

 

Athugasemdir

[Jón Þórhallsson, 3.2.2016 kl. 09:20]

Allir þessir flokkar sem að þu telur upp hér eru fylgjandi kynvillu= fylgjandi hjónabandi samkynhneygðra.

Ég mun þ.a.l. ekki kjósa neinna þessarra flokka.

[Hilmar (IP-tala skráð) 3.2.2016 kl. 10:41]

Ég er á öndverðu meiði. Margt sem mælt er úr munni Pírata kemur t.d. vel heim og saman við málflutning Ayn Rand.

[Ásgrímur Hartmannsson, 3.2.2016 kl. 15:45]

Við komumst að þessu fljótlega.

Í orði kveðnu eru þeir ekkert líkur neinum hinna.  Það er helst að þessi Birgitta sé flaggberi gamaldags stjórnmála, verandi gamall kommi.  (Og skrítin til augnanna, eins og útbrunninn hippi.)

Hinir meðlimir flokksins virka betur á mig.  Skinsamlegri.

Ég vona innilega að þeir séu ekki jafn langt til vinstri og Samfylkingin, það þurfum við ekki aftur.  Þá væri þetta þolanlegt.

[Halldór Jónsson, 3.2.2016 kl. 18:51]

Ayn Rand, var hún ekki boðberi siðleysis og réttar þess sterka. Sjálf gersamlega siðlaus í kynferðismálum meðal annars. Hún er aldeilis fyrirmyynd 

[Hilmar (IP-tala skráð) 3.2.2016 kl. 22:30]

Hún var ekki boðberi siðleysis. Hún mælti fyrir stefnu sem hún kallaði "objectivismi".  Ég hef á hinn bóginn engan áhuga að velta fyrir mér kynlífi hennar og skil reyndar ekki hvers vegna þú dregur þetta upp.