Hver segir að Dagur Bé?

sé ekki fjárglöggur maður? Hann sá til dæmis að dýrin í Húsdýragarðinum éta of mikið og ætlar að svelta þau fyrir 10 milljónir. Kannski að fólk megi koma með matarleifar sínar þangað í stað þess að yfirfylla öskutunnurnar?

Og svo boðar Dagur samdrátt á föstu verðlagi á næsta og þarnæsta  fjárhagsári sem nemur 1.7 milljarði hvert ár.Þá koma kosningar hjá honum sjálfum og þá er nú ekki venjan að spara.  

Verður ekki frekar lítið hægt að draga saman á þessu ári því að það eru aðeins 264 dagar til kosninga og Samfylkingin í útrýmingarhættu á landsvísu? 

 

Á Alþingiskosningum á næsta ári verður búið að þrengja Grensásveginn og leggja hjólastíga þar fyrir 170 milljónir þannig að dýrð Samfylkingarinnar blasir við. Fram að kosningum verður því líklegar allt á fullu og brosin breið og framtíðinni réttur reikningurinn.  Það er að segja ef Halldór Pírati leyfir Degi Bé að vera Borgarstjóri áfram. Sem er sjálfsagt meðan hann sjálfur fær að hafa opið tékkhefti á Borgarsjóð.

 

Hallarekstur Borgarsjóðs í ár verður að vanda sléttaður með peningum frá Orkuveitunni þar sem hin bæjarfélögin á veitusvæðinu borga reikninginn með Reykvíkingum. Til hamingju Kópavogur, Mosfellbær og Hafnarfjörður að fá að greiða fyrir Grensásveginn góða fyrir Reykvíkinga. Pótemkín-tjöldin tókust því vel í Dags-birtunni þegar hagræðingaráætlunin var kynnt i RÚV nú á dögunum. 

 

Dagur Bé. þekkir líklega mun á fyrirkosninga- og eftirkosningapeningum alveg ágætlega. En hvort kjósendur hans þekkja muninn?  

 

Athugasemdir

[Guðbjörg Snót Jónsdóttir (IP-tala skráð) 5.2.2016 kl. 11:34]

Þetta lið er gjörsamlega veruleikafyrrt. Það þarf ekki að fletta mörgum blöðum til að sjá það. Við þurfum að fara að losna við það. Við værum þó engu betur sett, ef Píratarnir tækju við. Það væri að fara úr öskunni í eldinn, þætti mér. Það er því ekki gott að segja, hvað er til ráða. Helst vildi ég, að núverandi stjórnarflokkar gætu tekið við og haldið borginni, svo að hægt sé að vinda ofan af þeirri óheillaþróun, sem hefur orðið hér í langan tíma undir stjórn Dags og kompanís.

[Halldór Jónsson, 5.2.2016 kl. 13:04]

Mín kæra Guðbjörg Snót

Ég er því miður ekki bjartsýnn á að óskir okkar geti ræzt varðandi Borgina. Ég held að allt sé að breytast í pólitíkinni og ekkert fer í gamla farið aftur fyrr en að áratug liðnum, hverjir sem lifa það nú.