Gylfi Ingvarsson

fór mikinn á Útvarpi Sögu hjá Pétri Gunnlaugssyni. Þar hrópaði hann eftir stuðningi almennings við óraunhæfar kaupkröfur gagnvart Rio Tinto í Straumsvik,

Hvernig honum getur dottið í hug að miklu lægra launaður almenningur hafi samúð með ofbeldisfullum óraunhæfum kröfum þessara þokkapilta á hendur fyrirtækinu sem hefur brauðfætt þá í gegn um árin?

Fyrirtækið í Straumsvik berst núna í bökkum og getur ekki borgað meira nema með skuldsetningum. Röksemdir frá þeim virka álíka eins og blærinn í laufi gegn þessum hálaunalýð undir ófriðarstjórn þessa Gylfa.

Ef þetta væri ekki svona mikið alvörumál þá myndi maður óska að þessir byltingamenn yrðu fyrir einhverju sem um munaði fyrir ábyrgðarleysið sem þeir sýna.  Það er eins og þeir séu að mana fyrirtækið til að loka.

Hugsanlega eru gömlu kommarnir sem alltaf hötuðust við álverið í Straumsvík eins og menn þekktu síðast í Hafnarfirði sem felldu stækkunina, komnir loksins til áhrifa sem þeir hafa ekki haft til þessa?

Takist þeim að láta álverið loka þá er þýðingarmikið að atvinnurekendur á Íslandi standi nú einu sinni saman og ráði engan af þessu liði í vinnu aftur. Mína samúð fær hann ekki.

Loki Gylfa Ingvarsson og félagið hans úti í langan tíma.

Athugasemdir

[Jón Þórhallsson, 9.2.2016 kl. 18:36]

Hvað er að því að ÚTBOÐS-KERFIÐ verði tekið meira upp hér á landi;

t.d. þarna í álverinu?

útboðskerfið er mjög algengt á meðal smiða;

 er þetta eitthvað öðruvísi?

=Að framboð og eftirspurn haldist í hendur!

[Ómar Ragnarsson, 9.2.2016 kl. 20:14]

Frá upphafi álframleiðslu á Íslandi hefur ímhyndinni um "hálaunastörf" við hana verið haldið hátt á lofti.

Þegar síðan er tekin harkaleg u-beygja og á að keyra í raun harkalegu launalækkun í gegn, - því launafrysting er ekkert annað en lækkun, - er skiljanlegt að þeir, sem fyrir því eiga að verða og einnig allir áltrúarmennirnir verði fyrir smá áfalli og eigi erfitt með að kyngja því.