Af hverju kjósa menn Trump?

Sameinaðir Besserwisserar á Íslandi hafa skýringar á hverjum fingri á eðlisþáttum  Donald Trump. Maðurinn er brjálaður, Ameríkanar eru brjálaðir, Ameríka er búin að vera. Farið á síðuna http://patent.blog.is/blog/patent/

Þá sjáið þið hvernig sumu fólki líður í þessu samfélagi.

Samt má leita að hliðstæðum í íslensku samfélagi sem orsök fyrir velgengni Trump. Það er að margt fólk er búið að fá yfir sig nóg af meintum lygum og svikum stjórnmálamanna.

Ég held að menn hafi kosið Jón Gnarr og flokk hans að einhverju leyti vegna þessa. Ég hlustaði á manninn á stöð 2 í gær eða hinn. Mér fannst það blasa við hversvegna menn kusu hann frekar en gamla gengið í Borgarstjórn. Og hvernig veran í sviðsljósinu þroskaði sjálfstraust mannsins.

Mér finnst það líka blasa við hversvegna að fylgi Pírata breytist ekki neitt þó að þeir rífist opinberlega innbyrðis og fái sér sálfræðimeðferð. Skráðum fylgismönnunum er slétt sama því þeir sjá sig ekki vera að kjósa þá á kjördegi hvort eð er. Fólkið er að krefjast þroskaðri stjórnmálamanna. 

En Kristján Jónsson á Mogganum er oft glöggur. Hann rekur ástæður fyrir því sem hann sér fyrir fylgi Trumps á eftirfarandi hátt:

" Tor­tryggni í garð þings­ins er mik­il vestra í báðum flokk­um, inn­an við 15% treysta þing­mönn­um. Flest­ir segja þá spillta sér­hags­muna­seggi. Böl­sýni er út­breidd. Marg­ir hvít­ir Banda­ríkja­menn í lægri millistétt sjá ekki leng­ur fram á að gamli, am­er­íski draum­ur­inn um enda­laus tæki­færi og hag­sæld muni ræt­ast fyr­ir þá.

Þeim sem hafa ekki lokið nema skyldu­námi, sem horfa á störf flutt úr landi, sjá inn­flytj­end­um og af­kom­end­um þeirra veitt auk­in rétt­indi og jafn­vel um­svifa­laus aðgang­ur að bóta­kerf­um rík­is­ins finnst þeir skild­ir eft­ir. 

Og hvers vegna er það allt einu orðið skamm­ar­legt í huga og tali margra stjórn­mála­manna, fjöl­miðla- og mennta­manna að vera hvít­ur karl­maður í Banda­ríkj­un­um, spyrja þeir. Er það sann­gjarnt?

Trump höfðar mjög til þess­ara kjós­enda en hann er líka með mest fylgi allra for­seta­efna re­públi­kana hjá nán­ast öll­um hóp­um. Körl­um, kon­um, hvít­um, svört­um, trúhneigðum og lítt trúuðum, menntuðum og ómenntuðum, efnuðum og fá­tæk­um.

En rauði þráður­inn er að stuðnings­mönn­um hans finnst þeir ekki hafa haft nein áhrif. Þeir séu hunsaðir af ráðandi öfl­um, traðkað á þeim. Flokk­ur­inn hafi svikið þá. Svo mik­il eru bræðin og von­brigðin að þeir vilja mann sem bein­lín­is hamp­ar því að hann vilji vera grimm­ur og ill­ur fant­ur. Auðmýkt, mildi og siðfág­un eru ekki leng­ur eig­in­leik­ar sem þetta fólk vill sjá í for­seta sín­um.

Ráðvillt flokks­for­ysta

Engu virðist skipta þótt fjár­málaf­urst­ar eins og hinir frægu Koch-bræður, Sheldon Adel­son og aðrir auðkýf­ing­ar beiti sér gegn Trump, stór hluti flokks­ins hlust­ar alls ekki leng­ur á þá.

Flokks­for­ysta re­públi­kana hef­ur aldrei fengið aðra eins út­reið. For­ystu­menn­irn­ir eru í losti, sum­ir segj­ast ætla að kjósa demó­krata frek­ar en Trump. En þeir munu vafa­laust halda fyr­ir nefið og sam­ein­ast um Trump ef hann verður út­nefnd­ur. Allt er betra en Cl­int­on í þeirra aug­um.

Dav­id Frum, rit­stjóri hins þekkta tíma­rits The Atlantic, var í eina tíð ná­inn ráðgjafi Geor­ge W. Bush for­seta og ræðuskrif­ari hans. Frum seg­ir að upp­gang­ur Trumps sé merki um hrein og klár stétta­átök inn­an re­públi­kana­flokks­ins. Flokk­ur­inn verði að átta sig á einu: Óbreytt­ir flokks­menn séu ekki í reynd hlynnt­ir því að skera niður vel­ferðar­kerfið, það gagn­ist þeim of vel. Og re­públi­kan­ar eigi að hætta að berj­ast gegn al­menn­um heil­brigðis­trygg­ing­um Obama en lag­færa kerfið í staðinn.

„Lækkið hæstu skatt­ana minna og notið pen­ing­ana til að hækka bæt­ur til vinn­andi fólks í milli­tekju­hóp­um,“ seg­ir Frum. „Mótið inn­flytj­enda­stefnu sem efl­ir laun­in en gref­ur ekki und­an þeim. Hafið meiri áhyggj­ur af regl­um sem auka við auðæfi þeirra sem þegar eiga mikið en minni áhyggj­ur af regl­um sem minnka svig­rúm til að stunda fjár­mála­brask.“

Frum er tal­inn hægris­innaður re­públi­kani. En hann seg­ir flokks­systkin­um sín­um að horfa til þess hvernig marg­ir nýir hægri­flokk­ar í Evr­ópu, sem kennd­ir eru við lýðskrum, leggi nán­ast all­ir áherslu á stuðning við vel­ferðar­kerfið.

Ef eng­inn sigr­ar...

Marg­ir hóf­sam­ir kjós­end­ur eru í öng­um sín­um yfir fram­gangi Trumps. Auðkýf­ing­ur­inn Michael Bloom­berg, fyrr­ver­andi borg­ar­stjóri í New York, velt­ir því fyr­ir sér að bjóða sig fram til for­seta. Ef, öll­um á óvart, at­kvæði skipt­ust þannig að eng­inn hlyti til­skil­inn fjölda kjör­manna, 270, fengi full­trúa­deild þings­ins það hlut­verk að kjósa for­seta. Þar hafa re­públi­kan­ar öfl­ug­an meiri­hluta og nokkuð ljóst að þeir myndu ekki kjósa Trump."

Mér sýnist niðurstaða Kristjáns vera sú að venjulegt fólk sé búið að fá nóg af vonbrigðum. Mér finnst ég skynja það sama hér á landi. Bæði innanbrjósts í mér sjálfum."En rauði þráður­inn er að stuðnings­mönn­um hans finnst þeir ekki hafa haft nein áhrif. Þeir séu hunsaðir af ráðandi öfl­um, traðkað á þeim." Og því hvernig fólk er að tala í kring um mig.

Okkar íslenska fólk er vonsvikið.Því finnst "að gamli, am­er­íski draum­ur­inn um enda­laus tæki­færi og hag­sæld muni ekki ræt­ast" fyrir það sjálft. Það tekur út vonbrigðin á því sem hendi er næst. Jóni Gnarr, Pírötum eða einhverju öðru.

Eru það sömu tilfinningar sem valda þessu umróti í stjórnmálum. Fólki finnst það svikið. Það kaus fólk sem í raun hafði enga köllun nema eigin rassa og vegtyllur. Hvar sjá menn hugsjónamenn á ferð í pólitík lengur? Eru þeir ekki orðnir frekar fágætir?

"Spurðu ekki hvað föðurland þitt geti gert fyrir þig heldur hvað þú getir gert fyrir föðurlandið"

Trump er föðurlandssinni. Það fer í taugarnar á mörgum vitringunum. Hann er ekki að biðja um meira að éta fyrir sig. Hann á nóg. Hann vill gera eitthvað fyrir almenning og meinar það. Og fleiri og fleiri Bandaríkjamenn trúa honum.

Svo standa 101 spekingar uppi á Íslandi og segja þennan mann vera fífl.Hvaðan kemur þeim viska og stærð til að tala svo?

Af því kjósa menn Trump.

 

 

Athugasemdir

[Indriði (IP-tala skráð) 5.3.2016 kl. 21:17]

athyglisverðir punktar til umhugsunar.

[Grímur (IP-tala skráð) 5.3.2016 kl. 21:23]

Fólk er vonsvikið það er rétt

VG og S brugðust algjörlega í að "verja heimilin" svo hvað er þá eftir?

Fólk vill hafa hlutina einfalda. Fylgi S byggðist verulega á hatri á Davíð. Nú er allt fjórflokknum eða feðraveldinu að kenna.

Það væri yndislegt ef stjórnmálaflokkar kynntu raunhæfar lausnir, markmið og leiðir til að ná þeim. En fólk virðist spenntara fyrir engum lausnum og engri stefnu og ætla að kjósa Pírata

[Jónas Gunnlaugsson, 5.3.2016 kl. 21:28]

(H)IS IQ IS IN EXCESS 0F 156, WHICH PLACES HIM ABOVE 99.9 PERCENT OF THE PEOPLE IN THE WORLD.

Forseta prófkjörin í USA

Þarna fær Trump góða umsögn.

Við eigum því ekki að venjast frá fjölmiðlum.

000

Trump cruising toward blowout win in New Hampshire

https://thehornnews.com/trump-cruising-toward-blowout-win-in-new-hampshire/

walter says

February 8, 2016 at 11:26 am

TRUMP IS THE ONLY PERSON RUNNING THAT IS QUALIFIED TO RUN THE LARGEST BUSINESS ON EARTH, THE US GOVERNMENT.

HE IS NOT OBLIGATED TO ANYONE, NOT AFRAID OF ANYONE, INCLUDING THE NEWS MEDIA.

(H)IS IQ IS IN EXCESS 0F 156, WHICH PLACES HIM ABOVE 99.9 PERCENT OF THE PEOPLE IN THE WORLD.

IF PEOPLE DONT WANT HIM AND ELECT A PUPPET ON A STRING TO BIG MONEY PACS, THEN WE DESERVE WHAT WE GET.

 

[Halldór Jónsson, 5.3.2016 kl. 22:08]

Takk fyrir Jónas

Ég trúi þessum tölum. Donald er klár, hann hefur sýn. Hann hefur hugsjónir. Hann þarf ekki að tala af þrælsótta við nokkurt peningaafl eins og 365 miðlar hér.

Grímur,

Af hverju má ekki segja það sem maður meinar? Donald Trump biður engann um leyfi. Það getur enginn Jón Ásgeir mútað honum með 300 milljónum með skilaboðum í gegn um einhvern Skuggabaldur.

[Jónas Kr (IP-tala skráð) 6.3.2016 kl. 11:37]

 Jónas.

Ted Kaczynski hefur greindarvísitöluna 165. Væri ekki ráð að fá hann í framboð? Hann yrði varla verri enn Trump.