Hlustið á Trump

í viðtali við spyrjanda á Fox sem hefur 30 ára reynslu í því að tala við fólk.

https://www.youtube.com/watch?v=jlTwh9Oc1qg

Ætlar einhver að halda því fram að þessi maður viti ekki hvað hann er að tala um?

Hann segir: Ísrael, óttist ekki. Við munum koma ykkur til bjargar ef Íran ræðst á ykkur.

Við munm ekki láta okkar fólk deyja á götum borga okkar af því að það eigi enga peninga.Velferðarkerfið mun verða til staðar þó að Obamacare verði lagt niður.

Ég vil láta Apple framleiða sínar tölvur og síma í Bandaríkjunum. Annars mun ég leggja á influtningtolla á vörurnar.

Ætli framleiðendur loftkælinga að flytja verksmiðjur sínar frá Bandaríkjunum til Mexico í hagræðingarskyni þá horfast þeir í augu við 35 % innflutningstolla til Bandaríkjanna.

Ég ætla að gera Bandaríkin stór aftur. Ég ætla að verja störfin hér innanlands. Ég eyði aðeins mínum peningum aðeins í þessa kosningabaráttu mína og ég eyði minna en nokkur annar. Er eitthvað að því?

Þetta viðtal kostar mig ekkert því það ert þú sem vilt fá mig.

Þessi maður er það sem Bandaríkin þarfnast. Þessi maður er það sem heimurinn þarfnast. Rödd skynseminnar á móti alþjóðlegri kratahræsninni.

Rödd skynseminnar.Það er rödd Donalds Trump.

 

 

Athugasemdir

[Jónas Gunnlaugsson, 5.3.2016 kl. 22:53]

Ég er að hlusta á Trump.

Linkurinn, betra er að láta linkinn virka á staðnum.

https://www.youtube.com/watch?v=jlTwh9Oc1qg

[Hilmar (IP-tala skráð) 5.3.2016 kl. 22:55]

Vitaskuld er Trump enginn vitleysingur.  Hann væri ekki það sem hann er núna ef svo væri.  Hins vegar er enn nánast ekkert kjöt utan um beinin.  Enn sem komið er hafa einungis stór slagorð komið frá honum.  Auk þess má spyrja, eins og svo margir aðrir hafa spurt, hvernig geta bandarískar vörur orðið samkeppnisfærar ef þær yrðu einungis framleiddar í Bandaríkjunum?  Það er ástæða fyrir því að framleiðendur leita til annarra ríkja með framleiðslulínurnar.

[Ómar Ragnarsson, 5.3.2016 kl. 23:00]

Er þetta "rödd skynseminnar"?:

"Ég gæti staðið úti á miðju 5. breiðstræti og skotið fólk án þess að tapa atkvæðu."

"Ég myndi byrja með vatnsbrettapyntingar aftur og ég myndi byrja aftur með sitthvað sem er fjandakornið miklu verra en vatnsbrettapyntingar"

"Það þarf að fjarlægja fjölskyldur hryðjuverkamanna."

"Mexíkóar koma með eiturlyf. Þeir koma með glæpi. Þeir eru nauðgarar. Og sumir, býst ég við, eru ágætis fólk."

Ef Hillary Clinton getur ekki fullnægt eiginmanni sínum, af hverju heldur hún að hún geti fullnægt Bandaríkjamönnum?"

Yfirvegaður? Smekklegur? Traustvekjandi?

[Óskar Helgi Helgason (IP-tala skráð) 6.3.2016 kl. 00:27]

Sæll Halldór - sem og aðrir gestir, þínir !

Ómar fjölfræðingur Ragnarsson !

Ég: ólíkt Halldóri Verkfr., kýs að láta auðnu ráða / hvort Donald Trump Reynist Bandaríkjamönnum sá hamingju Hrólfur, sem hann heitir þeim, komist hann til valda.

En - vá mikil:: yrði það Ameríkönskum, kæmist Clinton kerlingin, eins konar vasabókarútgáfa Vigdísar Finnbogadóttur hérlendis að, í Hvíta húsinu / aftur á móti.

Ég: auk fjölda annarra, mun ALDREI gleyma SVIKUM Vigdísar, þá hún hunzaði sjálfsagðan rétt Íslendinga, til atkvæða greiðzlunnar um EES hörmungina, á 10. áratug síðustu aldar, Ómar minn.

Þú - átt kannski auðvelt með að horfa yfir það, sanntrúaður kratinn / en ég:: auk fjölda annarra, munum ALDREI gera það, Ómar fjölfræðingur !

Ekki að undra: að ýmis snobb gerpi hérlend, beri Vigdísi á höndum sér / og smíði einskonar ''stofnun'' utan um þá fígúru og allt það, sem um þá manneskju snýst.

Hillary Clinton - og Vigdís Finnbogadóttir, eru svona álíka skrum kvensniptir að upplagi, sem innræti, fjölfræðingur knái !!!

Því miður.

Með beztu kveðjum: samt sem áður - af Suðurlandi / 

[Halldór Jónsson, 6.3.2016 kl. 07:48]

Hilmar, Forseti fæst við mál líðandi stundar. Hann getur ekki sagt hvað hann geri eftir ár.

Ómar, er ekki kosningabarátta öðruvísi en stjórnarstörf?

Smekklegt kannski ekki en það sem einhverjum dettur í hug að sé fyndið.Afstaða kynjanna hvors til annars og hjúskaparsáttmálar eru nú ekki alltaf samanfallandi þó stefnt sé að.

Gott að þú hlustar Jónas.

Óskar Helgi,

ekkert fer sem ætlað er veist þú manna best. Það er bara spurning hvernig spilast úr gjöfinni

[Sigurbjörn Sveinsson, 6.3.2016 kl. 10:12]

Hvað af þessu bloggi er Trumps og hvað Halldórs Jónssonar?

[Siggi (IP-tala skráð) 6.3.2016 kl. 11:14]

Mér hugnast ekki framboð Trumps, en sé einn einasta ljósan punkt við það. Evrópubandalagið og Sameinuðu Þjóðirnar eru búin að viðurkenna að það er verið að fremja þjóðarmorð á kristnu fólki í Miðausturlöndum. Bandaríkin ein eftir að samþykkja að svo sé, og Bandaríkin ein hafa töggur í sér til að gera neitt í því af þessum aðilum. Ef Trump kemst til valda er kannski minnsta von að Bandaríkin bætist á þennan lista. Aðeins þá munu Íslendingar fara að taka við kristnum flóttamönnum frá Miðausturlöndum, í stað þess að hrekja þá úr landi og taka í staðinn við meirihluta Jónum og Gunnum frá Miðausturlöndum, sem eru í margfallt minni hættu, á meðan staða kristinna í Miðausturlöndum í dag er algjörlega sambærileg við stöðu gyðinga í annarri heimsstyrjöldinni. Þá stóðum við Íslendingar okkur illa og kölluðum yfir okkur óafmáanlega þjóðarskömm, en tókum einmitt við talsvert af hvítum Þjóðverjum. Nú erum við dottin í sömu gryfju. Eina von Íslands er að Bandaríkin taki af skarið og viðurkenni þetta þjóðarmorð sem SÞ og EU, ef til vill velmeinandi, en gagnslaus fyrirbæri, hafa samþykkt. Geri Bandaríkin það mun fylgispekt Íslendinga við valdið loksins fá þá til að standa upp á afturlappirnar, þykjast vera menn, og handvelja ekki tóma múslima inn í landið en sparka kristnum í bráðri hættu í burtu. 

http://observatorial.com/2016/03/04/obama-administration-islamists-killing-christians-is-not-genocide/

[Siggi (IP-tala skráð) 6.3.2016 kl. 11:21]

Sá sem þetta skrifaði er hvorki á móti Islam eða múslimum. Síður en svo. Ég dáist að mörgu í þeirra menningu og þeirra fari og hef góða reynslu af þeim sem vinum og kunningjum. En í ljósi þess að það er staðreynd að kristnir eru í bráðri hættu með að vera þurrkaðir út og þykja sjálfkrafa réttdræpir á þessum slóðum, en múslimar ekki, þá skammast ég mín fyrir þjóð mín og sé ekki betur en hún sé að endurtaka mistökin frá seinni heimsstyrjöld. Stefna landa eins og Kanada í þessum málum endurspeglar raunveruleikann og er í anda mannúðar, en Kanada veitir kristnum og Yazidi fylgjendum forgang, afþví þeir meta réttilega að múslimar séu í mikið minni lífshættu. Þess ber að geta að þetta er jafnframt fjölmenningarlegasta ríkisstjórn Vesturlanda, einn æðstu ráðherra er múslimi og forsætisráðherrann er hálfur frá Asíu, og það eru fulltrúar margra trúarbragða meðal ráðherra. Það er kynþáttahatur að handvelja fólk inn eftir tískustraumum í stað þess að slíkt val endurspegli raunverulega neyð. Íslenska ríkisstjórnin er að velja hér inn fólkið í MINNSTRI neyð. Múslima, sem njóta umfram öryggis vegna trúar sinnar miðað við aðra, sem þegar er komnir í flóttamannabúðir annars staðar, og eru ekki í hættu að deyja í bráð. Á meðan er kristnum vísað í burtu og ekki einn einasti Yazidi hefur fengið hér hæli. 

[Valdimar Jóhannsson (IP-tala skráð) 6.3.2016 kl. 13:41]

Ég hef aldrei heyrt eða séð stjórnmálamenn á vesturlöndum nefna það einu orði, að taka á móti kristnu fókli frá stríðshrjáðu landi.

ÞAÐ ER BARA TEKIÐ Á MÓTI MÚSLIMUM.

Það eru einvöðungu hugsandi almenningur sem er meðvitaður um ástandið. Stjórnmálsamenn hafa engnn áhuga og sjálfstæða hugsun í þeim efnum enda fengju þeir rasistastimpilinn um leið frá vinstri vængnum. Allir eru jfnir, en múslimar eru jafnari!

[Hilmar (IP-tala skráð) 6.3.2016 kl. 14:07]

Vitaskuld mun hver sá sem verður forseti að glíma við verkefni dagsins, en það þýðir ekki að viðkomandi þurfi ekki að hafa einhverja stefnu sem er grundvölluð á ákveðinni hugmyndafræði og lífssýn.  Enn sem komið er hefur Trump gert lítið annað en að mógða minnihlutahópum, hermt eftir fötluðu fólki, uppnefnt fólk og svo framvegis.  Ef það er einhver pólitísk stefna að segja að maður geti gert frábæra samninga, þá býð ég mig fram til forseta.  Sennilega var einn efnilegasti frambjóðandi þar vestra látinn fara en það var Rand Paul. Hann hafði allavega eitthvert innihald.  Þessir þrir sem eftir standa eru trúðar...hver með sínum hætti. Ég held að heimurinn á eitthvað betra skilið.

[Halldór Jónsson, 6.3.2016 kl. 18:21]

Já Hilmar,

Bara ef við gætum nú fengið Davíð Oddsson og Ronald Reagan aftur, þá þyrftum við ekki að vera spekulera í þessu með Hillay og Trump