Misskilningur í Mogga

nánar tiltekið í Staksteinum:

"Í nýjasta hefti Þjóðmála er birt grein eftir Hersi Sigurgeirsson, dósent í fjármálum við viðskiptafræðideild Háskóla Íslands, um kostnað- inn sem Íslendingar stæðu frammi fyrir ef Svavars-samningarnir svokölluðu hefðu verið sam- þykktir. Vinstri stjórnin beitti ótrúlegum vinnubrögðum til að þvinga þessa Icesavesamninga í gegnum þingið og í framhaldinu til að reyna að sannfæra þjóðina um að yrðu þeir ekki samþykktir biði landsmanna eymd og volæði.

Þetta var eitthvert ógeðfelldasta áróðursstríð nokkurrar ríkisstjórnar gegn þjóð sinni og þjóðarhagsmunum. Má með ólíkindum telja að forsprakkar þessarar ríkisstjórnar telji að þjóðin taki mark á þeim eftir þetta þegar þeir hefja upp raust sína.

Útreikningar Hersis sýna að hefði vinstristjórnin komið samningunum í gegn hefði skuldin sem þar með hefði verið hengd á þjóðina stað- ið í 208 milljörðum króna hinn 5. júní næstkomandi.

Greiðslur hefðu numið 26 milljörðum króna árlega á næstu átta árum með tilheyrandi lífskjaraskerðingu almennings. Enn hafa þau sem studdu þennan samning ekki útskýrt af hvaða hvötum þau fóru með offorsi gegn vilja og hagsmunum þjóðarinnar og reyndu að hengja á hana slíkan skuldaklafa.

Er ekki tímabært að þau geri hreint fyrir sínum dyrum? "

Þetta er kolröng ályktun eftir góðan pistil.

Fólk hefur ekki minnsta áhuga á hvað þau Steingrímur J og Jóhanna Sigurðardóttir segja hér eftir. Þau eru búin að sýna hvers þau eru megnug. Það er okkar kjósenda að gæta þess að þau komist aldrei aftur í áhrifastöður. Það getur haft stórslys í för með sér sem ekki er víst að þjóðin sleppi eins vel frá og því sem Hersir lýsir.

Það er misskilningur í Mogga að nokkur hafi áhuga á að hlusta á eitt né neitt sem þessi skötuhjú hafa að segja. Þau eru búin að tala og gera og þau hafa engu við að bæta. Þau voru sjálf miskilningur í valdastólum. 

 

Athugasemdir

[Jónas Kr (IP-tala skráð) 23.3.2016 kl. 10:26]

Spurning: Hver heldur þú kostnaðurinn hefði verið fyrir Ísland ef Icesave málið hefði tapast fyrir EFTA dómstólnum?

[Halldór Jónsson, 23.3.2016 kl. 13:07]

Við borgum ekki erlendar skuldir óreiðumanna sagið Davíð og var alveg skýr á því umfram kommana

[Elle_, 23.3.2016 kl. 17:00]

Hvar var Jónas Kr meðan málið var í gangi? Dómstólsmálið kom Svavarssamningnum ekkert við. Samningurinn væri enn þarna ofan á dómsmálið. Og í lögumdæmi Bretlands, ekki dómstóla okkar, eins og við værum ekki sjálfstætt ríki.

Satt Halldór, það væri æskilegast að þau færu upp á fjall og væru þar. Eða yrðu dæmd.

Það var líka aldrei vafi í mínum huga að Steingrímur og co. voru alltaf að ljúga og óttaðist aldrei í sekúndu að neitt kæmi fyrir okkur "eftir helgi" og "í lok október" (Steingrímur 2009) ef við stæðum í lappirnar og segðum NEI. Þetta var ófyrirgefanlegur glæpur.

[Halldór Jónsson, 23.3.2016 kl. 20:38]

Takk Elle, þú skilur margt rétt.