Enn brást Ólafur Forseti rétt við

að taka ekki við  "Bunker"-tillögu forsætisráðherra um að þing skyldi rofið af því að hann fær hvergi stuðning innan þingsins til áframhaldandi veru í embætti.Það er eins og honum finnist að þjóðin sé hætt að vera honum samboðin. 

Vissulega nokkuð óvenjuleg afgreiðsla Forseta á þingrofsbeiðni forsætisráðherra.  En óneitanlega rétt í stöðunni.Bjarni á eftir að skýra sína afstöðu.

Enginn þingmaður er svo stór að hans eigin hagsmunir gangi ofar hagsmunum þjóðarinnar. Sigmundur Davíð sýnist kominn út í horn. Hann fer greinilega ekki neitt með Ólaf Forseta.

Athugasemdir

[Guðbjörg Snót Jónsdóttir (IP-tala skráð) 5.4.2016 kl. 13:58]

Sammála. Eins og Axel Jóhann Axelsson bendir á í bloggfærslu sinni, þá má reyna allt annað en þingrof og kosningar núna, eins og stólaskipti og hrókeringar í ríkisstjórninni, jafnvel stokka hana upp á nýtt. Annað eins hefur nú verið gert áður, minnug Davíðs og Geirs, Geirs og Halldórs Ásgrímssonar. Þingkosningar ofan í forsetakosningar væri glapræði á þessum tíma, fyndist mér. En við getum þakkað okkar sæla fyrir, að Ólafur Ragnar er ennþá forseti, því að ég hefði ekki treyst neinum þeim, sem eru nú búnir að bjóða sig fram, til þess að taka rétt á málunum. Þeir hefðu varla einu sinni komið heim við þessar aðstæður, hefðu þeir verið erlendis, heldur látið allt dankast einhvern veginn. Við megum illa við því að missa Ólaf Ragnar, enda vantar þann mann enn, sem er hæfur til að taka við af honum.

[Már Elíson, 5.4.2016 kl. 18:17]

Mér skilst að hann hafi ekki viljað klára þetta á Bessastöðum og sjá til hvort að hann gæti ekki losnað við þá fóstbræður báða á einhvern annan og slyngari hátt. - Þetta er er jú bara helmingurinn af skemmda eplinu sem búið er að henda og ennþá er hreinsunardeildin að manna herinn.

[Halldór Jónsson, 5.4.2016 kl. 18:31]

Það mættu nú víst aðeins óeirðaseggir til að grýta þinghúsið og lögguna í kvöld og heimta Jóhönnu og Steingrím til baka þannig að þið kommarnir eruð ekki að fá breiðan stuðning við þessar hugsjónir þínar.

[Gunnar Rögnvaldsson, 5.4.2016 kl. 19:28]

Hvernig er það Halldór. Hver er æðsti yfirmaður íslenska lýðveldisins?

a) Forsætisráðherra Íslands?

b) Forseti Íslands?

c) Stjórnarandstaðan?

d) DDRÚV og fólk sem venur komur sínar á Austurvöll þegar því líkar ekki við ríkisstjórn?

e) Eða eru það 320 þúsund Íslendingar sem koma ekki á Austurvöll og sem forsætisráðherra Íslands er forsætisráðherra fyrir?

Gaman væri að fá þitt mat

Kveðjur

[Halldór Jónsson, 5.4.2016 kl. 22:42]

Ja Gunnar, þegar stórt er spurt þá...

Mér hefur nú sýnst í auknum mæli að það sé þessi svonefnda rétthugsun sem fylli þetta embætti. Hún á lögheimili í 101, vinnur á DDRÚV og vex að virðingu og viti í hvert sinn sem eitthvað slæmt hendir þessa hægri öfgamenn sem eru ekki vinstri menn og eru á móti flóttamönnum, hælisleitendum og múslímum,en styðja íslensku krónuna,kirkjunna, Jesú og jólasveininn.

[Hrólfur Þ Hraundal, 5.4.2016 kl. 22:45]

Ég veit náttúrulega minna en hentug væri, en þó leyfi ég mér að halda fram að Íslenska þjóðin sé víðar en á Austurvelli  og að henni fjarstaddri  verulega of brúkuð af kommunistum og hinu kallaða Ríkisútvarpi. 

[Gunnar Rögnvaldsson, 5.4.2016 kl. 22:53]

Sem sagt utan-lýðræðis-stjórnin Halldór, þessi ókjörna? Já, eftir þessa dagana sýnist mér það vera hárrétt hjá þér.

En svo ég svari sjálfur krossaprófi mínu þá er forsætisráðherrann æðsti yfirmaður lýðveldisins. Hann er "Political Head of State".

Kærar kveðjur

[Elle_, 5.4.2016 kl. 23:59]

Gunnar ég tel forsetann vera í æðsta embætti landsins. Nú þar fyrir utan vil ég auka pólitískt vald forsetans.