Bjarni ber af

öðrum stjórnmálaleiðtogum íslenskum um þessar mundir.

Yfirvegun,hófstilling og drengilegt orðaval einkennir framgöngu Bjarna Bendiktssonar. Maðurinn úðar frá sér trausti og heiðarleika hvar sem hann kemur nú á þessum erfiðu tímum.

Það er ekki hægt að rífa kjaft við séntilmann sagði Einar Magg við mig í gamla daga þegar Kristinn Ármannsson var orðinn Rektor í MR. Þannig er það með Bjarna að jafnvel grimmustu hundarnir í stjórnarandstöðunni verða að breyta um tón í geltinu þegar Bjarni birtist.

Ég held að við Sjálfstæðismenn eigum ekki kost á öðrum betri formanni en Bjarna um þessar mundir. 

Bjarni ber af öðrum á þingi.

Athugasemdir

[Jóhann Elíasson, 8.4.2016 kl. 09:25]

Bjarni hefur vaxið mikið sem stjórnmálamaður og hann hefur tekið einstaklega vel á atburðum síðustu daga.

[Sigurður Helgi Magnússon (IP-tala skráð) 8.4.2016 kl. 10:14]

Hverjum þykir sinn fugl fagur

[Jón Ragnarsson, 8.4.2016 kl. 11:28]

Bjarni Vafningur, skjalafalsari og hrokagikkur. Við vitum hvað Bjarni stendur fyrir, en mér er ómögulegt að skilja hvað gengur á í hausnum á fólki eins og Halldóri sem dáist að fólki eins og Bjarna.

[Kristmann Magnússon, 8.4.2016 kl. 15:06]

Jæja loksins urðum við sammála Halldór.  Bjarni hefur staðið sig alveg frábærlega og ég er honum sérstaklega þakklátur fyrir afnám vörugjalda og tolla, sem mun lækka vöruverð á landinu og færa verslunina inn í landið á ný. Gerð sem fyrri fjármálaráðherrar mega skammast sín fyrir að hafa ekki gert fyrr, en Bjarni er ungur og glæsilegur maður sem skilur hlutina

[Helga Kristjánsdóttir, 8.4.2016 kl. 16:29]

Jón Ragnars það vefst fyrir þér að viðurkenna einstaka prúðmennsku Bjarna og týnir upp ávirðingar sem þú eignar honum,þær standast ekki,en aðalmál eru þær góðu efnahagslegu umbætur sem hann hefur leitt. Ég er sammála Jóhannesi,sá hefur vaxið í atinu síðustu daga,hann á bara eftir að sýna að hann klárar þetta með því góða liði sem vinnur með honum.

[Halldór Jónsson, 8.4.2016 kl. 18:57]

 Jóhann Elíasson

Mér finnst þetta vel orðað hjá þér.

Sigurður Helgi Magnússon

Ég er alls ekki að segja þetta af því að hann er formaður í mínum flokki. Ég er ekki ánægður með allt hjá honum Bjarna og vildi að hann gerði sum t öðruvísi. En allt sem ég segi hér að ofan finnst mér með "ísköldu mati" á staðreyndum.

Jón Ragnarsson

hver sem þú ert. Þetta ertu varl að segja í alvöru.Ég þekki marga Jóna Ragnarssyni sem myndu ekki nota svona orð.

Mannsi vinur

Nú glyttir í gamla Mannsa og við erum sammála.Þú segir allt rétt núna og betru en ég gat gert.

Helga góða vinkona,

ég sé að við erum sammála. Með þessu áframhaldi verður Bjarni sá leiðtogi sem við kverúlantar höfum beðið eftir að birtist.Fyrir svona mann viljum við gjarnan starfa. Hann var aldeilis frábær í þinginu í dag í vantraustinu. Hann bar af öllum ræðumönnum sem ég heyrði sem og gull af eiri.

[Hörður Þormar (IP-tala skráð) 8.4.2016 kl. 21:18]

Ekki er vel komið fyrir Sjálfstæðisflokknum ef kverúlantar verða uppistaðan í fylgi hans.

[Rafn Guðmundsson, 9.4.2016 kl. 00:40]

skrítið að ég og fleiri erum ekki að sjá "Maðurinn úðar frá sér trausti og heiðarleika" - kannski er það bara flokksmenn sem sjá þetta

[Elle_, 9.4.2016 kl. 01:04]

Persónulega finnst mér Brynjar Níelsson og Óli Björn Kárason miklu glæsilegri menn úr því minnst var á orðið glæsilegur. Og ungur og glæsilegur ætti ekki að hjálpa stjórnmálamanni.

[Anna Sigríður Guðmundsdóttir, 9.4.2016 kl. 04:06]

Elle. Langrækni, fyrirgefningarleysi og hefnigirni Sjálfstæðisflokks-postula, eins og til dæmis Sjallans Óla Björns Kárasonar, í garð ICESAFE atkvæðagreiðslunnar forðum daga, finnst mér hættuleg.

Óli Björn Kárason er sundrandi og hættulegur hefndarverka-dæmandi boðberi fortíðarinnar. Það er ekki nokkur friðarboðskapur til í hans framtíðar-umræðunnar ferli! Bara árásarhefndin virðist vera leyfileg af hálfu dæmandi sjálfsgagnrýni-snauða óla Björns Kárasonar?

Undarlegur haturs/hefndar-boðberi hann Óli Björn, svo ekki sé meira sagt.

M.b.kv.

[Elle_, 9.4.2016 kl. 10:55]

Fjöldi manns skrifar og talar enn um ICEsave, Anna, og þýðir ekki að maður sé hefnigjarn og hættulegur, langrækur og sundrandi. Vonandi hættir fólk aldrei að minna á það.