Ólaf Ragnar í eitt ár

meðan við breytum stjórnarskránni til þess vegar að við sleppum við að kjósa Forseta með fáein prósent á bak við sig.

Verðum við ekki að kjósa í tveimur umferðum til að fá niðurstöðu sem þjóðin getur staðið saman um?

Ef Ólafur Ragnar gæti fallist á að vera í einhvern lágmarkstíma gegn loforði Alþingis í að breyta kjörreglunum  á þeim tíma þá yrðu margir sáttari.

Eða er Alþingi slétt sama hver verður Forseti eftir dr.Ólaf Ragnar?

Athugasemdir

[Jós.T. (IP-tala skráð) 11.4.2016 kl. 23:36]

Fólk verður ekkert sáttara með að þurfa að mæta aftur á kjörstað til að velja einhvern aula sem þeir töldu óhæfan í fyrri umferðinni. Ekki færi ég að mæta á kjörstað kæmist minn maður ekki áfram í aðra umferð.

Þetta hefur virkað ágætlega hingað til og ekkert sem segir að svo muni ekki verða áfram. Óþarfi að laga eitthvað sem ekki er bilað. Forseti sannar sig, sameinar þjóðina og vinnur hug hennar og hjörtu með verkum sínum en ekki þvinguðum meirihluta atkvæða í óþörfum kosningum.

Og Alþingi getur ekki lofað neinu um hvað næsta stjórn gerir. Alþingi hefur ekki skoðun. Alþingi er 64 einstaklingar hver með sína skoðun sem taka sjálfstæðar ákvarðanir og eru ekki bundnir af neinu nema eigin sannfæringu.

[Jón Steinar Ragnarsson, 11.4.2016 kl. 23:38]

Þurfum við að breyta stjórnarskránni? Það byrjaði jú allt af því að við þurftum þess til að ganga í Evrópusambandið. Erum við á leiðinni þangað?

Þessi mál eru sama málið.