Fjör í Forsetaleikinn!

færist á morgun. Þá kemur Guðni undan feldinum á fundi í Salnum og tilkynnir um framboð eða ekki. Búinn að segja að enginn velti sitjandi Forseta. Spurningin er hvort að fjölmúlarnir með RÚV í broddi fylkingar séu búnir að þyrla upp svo miklu moldviðri um aflandsfélög Dorritar að Guðni stóli svo á leiðveislu rangupplýsingaveitunnar, að hann geti skákað í því skjólinu?

Guðni er ágætur að tala og búinn að kynna sér söguna og þekkir í hverju þeir hafa lent pólitískt. Hann myndi vinna gagnvart öllum öðrum frambjóðendum en Ólafi. Hann á því meiri möguleika næst því ef hann fellur núna þá væri það verra fyrir það.

En það er þetta með aflandsfélagahysteríuna og hana Dorrit. Rangupplýsingamaskínan gengur dag og nótt við að afflytja Ólaf Ragnar af því að hún Dorrit er auðug kona úr öðrum löndum. Þó hún sé gift Ólafi Ragnari, þýðir það endilega að hann hafi fengið allt að vita um bankabækur tengdapabba? Hversu margir verða slíks aðnjótandi við giftingu inn í aðra fjölskyldu?

 

Manneskjan Dorrit Mussajef er úr forríkri erlendri fjölskyldu. Dorrit er erfingi þessa alls. Hvar eiga peningarnir að vera í geymslum? Hérna heima hjá Steingrími J eða í vörslu RSK? Hverslags bull er ekki borið á borð fyrir fólk? Það er ekki hægt að koma á ærlegan tilgang þennan fréttaflutning. 

Finnst fólki almennt ólíklegt að þau hafi gert kaupmála við giftinguna Ólafur og hún? Á hann endilega að vita allt um fjármál tengdapabba? Er gamli komminn Ólafur Ragnar orðinn erfingi að öllu góssi þeirra Mússajefa? 

Þetta er orðið hrein hneisa og farsi hvernig Íslendingar haga sér í þessu áróðursstríði gegn aflandsfélögum sem reynt er að gera samstofna við Sjálfstæðisflokkinn og Bjarna Benediktsson og svo núna líka Ólaf Ragnar Grímsson til þess að geta eyðilagt sem mest. En er fólkið svo heimskt að það sjái ekki í gegn um þessa misbeitingu óvandaðra blaða-og menntunarlítilla og próflausra fréttamanna?

Samsæri alþjóðlegra pörupilta í samstarfi við RÚV allra landsmanna  gagnvart grandalausum forsætisráðherra Íslands dugði til að flæma hann úr embætti undir undir olíutunnubarsmíð framkvæmdastjóra Samfylkingarinnar. Verður það bara Gísli á Uppsölum eða hans jafningjar sem verða taldir nægilega saklausir í fjármálum samtímans til þess að uppfylla siðferðiskröfur RÚV til frambjóðenda?

Mér finnst rangt að jafnmargir úr minnihluta og meirihluta Alþingis skipi stjórnina á RÚV. Leiðir það ekki sjálfkrafa til þess að apparatið fer bara eigin leiðir í öllum málum?

Sýnist einhverjum að hið hlutlausa RÚV sé að draga af sér í því að færa fjör í pólitíkina og Forsetaleikinn líka? 

Athugasemdir

[Ómar Geirsson, 4.5.2016 kl. 19:40]

Blessaður Halldór.

Það er gott að halda sig við allan sannleikann, það er ekki bara Ruv sem stendur í þessu moldviðri.

Í frétt á Mbl.is má finna þessa klausu í gær.

 "Skjöl frá HSBC-bank­an­um í Sviss eru sögð sýna fram á tengsl Dor­rit­ar við af­l­ands­fé­lög og sjóði sem skráðir hafa verið utan Bret­lands. Þar á meðal hafi hún verið einn þriggja meðlima Moussai­eff-fjöl­skyld­unn­ar sem voru skráðir eig­end­ur fé­lags á Bresku Jóm­frúareyj­um. Hún hafi einnig notið góðs af sjóði í eigu fjöl­skyld­unn­ar.

The Guar­di­an seg­ir gögn­in einnig benda til þess að Dor­rit komi til með að erfa meira af af­l­andsauði fjöl­skyld­unn­ar þegar móðir henn­ar Alisa fell­ur frá. Hún er 86 ára göm­ul."

Eignir Dorit er samkvæmt þessu aflandsauður.

Er hægt að leggjast lægra í frétt?

Kveðja að austan.

[Guðbjörg Snót Jónsdóttir (IP-tala skráð) 4.5.2016 kl. 20:12]

Satt segirðu, Halldór. Ég get tekið undir hvert orð, sem þú segir í þessum pistli þínum. Það var sagt við mig í dag, þegar ég var að tala um þetta mál Dorritar, að fólk eigi ekki að þurfa að fá veðbókarvottorð, og jafnvel sakavottorð, þegar það ákveður að giftast einhverri manneskju. Það er alveg rétt, en það er allt á sömu bókina lært hjá þessarri Sovétfréttastofu Samfylkingarinnar hjá Rúv. Það er bara verst, að margir trúa því eins og nýju neti, sem kemur frá þeim þar, meðan okkur hinum hundleiðist þessi málflutningur þeirra og finnst mál að linni þessu eilífa einelti þeirra við ráðamenn þjóðarinnar. Hefðu þeir annars látið svona, ef stjórnarandstaðan hefði verið í stjórnarráðinu? Ég er ekki viss um það. Það sýnir best, hverjir ráða á fréttastofunni. Þetta er algert hneyksli.

[Sigurður Antonsson (IP-tala skráð) 4.5.2016 kl. 22:24]

Þegar ég var unglingur í Gagó Vest þótti fínt að kunna skil á Karl Marx og Lenín. Jón Hannibalsson bjó þá á Maragötunni og var hávasamastur og mælskastur jafnaðarmanna sem vildu vinna með atvinnurekendum. RÚV var leiðandi í fréttaflutningi og dró að sér vinstrimenn í fréttamennsku. Allt var gert til að við gætum ekki séð Kanasjónvarpið og aðra forboðna ávexti.

Í dag er vegur RÚV enn meiri og fá þeir árgjald frá tugþúsunda fyrirtækja sem þeir sinna lítið. Útvarp Saga, Hringbraut og sérlega Ínn sýna fyrirtækjum mun meiri ræktarsemi eða áhuga.

Óljós jafnaðarstefna í anda kommúnista ræður ríkjum á RÚV. Menn á þeim bæ vita lítið hvaðan tekjurnar koma eða hvernig þær verða til. Berið saman veltu RÚV sem mun vera 5000 milljónir og litlu fjölmiðlana sem hafa komið fram á sjónarsviðið síðustu ár.

RÚV er tímaskekkja og hefur komið fram á sviðið eins og 365 miðlar með ívilnunum og einokun. RÚV heldur áfram að riðlast á hinni pólitísku stöðu í landinu eins og 365 miðlar. Skapa ójafnvægi með óbilgjörnum kröfum og áróðri. Óstöðuleiki ríkir í landinu nú eins og eftir búsáhaldabyltinguna. 

Helsta rót þess eru gervimennska á fjölmiðlasviði sem hefur tekið óvæntum breytingum með leikfléttum sem eiga engan sinn líka. Þjóðin sem ekki getur átt banka eða krónu sem ekki er á sífeldu flökti er sérlega viðkvæm. 

Uppaldir í anda RÚV og 365 miðla sem sífellt eru með yfirboð eru að sjálfsögðu okkar eigin syndir Halldór. Afglöp sem við hefðum getað forðast hafi fleiri séð hlutina í sama ljósi og þú lýsir. 

[Elín Sigurðardóttir (IP-tala skráð) 5.5.2016 kl. 09:33]

Skemmtilegt að þú minnist á Jón Baldvin.  Konan hans er að skrifa pistil núna og segir þar að fólk hafi ekki kosið Alþýðuflokkinn snemma á fjórða áratugnum vegna þess að það hafi ekki viljað tilheyra alþýðunni.  Sagan endurtekur sig segir hún síðan og dæsir. Það var óvart Alþýðuflokksarmurinn sem vildi ekki tilheyra alþýðunni þegar þeir ákváðu að svíkja Ólaf Friðriksson í stríðinu um rússneska drenginn.  Þar tóku þeir afstöðu með yfirvöldum.  Þá þurfti Ársæll Sigurðsson að fara í mál við Kaupfélag Reykvíkinga til að losna úr þrældómi framsóknar og krata.  Hann vann málið og bjargaði þar með 460 manns úr klónum á þeim.  Víst endurtekur sagan sig.  Ennþá taka kratarnir afstöðu á móti almenningi og með ESB.         

[Húsari. (IP-tala skráð) 5.5.2016 kl. 14:53]

Sæll Halldór.

Þetta brúðuleikhús sem hefur verið í gangi um hríð
er ekki svo afleitt þegar það er haft í huga jafnframt
má hafa nokkurt gaman af.

Settar eru fram kannanir og aðrar sjónhverfingar hafðar í
frammi til að gera þetta allt sem sennilegast en er í raun
farsi þar sem ýkjum og hreinum hugarburði er teflt saman.

Í þessu sambandi bendir þú réttilega á RÚV og þátt þess
í því sem virðist hreinn spuni.

Mér er það áhyggjuefni að ekki skuli lengur hægt að
treysta fréttum RÚV eins og það snýr við mér og að þær
litist af skoðunum starfsmanna að því er virðist.

Sjónvarpið í núverandi mynd er í raun ekki annað en samhangandi fimmtudagur þar sem betra væri að sýna stillimyndina en endalausan áráður tengdan innflytjendum.

Munur er á því að segja fréttir en að gerast þátttakandi
í atburðarásinni.

Hallast ég að því að nú sé tími til kominn að
Vottum Jehóva verði greiddar þær skaðbætur sem þeir
kunna að eiga inni hjá ríkinu eftir að varað var
sérstaklega við þeim í bæklingi sem SE skrifaði á sinni tíð og fá þeim beint og krókalaust RÚV, sjónvarp og útvarp,
í hendur því þegar svo er komið sem nú er þá er best að
loka sjoppunni og fá hana öðrum liðtækari í hendur.

Nei, Halldór, ég er ekki enn jústereraður Vottur, -
en ligg undir feldi og hugsa mitt ráð!

[Jóhann Kristinsson, 5.5.2016 kl. 16:36]

Jæja þá er Samfylkingin komin með sinn frambjóðenda og Guðni er trúr þeirra stefnu og er eitilharður ESB sinni, enda var Guðni í ESB umsóknarnefndini sem fór til Brussel með Össuri.

Ég ætla að vona að kjósendur sjái það að ef Guðni verður forseti, þá fær þjóðin ekki að kjósa um aðild að ESB, það verður þingið sem ákveður það.

Kveðja frá Las Vegas

[Theódór Norðkvist, 5.5.2016 kl. 16:42]

Halldór, ert þú eins og forsætisráðherrann nýji, á þeirri skoðun að það sé svo erfitt og flókið að eiga peninga á Íslandi og auðmenn eigi svo bágt að þeir verði að gerast efnahagslegir flóttamenn á Suðurhafseyjum - a.m.k. á pappírunum?

Ólafur Ragnar hefur nákvæmlega enga afsökun.

• Ef hann vissi ekki um aflandseign Dorrittar, átti hann aldrei að svara með þessu fræga No, no, no, no, no, no.

• Ef hann vissi um þetta, þá var hann að ljúga blákalt í CNN-viðtalinu.

• Forseti (og hver sem er með sómakennd), átti einfaldlega að spyrja eiginkonuna um þetta atriði.

Dorrit, eftir þessa afhjúpun á forsætisráðherranum og allt þetta Panama-fárviðri, þá er á hreinu, að ég mun verða spurður um það hvort við sem hjón, eða þú persónulega, þar með talið ættmenni þín, eigi, eða séu tengd einhverjum eignum eða félögum, skráðum í skattaskjólum. Því verður þú að segja mér sannleikann um þessi mál.

Ef þú gerir það ekki og ég neita tilvist svona félaga, þá mun ég gera mig að alþjóðlegu fífli (þó það sé kannski ekki búist við neinu mjög gáfulegu frá íslenskum ráðamönnum, eftir það sem á undan er gengið) ef og þegar annað kemur í ljós.

Orðin innan svigans átti Ólafur auðvitað ekki að segja, það er frekar komið frá mínum hjartarótum.

[Theódór Norðkvist, 5.5.2016 kl. 16:45]

Það er sem sagt alveg sama hvernig á þetta mál er horft. Forsetinn gerðist sekur um alvarleg afglöp, í besta falli vítavert kæruleysi og í versta falli lygi.

[Jóhann Kristinsson, 5.5.2016 kl. 17:01]

Ég held að núverandi forseta kemur ekkert við hvað er að gerast innan fyrirtækis sem tengdarfólk hans hefur rekið til fjölda ára.

Hvort sem hann svaraði að konan hans væri með Tortola fyrirtæki eða einhversstaðar annars staðar, tel ég að forsetinn hafi svarað rétt.

Hitt er annað mál að það var fyrirtæki sem kona forsetans átti hlut í, sem er með Tortola fyrirtæki eða einhverstaðar annarstaðar sem var með fyrirtæki og reikninga þar.

Hafði Kona forsetans eitthvað um það að segja? það held ég ekki, af því að hún á ekki meirihluta fyrirtækisins.

En það er kominn Samfylkigarframbjóðandi Guðni Th. og ESB sinni, svo að Samfylkingarfólk ætti að vera ánægt, það hefur einhvern til að setja Xið sitt við.

Kveðja frá Las Vegas

[Helga Kristjánsdóttir, 5.5.2016 kl. 23:34]

 Blessaður sértu Jóhann,það er hreint ómetanlegt að eiga svo skarpan Íslending "útistandandi"sem fylgist svo náið með þjóð sinni sem þú gerir,verandi búsettur erlendis.Í sömu andrá ætla ég ekki að gleyma Gústafi Adolfi í Svíþjóð.

Theodór það er nákvæmlega sama hvað Esb,sinna segja,þeir fordæma allt á sínum forsendum,sem flestir Íslendingar eru alls ekki sammála.
Ætlaði  að skrifa meira um það,en tölvan er að skammta  stafina á hraða snigilsins,þá verð ég að hætta,ómögulegt ef þarf að leiðrétta. Kveð því að sinni.