Stundum fletti ég Fréttablaðinu

aðallega á fimmtudögum til að lesa Þorvald Gylfason. Mest til að þess að koma mér í hæfilegt stríðsskap fyrir daginn.

Ekki bregst doktorinn í dag að skrifa um gagnsleysingjana, sem hann telur að Grímur Thomsen hafi verið. Maðurinn sem hann langafi skrifaði svo um í Reykjavíkina sína:

" Harmafregn!  

Grímur Thomsen reið niður um ís á Bessastaðatjörn í gærkveldi og drukknaði

-ekki."Hann hefur varla verið alveg gagnslaus hann Grímur úr því að hann varð fyrir þessu frá honum Jóni Ólafssyni.

En þá er spurning um  gagnsemi prófessors doktors Þorvaldar Gylfasonar. Hvernig er hún mæld?

Hann hefur eytt miklu bleki í það að krefjast þess að Íslendingar taki  upp stjórnarskrá sem hann samdi sjálfur.Meira en hundraðblaðsíðna skrímsli þar sem margt rekur sig á annars horn og er auðvitað algerlega ónothæft. Í nærri hverri einustu Fréttablaðsgrein fer hann með þá þulu að 83 % kjósenda hafi samþykkt þessa stjórnarskrá hans sem grundvöll að nýrri stjórnarskrá fyrir lýðveldið Ísland.

Hann fer létt með að sneiða hjá því að atkvæðagreiðslan var ógild af Hæstarétti auk þess sem þáttökuleysið og áhugaleysi kjósenda takmarkaðist við fjölda hörðustu komma og krata sem var álíka og sæmileg skoðanakönnun fremur en eitthvað úrtak íslenskra kjósenda. En prófessorinn hrærir þessa sömu steypu flesta fimmtudaga og fær drjúgan skilding fyrir frá Baugsveldinu gamla sem hefur lengi framfært vinstrið efnis-og hugsjónalega.

Burtséð frá þessu þá má Þorvaldur alveg eiga það að hann getur verið bæði fróður, gagnslegur og skemmtilegur um menn og málefni þegar stjórnarskrárþráhyggjunni sleppir.

Svo eru margar auglýsingar í Fréttablaðinu sem vert er að fylgjast með. En varla nokkurn tímann eru einhver skrif í því sem maður les sér til bata. Það er helst hann doktor Þorvaldur á fimmtudögum sem kryddar tilveruna hjá Samfylkingunni sem annars á ósköp bágt á síðum málgagnsins Fréttablaðsins þar sem forystan er mest hætt að nenna að skrifa um pólitík  hvað þá meira.

Athugasemdir

[Valdimar Samúelsson, 19.5.2016 kl. 14:03]

Góður nenni ekki að lesa lengur það sem Þorvaldur Gylfason skrifar en nenni að lesa það sem þú skrifar um hann. :-)

[Ómar Ragnarsson, 19.5.2016 kl. 16:48]

Þú ert að segja stórfrétt sem hefur farið fram hjá mér og þjóðinni: Að hæstiréttur hafi ógilt ráðgefandi þjóðaratkvæðagreiðslu um stjórnarskrána 20. október 2012.

[Húsari. (IP-tala skráð) 19.5.2016 kl. 22:31]

Sæll Halldór.

Það er ekki lítils umvert að í Þorvaldi
skuli leynast slíkur gleðigjafi og sá sem
er ígildi náttúrulegs hressingar- og
yngingarlyfs og það fimmtudag hvern allan ársins hring.

Slíkum mönnum fyrirgefst óðara heldur ógætileg skrif
um Grím á Bessastöðum og með öllu gleymast þau þegar
tónsmíðar hans eru hafðar í huga.

Það er vonlaust með öllu að láta sér ekki
falla vel við slíkan mann sem Þorvaldur er því
fáa hef ég vitað komast nær því að eiga eilíft
líf dag hvern í þriðja himni sem Páll talar um
í bréfi til Korinthumanna og er ígildi Paradísar.

Páll getur þess þó ekki að hafa komist þar öllu oftar
nema í eitt einasta skipti.

Geri aðrir betur!

[Elle_, 19.5.2016 kl. 23:39]

Rangfærlsurnar í Þorvaldi Gylfasyni eru óendanlegar og gera manninn ólesandi og Fréttablaðið með honum.

[Elle_, 19.5.2016 kl. 23:55]

Skildi ekki hvað var rangt við það sem Halldór skrifaði, Ómar, nema hann notaði ekki orðið kosning.  Ætli hann hafi ekki meint kosninguna í nóvember 2011?

Kosning til stjórnlagaþings ógild - mbl.is

[Elle_, 19.5.2016 kl. 23:56]

 Nei 2010.