Dekrað við drullusokkana

uppi á Hólmsheiði meðan gamalt heiðarlegt íslenskt fólk sveltur heilu hungri.

Á Hólmsheiði er verið að vígja glæsilegasta dvalarheimili sem finnst á Íslandi. Ekkert elliheimili kemst í hálfkvisti. Þar geta bófar og reyfarar, sem flestir eru víst útlendingar stundað kynlíf með vinkonum sínum í sérstökum íbúðum og börnin geta kubbað í næsta herbergi. Kostnaðurinn er brjálaður enda hvergi til sparað að opinberum íslenskum hætti.

Hingað kom Ameríkani sem sagðist geta byggt svona fangelsi fyrir helming upphæðarinnar og rekið það líka fyrir helming þess sem við munum gera.

Þarna á að fara mannbætandi höndum um sálir gamalla útlenskra glæpamanna sem við flytjum inn í skjóli Schengen. 

Enn eitt skrípasjóið í viðbót  í afkáraleikhúsi hins íslenska lýðveldis, sem getur ekki hugsað um sitt eigið bágstadda fólk en klekur út stórum lagabálki í þverpólitík sem fjallar um hvernig innfluttur glæpalýður geti varið rétt sinn og fjölskyldna sinna og breitt úr sér hérlendis á okkar kostnað.

Á ég að kjósa höfundana?

Hvað skyldu þau Toni og Kata vera að starfa núna?  Er líklegt að útlent stórtekjufólk fari að  vinna í fiski hjá Íslendingum?

Höldum við virkilega að drullusokkadekur sé það sem þessi þjóð þarfnast mest?

Athugasemdir

[Húsari. (IP-tala skráð) 10.6.2016 kl. 22:21]

Sæll Halldór.

Það er huggun harmi gegn að þvílíkur
hitapollur er á Hólmsheiði að dómarar eru
sagðir munu bæta þeirri klásúlu við dóma sína:

Og ég dæmi þig í heitasta helvíti á Hólmsheiði(!)

[Ómar Ragnarsson, 10.6.2016 kl. 23:43]

Það er meira en 200 ára hefði fyrir þessu hér á landi.

Reist var lúxushús úr steini við Arnarhól yfir "drullusokka" þess tíma, en slík hús mátti telja á fingrum annarrar handar hér á landi.

Svo mikið lúxushús var þetta að þar er nú aðsetur æðstu ráðamanna ríkisins.

[Jónatan Karlsson, 11.6.2016 kl. 03:08]

Heyr - Halldór

En heldur þú Húsari að loftkælingin verði skorin við nögl?

[Húsari. (IP-tala skráð) 11.6.2016 kl. 11:53]

Jónatan! Ekki er kristilegt af mér að gera ráð fyrir
         slíku en ekki er allt kristilegt!

[Halldór Egill Guðnason, 12.6.2016 kl. 02:58]

Fangar og innflytjendur eru greinilega skörinni ofar en okkar minnstu bræður. Samkvæmt nýsamþykktu frumvarpi um innflytjendamál, er ekki langt í að fangar geti fengið til sín alla fjölskylduna til samvista, af mannúðarástæðum. Næst á dagskránni er sennilega að færa veginn um Geitháls, svo ekki sjáist hverjir hafa útivistarleyfi í garðinum þar sem börnin róla sér, meðan mamma og pabbi skreppa afsíðis í smá "dodo".

 Góðar stundir, með kveðju að sunnan.

[Halldór Egill Guðnason, 12.6.2016 kl. 03:21]

Var ekki annars gert ráð fyrir þyrlupalli í hönnuninni? Ef ekki, er hér um sögulegt hönnunarslys að ræða.