Flugumferðarstjórn frestað

þar til 2017. Félag flugumferðarstjóra vann algeran sigur á ríkinu eftir að valda þjóðinni milljarða tjóni og eyðileggja sumarið fyrir almanna- og kennslufluginu almennt. Það fékk viðurkenningu á að það á auðlindina íslenska flugumferð og nýtir hana og skammtar að eigin vild og geðþótta.

Þeir ráða þjálfun umfangi, vinnutíma, fjölda, kaupi, veikindum.Vinna ekki ef þeir nenna ekki. Náðu öllu sínu fram. Isaviu er líklega fjandans sama hvað flugumferðarstjórar hafa í kaup meðan þeirra yfirstjórn í oháeffinu getur haft það eins og hún vill í lúxus, ferðalögum og risnu.

Það eru kosningar og ekkert stjórnmálaafl mun nenna að velta fyrir sér að koma fram skipulagsbreytingum í flugumferðarstjórn.

Þó það eigi ekki við í þessu samhengi þá er það mála sannast að eftir að við fórum að elta Evrópudelluna og tókum upp JAR-inn er reglugerðarfarganið orðið þvílíkt að menn sneiða hjá öllum þeim samskiptum við íslenska kerfið sem þeir geta. Það er víst orðið svipað og með fragtskipin að menn forðast að skrásetja einkavélar hérlendis vegna kostnaðar en flugið sjálft fer út í fisvélar til að losna við kostnaðarvitleysuna við venjulegar vélar og einokunarokur flugvirkjanna.

Degi Bé og Essbirni er svo líklega að takast að loka Reykjavíkurflugvelli og þingmenn okkar og kjörnir fulltrúar bara glápa á atburðina eins og naut á nývirki. Það liggur ekki fyrir hvort Félag Flugumferðarstjórar er sammála lokuninni eða ekki, það vandamál verður þá minna í sniðum. 

Það er ástæða til að óska Félagi Flugumferðarstjóra til hamingju með árangurinn. Þeir hafa fengið viðurkenningu á að þeir ráða flugumferðinni á Íslandi sjálfir. Þeir virðast fara aðeins eftir þeim lögum og reglum sem þeim passar sjálfum og gefa dómurum og yfirvöldum langt nef ef þeim sýnist svo.

Sannið til, að 2017 mun þetta allt endurtaka sig eftir frestun núna nema í stærri stíl og allir þykjast hissa.