Smári McCarthy

sat fyrir svörum í RUV í gærkveldi.

Sagt er að hann sé forsætisráðherraefni flokks Pírata. 

Maðurinn er alþjóðlega sviðsvanur og með víðtæka reynslu að baki. Spurning er hvort það sé nægilegt til þeirrar stöðu sem hann sækist eftir. Mér fundust nú svör hans við spurningum fréttamanna ekki mjög skýr þar sem hann vísaði ítrekað í það samráð við grasrótina sem hver Pírati þyrfti að hafa. Þetta bendir ekki til mikillar félagsmálareynslu. Fréttamenn lögðu ítrekað áherslu á skyndilega ákvarðanatöku en Smári fannst mér ekki svara því beint eða sannfærandi. 

Hann var spurður um framkvæmd prófkjara hjá Pírötum og varðist fimlega spurningum um afskipti kapteinssins. Hann hafði þó þetta að segja um hann í blaðagrein(Grapewine 2012):

"...Actually, people have found one other thing to complain about. It’s one of our members—my colleague Birgitta Jónsdóttir. I’ll admit that in many ways it would be a hell of a lot simpler if she weren’t a member of the Icelandic Pirate Party because then self-righteous pundits would have even less to bitch about, but frankly, she is a valuable asset for a party like ours..."

Smári er greinilega vel lesinn maður og veraldarvanur og trúir á nauðsyn stjórnarskrárbreytinga. En ég efa þó að hann hafi nægilega stjórnmálareynslu til að geta leitt stjórnarsamstarf og þá sérstaklega með Birgittu svífandi yfir vötnum sem er ekki auðveld viðfangs. Til þess þekkir maður of lítið til hans. Hvernig honum gengi gegn til dæmis Steingrími J. sem má telja líklegan samstarfsmann eftir kosningar?

Hann kom inn á að krónan væri vandamál fyrir Íslendinga vegna vaxtanna. En fréttamenn slepptu honum alveg við að útskýra þetta nánar. Vill Smári McCarthy binda krónuna við Evru eins og Benedikt flokkseigandi eða hvað vill hann í gjaldmiðilsmálum?

Hann var ekki eindreginn í að hafna samstarfi við Sjálfstæðisflokkinn eftir kosningar,  heldur vildi snúa spurningunni við. Það kannast ég ekki við að hafi komið upp. Hvað segir þá Birgitta sjálfstæðum skoðunum Smára?

Viðtalið skilaði mörgum ósvörðuðum spurningum um Pírata og Smára McCarthy. Hann er vissulega áhugaverður maður en er í mínum augum of stórt óskrifað blað pólitískt séð.

En kemur þetta ekki allt í ljós innan örskamms tíma?

Athugasemdir

[Eðvarð Lárus Árnason (IP-tala skráð) 4.10.2016 kl. 14:41]

Þessi bloggskrif eru ekki skrifuð af þeim Halldóri sem ég þekki.  Þetta er nýr og óþekktur tónn, sem ekki er hægt að tengja við neitt.  Má ég heldur byðja um gamla tóninn og um leið hreinan tón, og ómengaðan.

[Jón Ólafur (IP-tala skráð) 4.10.2016 kl. 15:30]

Þessi ágæti maður Smári McCarthy sagði á opinberum vettvagi fyir ca.5-6 árum síðan, að atvinnuleysi upp á 30-40% sé nú ekkert tiltökumál, hann hefði eifeldlaega meiri tíma fyrir sjálfansig, ásamt fleirum. Greinilegt að þetta Pírata fók lifir í einhverjum tölvuheimi, þar sem það ýmindar sér að hægt sé að skapa verðmæti úr engu. Held að best væri að Sálfræðingurinn sem var fengin til að stilla til fryðar í þingflokki Pírata, verði látinn svar því hvort hann telji þetta lið yfirhöfuð, hafi greindarvísitölu til að sitja á hinu háa Alþingi Íslendinga. Og nú heyrarast sögur um að Píratar vilji galopna landamærin fyrir hælisleytendur,og það verði tekið á móti nokkur þúsundum á hverju ári, og Latte kaffihúsum í 101 verði stórfjölgað, svo þetta lið geti setið megnið úr sólahringnum við að lepja latte kaffi, sjálfumsér og öðrum til ama.

[Jón Valur Jensson, 4.10.2016 kl. 15:34]

Honum var aldeilis hlíft, þessu "forsætisráðherraefni Pírata" (að sögn Birgittu) í sjónvarpsþættinum í gærkvöldi: hann komst upp með að þagga nánast niður í spyrlinum, sem annars er vanur að vera mjög ágengur við aðra, þannig að hlustendur fengu ekki að heyra það til fulls, jafnvel ekki til hálfs, að hann hefur opinberlega lýst yfir einhverri glannalegustu bjálfaskoðun sem lengi hefur heyrzt í pólitík:

 

 

"Smári McCarthy sagði í myndbandi árið 2010 að hann vilji sjá atvinnuleysi fara í 40-50% sem yrði frábært. Hann bætir þó við að fólk yrði að geta lifað mannsæmandi lífi með einhverskonar framfærslu. Þar á Smári við greiðslur frá ríkinu"!!!

 

–––>  http://www.vb.is/skodun/vilja-piratar-vilja-40-50-atvinnuleysi/131484/

 

Hvaða angurgapar kjósa svona mann til forystu landi og þjóð?*

 

* Og hér fá menn orðabókarskýringuna á hugtakinu angurgapi: "fífldjarfur maður; léttúðugur maður, galgopi."

[Halldór Jónsson, 4.10.2016 kl. 18:31]

Ætli kallinn hafi ekki sagt bara óhugsaða dellu þarna árið 2010, hann hefur kannski vitkast eitthvað síðan. En þegar hann réðist svo á krónuna é þessu viðtali og líklega vill afnema hana fyrir evru , þá er hann kominn með þetta atvinnuleysi sem hann sagði þá vera fínt.

Píratar eru Evrópusinnar og vinstra fólk, eins og Steingrimur J. sem var Evrópusinni í verki þegar hann gat en lýgur núna hversdags um aðrar skoðanir.. En það tekur bara nær enginn mark á honum lengur sem margsönnuðum ómerkingi og Landsdóms-krókódíl.Fínn félagsskapur er hann fyrir Pírata og Viðreisn að mynda nýja vinstri stjórn með.